ជាតិ
សង្គមជាតិ
ចម្រៀងជនពិការ Uptown Funk ត្រូវបានបង្ហោះផ្សាយជាផ្លូវការ
×
ភ្នំពេញ៖ បទចម្រៀងកាយវិការបែបអប់រំ ដែលទាក់ទងទៅនឹងការបង្ហាញពីសមត្ថភាព របស់ជនពិការ «Uptown Funk » ត្រូវបានដាក់បង្ហោះនៅលើប្រព័ន្ធ YouTube នៅថ្ងៃច័ន្ទ ទី១៦ ខែកុម្ភៈ ម្សិលមិញនេះ ។ ចម្រៀងដែលជំរុញអោយមានការផ្លាស់ប្តូរការគិតជាភាពអវិជ្ជមាន ចំពោះជនពិការនេះ ទទួលបានការឧបត្តមពីអង្គការយូនីសែហ្វ (UNICEF) ។
អ្នកសម្ដែងជាជនពិការ និងមិនពិការមកពីអង្គការអេពិកអាតកម្ពុជា បានចូលរួមជាមួយនឹង អង្គការយូនីសែហ្វកម្ពុជា ដើម្បីផលិតវីឌីអូដ៏សំខាន់មួយដែលវីឌីអូចំរៀងរបស់ពេញនិយម «Uptown Funk» របស់លោក ម៉ាក រ៉ន់សុន និងលោក ប្រ៊ូណូ ម៉ា។
វីឌីអូដែលចំណាយរយៈពេលថតចំនួន ៤ថ្ងៃនេះ បានបង្ហាញអោយឃើញពីការចូលរួមថត រួមគ្នារវាង ជនពិការ និងមិនពិការទាំងអស់ ព្រមទាំងបុគ្គលិក និងសិស្សរបស់អង្គការ អេពិកអាត។
លោក ប៊ូ សាគុណ ជាអ្នកចម្រៀងដឹកនាំក្រុមដ៏ល្អឆើតធ្វើចលនារាំនៅតាម បណ្ដោយផ្លូវនៅទីក្រុងកំពត បាននិយាយថា ចម្រៀងនេះចង់បង្ហាញថាមនុស្សពិការអាច ធ្វើអ្វីៗ បានគ្រប់ប្រភេទ ដូចជា អ្នកចំរៀងអ្នករាំ គ្រូបង្រៀន និងជាអ្នកខាត់ទ្រនាប់ជើង។
បុរសវ័យ ២៩ឆ្នាំ បន្តថា ជនពិការអាចត្រូវបានមើល ឮឃើញថា មានភាពស្រស់ស្អាត ទាក់ទាញ និង គួរអោយចាប់អារម្មណ៏ដូចមនុស្សដ៏ទៃផ្សេងទៀតដែរ។
លោកសង្ឃឹមថា បទចម្រៀងដែលផលិតឡើងក្រោមជំនួយមូលនិធិឧបត្ថម្ភ CDIDF របស់ UNICEF នេះនឹងទទួលបានជោគជ័យទាំងថ្នាក់ជាតិនិង អន្តរជាតិផងដែរ។
ដើម្បីទស្សនាវីឌីអូនេះ សូមចុចចូល YouTube ហើយសរសេរអក្សរ Uptown Funk Epic Arts ៕
ទស្សនាវីដេអូ
© រក្សាសិទ្ធិដោយ thmeythmey.com