ជាតិ
ខែមករា៖រដ្ឋបាលព្រៃឈើបង្ក្រាបបទល្មើសព្រៃឈើនិងសត្វព្រៃបាន២៤៥ករណី
× នៅក្នុងខែមករា ដើមឆ្នាំ២០១៥ អង្គភាពរដ្ឋបាលព្រៃឈើមូលដ្ឋាននៅទូទាំងប្រទេស បានបង្ក្រាបបទល្មើសព្រៃឈើ សត្វព្រៃ និងបទល្មើសកាប់រានទន្ទ្រានដីព្រៃបានចំនួន២៤៥ករណី ក្នុងនោះបញ្ជូនទៅតុលាការចំនួន២១៨ករណី និងផាកពិន័យជាអន្តរការណ៍ចំនួន២៧ករណី។ នេះបើយោងតាមរបាយការណ៍ស្តីពី ស្ថានភាពកសិកម្ម រុក្ខាប្រមាញ់ និងនេសាទ ប្រចាំខែមករា ឆ្នាំ២០១៥ របស់ក្រសួងកសិកម្ម រុក្ខាប្រមាញ់ និងនេសាទ។
បើតាមរបាយការណ៍ដដែល ការបង្ក្រាបបទល្មើសខាងលើ អាជ្ញាធរដកហូតបានវត្ថុតាងជាច្រើនរួមមាន ឈើមូល និងជ្រុងចំនួន១០០ម៉ែត្រគូប ឈើអារចំនួន៧៥៥ម៉ែត្រគូប ឈើក្រាក់ និងឈើក្រញូងចំនួន១៨ម៉ែត្រគូប និង១,១៥៤គីឡូក្រាម សត្វព្រៃចម្រុះប្រភេទចំនួន១៤៦ក្បាល និង៤៨.៥គីឡូក្រាម អនុផលព្រៃឈើ និងសម្ភារមួយចំនួនទៀត ព្រមទាំងដីព្រៃឈើដែលកាប់រានចំនួន២១០ហិចតា៕
© រក្សាសិទ្ធិដោយ thmeythmey.com