ជាតិ
នយោបាយជាតិ
លោក ហ៊ុន សែន៖ អង្គការក្រៅរដ្ឋាភិបាលមួយចំនួនញុះញង់ឲ្យមានបាតុកម្ម
×
លោកនាយករដ្ឋមន្ត្រី ហ៊ុន សែន មានប្រសាសន៍ថា សង្គមស៊ីវិលមួយចំនួនជាអ្នកជាអ្នកញុះញង់នៅពីក្រោយការតវ៉ារបស់ប្រជាពលរដ្ឋកន្លងមកនេះ ។ ទន្ទឹមនឹងនេះលោក ហ៊ុន សែន ក៏បានផ្ដាំទៅអ្នកតវ៉ា កុំឱ្យយកបាតុកម្មជាការជួញដូរផងដែរ ។ លោកប្រមុខរដ្ឋាភិបាលបន្ថែមថា ៖ « ស្រុកខ្មែរអត់បានទេ ញុះពីក្រោយជាប់អង្គការក្រៅរដ្ឋាភិបាលខូចៗមួយចំនួន ខ្ញុំមិននិយាយទាំងអស់ទេ ហើយចេញថ្លៃម៉ូតូកង់បី (តុក តុក) ក្រុមទទួលខុសត្រូវបាយ ក្រុមទទួលខុសត្រូវថ្លៃទឹក ។ ស្រុកខ្មែរឥឡូវក្លាយជាកន្លែងបញ្ឆេះបាតុកម្ម ហើយបាតុកម្មមុខដដែលៗ » ។
ការថ្លែងរបស់លោក ហ៊ុន សែន បែបនេះ នៅក្នុងពិធីសម្ពោធសមិទ្ធិផលរូបសំណាកព្រះនាងប្រាជ្ញាបារមីច្រាំងទន្លេ សួនច្បារជ្រោយចង្វារត្រើយខាងកើត និងសម្ពោធបើកដំណើរការជាផ្លូវការសណ្ឋាគារ រ៉េស៊ីដង់ សុខាភ្នំពេញ កាលពីថ្ងៃទី២៣ ខែមីនា ។
សូមស្ដាប់សំឡេង៖
© រក្សាសិទ្ធិដោយ thmeythmey.com