ជាតិ
×![]()
ដោយ: ថ្មីៗ
លោកឧបនាយករដ្ឋមន្ត្រី ស ខេង រដ្ឋមន្ត្រីក្រសួងមហាផ្ទៃ បានធ្វើដំណើរ ទៅប្រទេសអូស្ត្រាលី ដើម្បីចុះហត្ថលេខា ជាមួយលោក ភីថើ ឌុចសុន រដ្ឋមន្ត្រីក្រសួងអន្តោប្រវេសន៍និងការពារព្រំដែនអូស្ត្រាលី លើអនុស្សរណៈនៃការយោគយល់គ្នារវាង រាជរដ្ឋាភិបាលកម្ពុជា និងអូស្ត្រាលី ស្ដីពីកិច្ចសហប្រតិបត្តិការ អន្តោប្រវេសន៍ នៅមន្ទីររដ្ឋសភានៃទីក្រុងកង់ប៊ែរ៉ា។
យោងតាមសេចក្ដីប្រកាសព័ត៌មាន របស់ក្រសួងមហាផ្ទៃ បានឲ្យដឹងថាដំណើរឆ្ពោះទៅកាន់ប្រទេស អូស្ត្រាលី របស់លោករដ្ឋមន្ត្រីក្រសួងមហាផ្ទៃកម្ពុជា ធ្វើឡើងតបតាមការអញ្ជើញ របស់រដ្ឋាភិបាលអូស្ត្រាលី គឺចាប់ពីថ្ងៃទី២៤-២៧ខែមីនា។
សេចក្ដីប្រកាសព័ត៌មានបន្ដថា ការចុះអនុស្សរណៈនេះ សបញ្ជាក់កាន់តែច្បាស់ថែមទៀត ពីការប្ដេជ្ញាចិត្តរបស់កម្ពុជា-អូស្ត្រាលី ក្នុងការរួមគ្នា ប្រយុទ្ធប្រឆាំង រាល់ការគំរាមកំហែង ផ្នែកសន្តិសុខ ជាពិសេសឧក្រិដ្ឋកម្មឆ្លងដែន និង អន្តោប្រវេសន៍ខុសច្បាប់។
ក្នុងជំនួបជាមួយលោកហោ ណាំហុង រដ្ឋមន្ត្រីក្រសួងការបរទេសកម្ពុជា កាលពីថ្ងៃទី១២មីនាកន្លងមក លោក ភីថើ ឌុចសុន Peteer Dutton រដ្ឋមន្ត្រីអន្តោប្រវេសន៍ និងការពារព្រំដែនអូស្ត្រាលីអូស្ត្រាលី បានបញ្ជាក់ថា អូស្ដ្រាលីគ្រោងបញ្ជូនជនភៀសខ្លូនតាមគោលការណ៍ស្ម័គ្រចិត្ត មកប្រទេសកម្ពុជាក្នុងការសាកល្បង ប្រមាណជា ៤ ឬ ៥គ្រួសារ ជាបឋមសិន។
លោកភីថើ ឌុចសុន Peteer Dutton បន្ថែមថា គម្រោងសាកល្បងពី៤ ឬ៥គ្រួសារ ដើម្បីស្វែងយល់ពីការតាំងទីលំនៅក្នុងប្រទេសកម្ពុជា ដើម្បីបង្ហាញទំនុកចិត្តសម្រាប់អ្នកស្ម័គ្រចិត្តក្រោយៗទៀត។ ហើយគម្រោងបញ្ជូនជនភៀសខ្លួនស្ម័គ្រចិត្តមកកម្ពុជានេះ គឺជាការផ្ដល់ឱកាសទីពីរដល់ជនភៀសខ្លួន ក្នុងការជ្រើសរើសមកនៅក្នុងប្រទេសកម្ពុជា និងអាចឲ្យជនភៀសខ្លួនបង្ហាញសមត្ថភាពផ្នែកជំនាញផ្សេងៗ ជួយដល់ការអភិវឌ្ឍប្រទេសកម្ពុជាផងដែរ ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
