ជាតិ
បទយកការណ៍ / បទសម្ភាសន៍
នយោបាយជាតិ
លោក ឈឹម ផលវរុណ គាំទ្រCPP តាំងពីនៅវិទ្យាល័យក្លាយជាសមាជិកគណៈកម្មាធិការកណ្តាលបក្ស
×![]()
នៅក្នុងសន្និបាតវិសាមញ្ញកាលពីចុងសប្តាហ៍កន្លងទៅ គណបក្សប្រជាជនកម្ពុជា បានសម្រេចបញ្ចូលសមាសភាពថ្មីចូលក្នុងសមាជិកគណៈកម្មាធិការកណ្តាលគណបក្ស ចំនួន ៣០៦ នាក់ នៅក្នុងនោះក៏មានកូនមន្ត្រីជាន់ខ្ពស់ដែរ។ លោក ឈឹម ផលវរុណ ក៏ជាមនុស្សម្នាក់ ដែលទើបទទួលបានតំណែងជាសមាជិកគណៈកម្មាធិការកណ្តាលគណបក្សប្រជាជនកម្ពុជាក្នុងអាណត្តិនេះផងដែរ។ លោក ឈឹម ផលវរុណ ចាត់ទុកតួនាទីនេះថា ជាកិត្តិយសយ៉ាងខ្លាំងសម្រាប់រូបលោក ដែលគណបក្សប្រជាជនកម្ពុជាផ្តល់ឱកាសឲ្យខ្លួន ដើម្បីបម្រើបក្ស។ អ្នកវិភាគគាំទ្រគណបក្សកាន់អំណាចរូបនេះ បានគាំទ្រគណបក្សប្រជាជនកម្ពុជា តាំងពីខ្លួននៅជាសិស្សវិទ្យាល័យមកម្លេះ ពីព្រោះថា គណបក្សនេះ ជាអ្នករំដោះខ្លួន និងគ្រួសារចេញពីរបប ប៉ុល ពត ហើយថែមទាំងផ្តល់ចំណេះដឹងដល់ខ្លួនថែមទៀត។ ទាំងនេះជាការអះអាងរបស់លោកបណ្ឌិត ឈឹម ផលវរុណ នៅក្នុងបទសម្ភាសន៍ជាមួយលោក ជា ធីរិទ្ធ ការីនិពន្ធនៃសារព័ត៌មានថ្មីៗ ។
លោក ជា ធីរិទ្ធ៖ លោក ឈឹម ផលវរុណ កាលពីចុងសប្តាហ៍កន្លងទៅ គណបក្សប្រជាជនកម្ពុជា បានសម្រេចបោះឆ្នោតជ្រើសរើសរូបលោកឲ្យកាន់ំណែងជាសមាជិកគណៈកម្មាធិការកណ្តាលថ្មីរបស់បក្សនេះ ។ តើលោកពេញចិត្តទេ?
