ជាតិ
មហោស្រពវប្បធម៌យុវជនអន្តរជាតិនឹងប្រព្រឹត្តទៅនៅខេត្តសៀមរាបនាអំឡុងខែមេសា
× ក្រសួងអប់រំយុវជននិងកីឡានឹងរៀបចំមហោស្រពវប្បធម៌យុវជនអន្តរជាតិរយៈពេល៦ថ្ងៃចាប់ពីថ្ងៃទី១២ដល់ថ្ងៃទី១៧ខែមេសាឆ្នាំ២០១៥ក្នុងខេត្តសៀមរាប។
មហោស្រពវប្បធម៌យុវជនអន្តរជាតិនេះប្រារព្ធឡើងក្រោមប្រធានបទ«ឯកភាពនិងសាមគ្គីភាព៖កម្លាំងក្នុងវប្បធម៌ចំរុះ» ដើម្បីអបអរសាទរការឈានចូលមដល់នៃសមាហរណកម្មអាស៊ាន ដែលនឹងមកដល់នោចុងឆ្នាំ២០១៥នេះ។
មហោស្រពនេះគឺជាវេទិការមួយដែលផ្តល់ឱកាសដល់យុវជនចែករំលែកចំណេះដឹងអំពីវប្បធម៌ អរិយធម៌ ទំនៀមទម្លាប់ប្រពៃណី ពង្រឹងទំនាក់ទំនងមិត្តភាពសាមគ្គីភាព ស្មារតីយោគយល់គ្នារវាងយុវជនមកពីបណ្តាប្រទេសជាសមាជិកអាស៊ាន និងប្រទេសជាដៃគូសន្ទនាក្នុងបរិបទនៃវប្បធម៌ចំរុះជាតិសាសន៍ព្រមទាំងរួមចំណែកដល់ការអភិវឌ្ឍយុវជនជំរុញឲ្យយុវជននៃប្រទេសនីមួយៗមានទំនាក់ទំនងល្អ និងយោគយល់គ្នាកាន់តែស៊ីជម្រៅ៕
© រក្សាសិទ្ធិដោយ thmeythmey.com