ជាតិ
មន្ត្រីរាជការ យោធា និងនគរបាល គ្មានការប្រឡងប្តូរក្របខណ្ឌ និងដំឡើងស័ក្តិឡើយនៅឆ្នាំនេះ
×![]()
ដោយ: ខន ចំប៉ា
ដើម្បីផ្តល់លក្ខណៈងាយស្រួលដល់ការដាក់ឲ្យដំណើរការសន្ទស្សន៍បៀវត្ស និងប្រាក់បំណាច់មុខងារថ្មី ការប្រឡងផ្ទៃក្នុងផ្លាស់ប្តូរប្រភេទក្របខណ្ឌ និងការដំឡើងឋានន្តរសក្តិ ឬថ្នាក់របស់មន្ត្រីរាជការស៊ីវិល នៃក្រសួងស្ថាប័ននៅថ្នាក់ជាតិនិងថ្នាក់ក្រោមជាតិ យោធិន និងនគរបាលជាតិ មិនត្រូវអនុវត្តន៍ឡើយក្នុងឆ្នាំ២០១៥នេះ។ នេះបើយោងតាមសារាចររបស់រាជរដ្ឋាភិបាល ស្តីពីវិធានការសម្រាប់ការគ្រប់គ្រង មន្ត្រីរាជការស៊ីវិល យោធិន នគរបាលជាតិ មន្ត្រីជាប់កិច្ចសន្យា និងបុគ្គលិកអណ្តែត ក្នុងឆ្នាំ២០១៥ ។
សារាចរ ចុះថ្ងៃទី៥មីនា ចុះហត្ថលេខា ដោយលោក នាយករដ្ឋមន្ត្រីហ៊ុន សែន បន្តថា ដើម្បីធានាការអនុវត្តកម្មវិធីកំណែទម្រង់ របស់រាជរដ្ឋាភិបាល ឲ្យប្រព្រឹត្តិទៅដោយរលូន និងបានជោគជ័យ ពិសេសដើម្បីគាំទ្រការរៀបចំប្រព័ន្ធបៀវត្សថ្មីសម្រាប់ឆ្នាំ២០១៥ និងវិធានការសម្រាប់ការបង្កើនបៀវត្សជូនមន្ត្រីរាជការ នៅឆ្នាំ២០១៥នេះ ការជ្រើសរើសក្របខណ្ឌមន្ត្រីរាជការស៊ីវិល នៃក្រសួង ឬស្ថាប័ននៅថ្នាក់ជាតិ និងថ្នាក់ក្រោមជាតិ យោធិន និងនគរបាល ត្រូវជ្រើសរើសស្មើនឹងចំនួនមន្ត្រីដែលបាត់បង់ពីក្របខណ្ឌ ដោយសារការចូលនិវត្តន៍ លាឈប់ បញ្ឈប់ពីការងារ បាត់បង់សម្បទាវិជ្ជាជីវៈ ឬមរណៈភាព។
«ក្រសួង ស្ថាប័ន ឬអង្គភាពដែលបង្កើតថ្មី ត្រូវប្រើប្រាស់មន្ត្រីរាជការដែលមានស្រាប់ឲ្យអស់លទ្ធភាព ការជ្រើសរើសក្របខណ្ឌថ្មីត្រុវមានលក្ខណៈរឹតត្បិតបំផុត និងស្ថិតនៅ ក្រោមក្របខណ្ឌនៃច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០១៥ ។ ចៀសវាងការរៀបចំបង្កើត ឬរៀបចំរចនាសម្ព័ន្ធថ្មីនៅតាមក្រសួង ស្ថាប័ន ឬនៅតាមមន្ទីរជុំវិញរាជធានីភ្នំពេញ ខេត្ត ដែលនាំឲ្យមានតម្រូវមន្ត្រីថ្មី ប៉ុន្តែបើក្នុងករណីចាំបាច់ រចនាសម្ព័ន្ធថ្មីអាចត្រូវកែសម្រួល ឬរៀបចំថ្មីតែមិនត្រូវជ្រើសរើសក្របខណ្ឌមន្ត្រីថ្មីឡើយ។ ការជ្រើសរើសមន្ត្រីជាប់កិច្ចសន្យា និងបុគ្គលិកអណ្តែត ត្រូវជ្រើសរើសតាមចំនួនដែលរាជរដ្ឋាភិបាលអនុញាត ក្នុងករណីជ្រើសរើសមន្ត្រីថ្មី ត្រូវស្ថិតក្រោមការត្រួតពិនិត្យពីក្រសួងមុខងារសាធារណៈ និងក្រសួងសេដ្ឋកិច្ច និងហិរញ្ញវត្ថុ»។ នេះបើតាមខ្លឹមសារនៃសារាចរ ដដែល។