លោក ឈឹម ផលវរុណ៖ បាទខ្ញុំពេញចិត្ត ហើយវាជាកិត្តិយសណាស់ ដែលគណបក្សប្រជាជនកម្ពុជា ផ្តល់ឱកាសដល់ខ្ញុំដើម្បីបម្រើគណបក្ស និងជាតិ។ ខ្ញុំនឹងខំប្រឹងដើម្បីបក្ស។ តាមពិតខ្ញុំគាំទ្រគណបក្សតាំងពីខ្ញុំនៅជាយុវជន ពេលដែលខ្ញុំរៀននៅវិទ្យាល័យបាក់ទូកមកម្លេះ។ ពេលនោះខ្ញុំជាយុវជនបក្សយ៉ាងសកម្ម។ ខ្ញុំគាំទ្រ និងស្រលាញ់បក្សប្រជាជនកម្ពុជា ព្រោះបក្សនេះជាអ្នករំដោះឪពុកម្តាយ បងប្អូនខ្ញុំ និងរូបខ្ញុំ ព្រមទាំងប្រជាជនខ្មែរចេញពីរបបប្រល័យពូជសាសន៍ ។ ហើយខ្ញុំក៏គាំទ្រដោយសារបក្សនេះ បានផ្តល់គុណធម៌ជាចំណេះដឹងដល់ខ្ញុំ តាំងពីរៀនវិទ្យាល័យ និងផ្តល់អាហារូបករណ៍ដល់ខ្ញុំទៅសិក្សានៅប្រទេសអាល្លឺម៉ង់ ក្នុងដំណាក់កាលរដ្ឋាភិបាលសាធារណៈរដ្ឋប្រជាមានិតកម្ពុជា។ មិត្តភក្តិខ្ញុំសុទ្ធតែដឹងថា ខ្ញុំស្មោះស្ម័គ្រនឹងបក្សណាស់។
លោក ជា ធីរិទ្ធ៖ តើពីពេលណាដែលលោកប្រឡូកក្នុងឆាកនយោបាយពេញទំហឹង ក្នុងការគាំទ្របក្សប្រជាជនកម្ពុជាហើយគណបក្សនេះ ផ្តើមចាប់អារម្មណ៍លើលោកនោះ?
លោក ឈឹម ផលវរុណ៖ ខ្ញុំរម្លឹកបន្តិចថានៅពេលដែលខ្ញុំបញ្ចប់ការសិក្សានៅប្រទេសអាល្លឺម៉ង់ ហើយត្រឡប់មកកម្ពុជាវិញ នៅឆ្នាំ ១៩៩៦ ពេលនោះខ្ញុំមិនទាន់បានធ្វើការងារជូនបក្សភ្លាមទេ ដោយសារខ្ញុំបានបំពេញតួនាទីជាទីប្រឹក្សាច្បាប់នៅរដ្ឋសភា ពីឆ្នាំ ១៩៩៧ ដល់២០០១ ។ បន្ទាប់ពីពេលនោះ នៅឆ្នាំ២០០៣ ដល់២០០៥ ខ្ញុំលែងពាក់ព័ន្ធក្នុងរដ្ឋសភា។ ខ្ញុំចាប់ផ្តើមធ្វើសកម្មភាពពេញទីគាំទ្របក្សប្រជាជនកម្ពុជា តាមរយៈការពន្យល់ពលរដ្ឋឲ្យចេះប្រើសិទ្ធិនិងសេរីភាព នៅក្នុងប្រទេសប្រជាធិបតេយ្យ តាមបែបអង់គ្លេស អូស្ត្រាលី អាល្លឺម៉ង ជាដើម មិនមែនតាមបែបអាមេរិកទេ ។ ការពន្យល់របស់ខ្ញុំ គាំទ្របក្សប្រជាជនកម្ពុជា ដោយផ្អែកទៅលើចំណេះដឹង និងស្មារតីជួយប្រជាពលរដ្ឋ និងប្រវត្តិសាស្ត្ររបស់ជាតិពិតប្រាកដ។
លោក ជា ធីរិទ្ធ៖ និយាយដល់ការពន្យល់ និងការវិភាគរបស់លោកនៅតាមទូរទស្សន៍ និងវិទ្យុ កន្លងមក អ្នកគាំទ្របក្សប្រឆាំង និងអ្នកវិភាគខ្លះ ចាត់ទុកការវិភាគរបស់លោក ដូចជា ងប់ងល់នឹងបក្សកាន់អំណាចហួសហេតុ។ តើក្នុងចិត្តលោកឃើញតែចំណុចល្អរបស់គណបក្សប្រជាជនកម្ពុជាទេឬ?
