ជាតិ
បទវិភាគ
សង្គមជាតិ
រវាងអំពើពុករលួយ និងសិទ្ធិនៃការរស់រានមានជីវិត មួយណាសំខាន់ជាង?
× ក្នុងខណៈពេលដែលអង្គភាពប្រឆាំងអំពើពុករលួយចាប់ផ្តើមអនុវត្តកិច្ចការរបស់ខ្លួនកាន់តែមានប្រសិទ្ធិភាពនោះ មានមតិមួយចំនួនបានលើកឡើងថា តើរវាងអំពើពុករលួយ និងសិទ្ធិនៃការរស់រានមានជីវិត មួយណាសំខាន់ជាង?
សំណួរនេះត្រូវបានលើកឡើងដោយសារតែអ្នកពាក់ព័ន្ធមួយចំនួនអត្ថាធិប្បាយថា ដរាបណាប្រាក់ខែរដ្ឋមិនទាន់អនុញ្ញាតអោយមន្ត្រីរាជការអាចរស់បានសមរម្យទេនោះ អង្គភាពប្រឆាំងអំពើពុករលួយក៏មិនត្រូវដាក់ទណ្ឌកម្ម ឬចាប់ចងមនុស្សគ្រប់គ្នានោះដែរ។ អ្នកពាក់ព័ន្ធនិយាយថា មន្ត្រីនៃអង្គភាពប្រឆាំងអំពើពុករលួយទទួលបានប្រាក់ខែច្រើនក្នុងន័យរារាំងមន្ត្រីរបស់ខ្លួនកុំអោយប្រព្រឹត្តិអំពើពុករលួយ។ តាមរយៈនិតិវិធីរបស់អង្គភាពនេះ រដ្ឋាភិបាលក៏ត្រូវតំឡើងប្រាក់ខែជូនមន្ត្រីអោយគ្រប់គ្រាន់ដែរ មុននឹងដាក់ទណ្ឌកម្មពួកគេ។
ក្រពះឃ្លាន ជំរុញអោយមន្ត្រីខ្លះ ប្រព្រឹត្តិអំពើពុករលួយ។ បើមិនប្រព្រឹត្តិអំពើពុករលួយ ពួកគេអាចនឹងស្លាប់ដោយសារខ្វះខាតរបបអាហារគ្រប់គ្រាន់។ បើមានមន្ត្រីខ្លះអាចស្លាប់ដោយសារបច្ច័យនៃប្រាកខែមិនគ្រប់គ្រាន់ តើវាអាចប៉ះពាល់ដល់សិទ្ធិនៃការរស់រានមានជីវិតដែរឬទេ? តើរវាងអំពើពុករលួយ និងសិទ្ធិនៃការរស់រានមានជីវិត មួយណាសំខាន់ជាង?
សរុបសេចក្តីមក មន្ត្រីទោះតូចក្តី ធំក្តី ក្រឬមាន មិនត្រូវទទួលសំណូកជាដាច់ខាត។ ការទទួលសំណូកខុសគោលការណ៍ ត្រូវតែទទួលទោស។ តែផ្ទុយទៅវិញ រដ្ឋាភិបាលត្រូវតែផ្តល់ប្រាក់ខែសមរម្យជូនមន្ត្រីជាមុនសិន មុននឹងផ្តន្ទាទោសពួកគេ៕
© រក្សាសិទ្ធិដោយ thmeythmey.com