ជាមួយគ្នានេះដែរ គ្រប់ក្រសួង ស្ថាប័នត្រូវសហការជាមួយក្រសួងមុខងារសាធារណៈ ដើម្បីពិនិត្យឡើងវិញ នូវការប្រើប្រាស់មន្ត្រីរាជការនៅតាមក្រសួង ស្ថាប័ន ក្នុងគោលដៅ ធានាការជ្រើសរើស ការពង្រាយមន្ត្រីរាជការ ការផ្លាស់ប្តូរការងារ ការប្រើប្រាស់ធនធានមនុស្ស ឲ្យស្របតាមតម្រូវការពិប្រាកដ នៃការងារ និងមានប្រសិទ្ធិភាព៕
សារាចរ ចុះថ្ងៃទី៥មីនា ចុះហត្ថលេខា ដោយលោក នាយករដ្ឋមន្ត្រីហ៊ុន សែន បន្តថា ដើម្បីធានាការអនុវត្តកម្មវិធីកំណែទម្រង់ របស់រាជរដ្ឋាភិបាល ឲ្យប្រព្រឹត្តិទៅដោយរលូន និងបានជោគជ័យ ពិសេសដើម្បីគាំទ្រការរៀបចំប្រព័ន្ធបៀវត្សថ្មីសម្រាប់ឆ្នាំ២០១៥ និងវិធានការសម្រាប់ការបង្កើនបៀវត្សជូនមន្ត្រីរាជការ នៅឆ្នាំ២០១៥នេះ ការជ្រើសរើសក្របខណ្ឌមន្ត្រីរាជការស៊ីវិល នៃក្រសួង ឬស្ថាប័ននៅថ្នាក់ជាតិ និងថ្នាក់ក្រោមជាតិ យោធិន និងនគរបាល ត្រូវជ្រើសរើសស្មើនឹងចំនួនមន្ត្រីដែលបាត់បង់ពីក្របខណ្ឌ ដោយសារការចូលនិវត្តន៍ លាឈប់ បញ្ឈប់ពីការងារ បាត់បង់សម្បទាវិជ្ជាជីវៈ ឬមរណៈភាព។
«ក្រសួង ស្ថាប័ន ឬអង្គភាពដែលបង្កើតថ្មី ត្រូវប្រើប្រាស់មន្ត្រីរាជការដែលមានស្រាប់ឲ្យអស់លទ្ធភាព ការជ្រើសរើសក្របខណ្ឌថ្មីត្រុវមានលក្ខណៈរឹតត្បិតបំផុត និងស្ថិតនៅ ក្រោមក្របខណ្ឌនៃច្បាប់ស្តីពី ហិរញ្ញវត្ថុសម្រាប់ការគ្រប់គ្រងឆ្នាំ២០១៥ ។ ចៀសវាងការរៀបចំបង្កើត ឬរៀបចំរចនាសម្ព័ន្ធថ្មីនៅតាមក្រសួង ស្ថាប័ន ឬនៅតាមមន្ទីរជុំវិញរាជធានីភ្នំពេញ ខេត្ត ដែលនាំឲ្យមានតម្រូវមន្ត្រីថ្មី ប៉ុន្តែបើក្នុងករណីចាំបាច់ រចនាសម្ព័ន្ធថ្មីអាចត្រូវកែសម្រួល ឬរៀបចំថ្មីតែមិនត្រូវជ្រើសរើសក្របខណ្ឌមន្ត្រីថ្មីឡើយ។ ការជ្រើសរើសមន្ត្រីជាប់កិច្ចសន្យា និងបុគ្គលិកអណ្តែត ត្រូវជ្រើសរើសតាមចំនួនដែលរាជរដ្ឋាភិបាលអនុញាត ក្នុងករណីជ្រើសរើសមន្ត្រីថ្មី ត្រូវស្ថិតក្រោមការត្រួតពិនិត្យពីក្រសួងមុខងារសាធារណៈ និងក្រសួងសេដ្ឋកិច្ច និងហិរញ្ញវត្ថុ»។ នេះបើតាមខ្លឹមសារនៃសារាចរ ដដែល។
ជាមួយគ្នានេះដែរ គ្រប់ក្រសួង ស្ថាប័នត្រូវសហការជាមួយក្រសួងមុខងារសាធារណៈ ដើម្បីពិនិត្យឡើងវិញ នូវការប្រើប្រាស់មន្ត្រីរាជការនៅតាមក្រសួង ស្ថាប័ន ក្នុងគោលដៅ ធានាការជ្រើសរើស ការពង្រាយមន្ត្រីរាជការ ការផ្លាស់ប្តូរការងារ ការប្រើប្រាស់ធនធានមនុស្ស ឲ្យស្របតាមតម្រូវការពិប្រាកដ នៃការងារ និងមានប្រសិទ្ធិភាព៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