លោក ឈឹម ផលវរុណ៖ តាមពិតខ្ញុំគ្រាន់តែពន្យល់ឲ្យពលរដ្ឋ បានយល់ដឹងពីររបៀបប្រើប្រាស់សិទ្ធិរបស់ខ្លួននៅក្នុងប្រទេសប្រជាធិបតេយ្យ។ តែខ្ញុំមិនបិទសិទ្ធិសេរីភាពបញ្ចេញមតិរបស់ពួកគាត់ទេ ហើយពួកគាត់ក៏មិនត្រូវបិទសិទ្ធិក្នុងការបញ្ចេញមតិរបស់ខ្ញុំដែរ។ ខ្ញុំគ្រាន់តែវាយតម្លៃទៅលើអ្នកជាន់ឈ្លីប្រវត្តិសាស្ត្រ និងចង់លុបចោលប្រវត្តិសាស្ត្រពិតរបស់ប្រទេស។ ខ្ញុំស្រលាញ់ និងនិយាយពីគុណសម្បត្តិគណបក្សប្រជាជនកម្ពុជា។តាមពិតអ្នកទាំងនោះ មើលឃើញតែគុណវិបត្តិគណបក្សប្រជាជនកម្ពុជា។ ម្យ៉ាងទៀតខ្ញុំមិនដែលឃើញ អ្នករិះគន់ខ្ញុំនោះ ប្រាប់ពីគុណសម្បត្តិរបស់គណបក្សប្រឆាំងសោះ ហើយខ្ញុំក៏មើលមិនឃើញគុណសម្បត្តិរបស់គណបក្សសង្គ្រោះជាតិដែរ។ តែខ្ញុំសរសើរខ្លះដែរ ដែលចូលរួមបង្កើតវប្បធម៌សន្ទនាគ្នា។ ម្យ៉ាងវិញទៀត ដោយសារតែស្ថានការណ៍នៅកម្ពុជាបច្ចុប្បន្ន មានអ្នករិះគន់គណបក្សប្រជាជនកម្ពុជាច្រើនហៀរហូរ ដែលមិនសមហេតុសមផល ហើយតម្រូវឲ្យរូបខ្ញុំចេញមុខ ការពារគណបក្សប្រជាជនកម្ពុជា និងតម្រង់ទិសក្រុមនោះមកវិញ។
លោក ជា ធីរិទ្ធ៖ ឥឡូវនេះ លោកធ្វើជាប្រធានវិទ្យាស្ថានពលរដ្ឋវិទ្យាផង ហើយធ្វើជាសមាជិកគណៈកម្មាធិការកណ្តាលបក្សទៀត តើវាមិនច្របូកច្របល់គ្នារវាងស្ថាប័នលោកក្រៅរដ្ឋាភិបាល និងរឿងនយោបាយទេឬ?
លោក ឈឹម ផលវរុណ៖ នៅកម្ពុជាគ្មានច្បាប់កំណត់ពីអត្តសញ្ញាណច្បាស់លាស់ពីអង្គការក្រៅរដ្ឋាភិបាល និងសមាគមទេ ។ រូបខ្ញុំតែងតែជំរុញឲ្យមានច្បាប់នេះ ។ ព្រោះតែគ្មានច្បាប់កំណត់នេះហើយ បាន NGO និងសមាគម ជាច្រើន នៅកម្ពុជា អនាថា រួមទាំងវិទ្យាស្ថានពលរដ្ឋវិទ្យារបស់ខ្ញុំដែរ។ ដូច្នេះសកម្មភាពរបស់ខ្ញុំ មិនខុសអ្វីនោះទេ ៕
លោក ជា ធីរិទ្ធ៖ លោក ឈឹម ផលវរុណ កាលពីចុងសប្តាហ៍កន្លងទៅ គណបក្សប្រជាជនកម្ពុជា បានសម្រេចបោះឆ្នោតជ្រើសរើសរូបលោកឲ្យកាន់ំណែងជាសមាជិកគណៈកម្មាធិការកណ្តាលថ្មីរបស់បក្សនេះ ។ តើលោកពេញចិត្តទេ?
លោក ឈឹម ផលវរុណ៖ បាទខ្ញុំពេញចិត្ត ហើយវាជាកិត្តិយសណាស់ ដែលគណបក្សប្រជាជនកម្ពុជា ផ្តល់ឱកាសដល់ខ្ញុំដើម្បីបម្រើគណបក្ស និងជាតិ។ ខ្ញុំនឹងខំប្រឹងដើម្បីបក្ស។ តាមពិតខ្ញុំគាំទ្រគណបក្សតាំងពីខ្ញុំនៅជាយុវជន ពេលដែលខ្ញុំរៀននៅវិទ្យាល័យបាក់ទូកមកម្លេះ។ ពេលនោះខ្ញុំជាយុវជនបក្សយ៉ាងសកម្ម។ ខ្ញុំគាំទ្រ និងស្រលាញ់បក្សប្រជាជនកម្ពុជា ព្រោះបក្សនេះជាអ្នករំដោះឪពុកម្តាយ បងប្អូនខ្ញុំ និងរូបខ្ញុំ ព្រមទាំងប្រជាជនខ្មែរចេញពីរបបប្រល័យពូជសាសន៍ ។ ហើយខ្ញុំក៏គាំទ្រដោយសារបក្សនេះ បានផ្តល់គុណធម៌ជាចំណេះដឹងដល់ខ្ញុំ តាំងពីរៀនវិទ្យាល័យ និងផ្តល់អាហារូបករណ៍ដល់ខ្ញុំទៅសិក្សានៅប្រទេសអាល្លឺម៉ង់ ក្នុងដំណាក់កាលរដ្ឋាភិបាលសាធារណៈរដ្ឋប្រជាមានិតកម្ពុជា។ មិត្តភក្តិខ្ញុំសុទ្ធតែដឹងថា ខ្ញុំស្មោះស្ម័គ្រនឹងបក្សណាស់។
លោក ជា ធីរិទ្ធ៖ តើពីពេលណាដែលលោកប្រឡូកក្នុងឆាកនយោបាយពេញទំហឹង ក្នុងការគាំទ្របក្សប្រជាជនកម្ពុជាហើយគណបក្សនេះ ផ្តើមចាប់អារម្មណ៍លើលោកនោះ?
លោក ឈឹម ផលវរុណ៖ ខ្ញុំរម្លឹកបន្តិចថានៅពេលដែលខ្ញុំបញ្ចប់ការសិក្សានៅប្រទេសអាល្លឺម៉ង់ ហើយត្រឡប់មកកម្ពុជាវិញ នៅឆ្នាំ ១៩៩៦ ពេលនោះខ្ញុំមិនទាន់បានធ្វើការងារជូនបក្សភ្លាមទេ ដោយសារខ្ញុំបានបំពេញតួនាទីជាទីប្រឹក្សាច្បាប់នៅរដ្ឋសភា ពីឆ្នាំ ១៩៩៧ ដល់២០០១ ។ បន្ទាប់ពីពេលនោះ នៅឆ្នាំ២០០៣ ដល់២០០៥ ខ្ញុំលែងពាក់ព័ន្ធក្នុងរដ្ឋសភា។ ខ្ញុំចាប់ផ្តើមធ្វើសកម្មភាពពេញទីគាំទ្របក្សប្រជាជនកម្ពុជា តាមរយៈការពន្យល់ពលរដ្ឋឲ្យចេះប្រើសិទ្ធិនិងសេរីភាព នៅក្នុងប្រទេសប្រជាធិបតេយ្យ តាមបែបអង់គ្លេស អូស្ត្រាលី អាល្លឺម៉ង ជាដើម មិនមែនតាមបែបអាមេរិកទេ ។ ការពន្យល់របស់ខ្ញុំ គាំទ្របក្សប្រជាជនកម្ពុជា ដោយផ្អែកទៅលើចំណេះដឹង និងស្មារតីជួយប្រជាពលរដ្ឋ និងប្រវត្តិសាស្ត្ររបស់ជាតិពិតប្រាកដ។
លោក ជា ធីរិទ្ធ៖ និយាយដល់ការពន្យល់ និងការវិភាគរបស់លោកនៅតាមទូរទស្សន៍ និងវិទ្យុ កន្លងមក អ្នកគាំទ្របក្សប្រឆាំង និងអ្នកវិភាគខ្លះ ចាត់ទុកការវិភាគរបស់លោក ដូចជា ងប់ងល់នឹងបក្សកាន់អំណាចហួសហេតុ។ តើក្នុងចិត្តលោកឃើញតែចំណុចល្អរបស់គណបក្សប្រជាជនកម្ពុជាទេឬ?
លោក ឈឹម ផលវរុណ៖ តាមពិតខ្ញុំគ្រាន់តែពន្យល់ឲ្យពលរដ្ឋ បានយល់ដឹងពីររបៀបប្រើប្រាស់សិទ្ធិរបស់ខ្លួននៅក្នុងប្រទេសប្រជាធិបតេយ្យ។ តែខ្ញុំមិនបិទសិទ្ធិសេរីភាពបញ្ចេញមតិរបស់ពួកគាត់ទេ ហើយពួកគាត់ក៏មិនត្រូវបិទសិទ្ធិក្នុងការបញ្ចេញមតិរបស់ខ្ញុំដែរ។ ខ្ញុំគ្រាន់តែវាយតម្លៃទៅលើអ្នកជាន់ឈ្លីប្រវត្តិសាស្ត្រ និងចង់លុបចោលប្រវត្តិសាស្ត្រពិតរបស់ប្រទេស។ ខ្ញុំស្រលាញ់ និងនិយាយពីគុណសម្បត្តិគណបក្សប្រជាជនកម្ពុជា។តាមពិតអ្នកទាំងនោះ មើលឃើញតែគុណវិបត្តិគណបក្សប្រជាជនកម្ពុជា។ ម្យ៉ាងទៀតខ្ញុំមិនដែលឃើញ អ្នករិះគន់ខ្ញុំនោះ ប្រាប់ពីគុណសម្បត្តិរបស់គណបក្សប្រឆាំងសោះ ហើយខ្ញុំក៏មើលមិនឃើញគុណសម្បត្តិរបស់គណបក្សសង្គ្រោះជាតិដែរ។ តែខ្ញុំសរសើរខ្លះដែរ ដែលចូលរួមបង្កើតវប្បធម៌សន្ទនាគ្នា។ ម្យ៉ាងវិញទៀត ដោយសារតែស្ថានការណ៍នៅកម្ពុជាបច្ចុប្បន្ន មានអ្នករិះគន់គណបក្សប្រជាជនកម្ពុជាច្រើនហៀរហូរ ដែលមិនសមហេតុសមផល ហើយតម្រូវឲ្យរូបខ្ញុំចេញមុខ ការពារគណបក្សប្រជាជនកម្ពុជា និងតម្រង់ទិសក្រុមនោះមកវិញ។
លោក ជា ធីរិទ្ធ៖ ឥឡូវនេះ លោកធ្វើជាប្រធានវិទ្យាស្ថានពលរដ្ឋវិទ្យាផង ហើយធ្វើជាសមាជិកគណៈកម្មាធិការកណ្តាលបក្សទៀត តើវាមិនច្របូកច្របល់គ្នារវាងស្ថាប័នលោកក្រៅរដ្ឋាភិបាល និងរឿងនយោបាយទេឬ?
លោក ឈឹម ផលវរុណ៖ នៅកម្ពុជាគ្មានច្បាប់កំណត់ពីអត្តសញ្ញាណច្បាស់លាស់ពីអង្គការក្រៅរដ្ឋាភិបាល និងសមាគមទេ ។ រូបខ្ញុំតែងតែជំរុញឲ្យមានច្បាប់នេះ ។ ព្រោះតែគ្មានច្បាប់កំណត់នេះហើយ បាន NGO និងសមាគម ជាច្រើន នៅកម្ពុជា អនាថា រួមទាំងវិទ្យាស្ថានពលរដ្ឋវិទ្យារបស់ខ្ញុំដែរ។ ដូច្នេះសកម្មភាពរបស់ខ្ញុំ មិនខុសអ្វីនោះទេ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
