អន្តរជាតិ
×![]()
អ្នកទោសម្នាក់នៅក្នុងប្រទេសអង់គ្លេស ត្រូវបានឆ្មាំពន្ធនាគារ ដោះលែងឲ្យមានសេរីភាពឡើងវិញ បន្ទាប់ពីមានបទបញ្ជាឲ្យដោះលែងមួយ ត្រូវបានគេផ្ញើមកតាមអ៊ីមែលរបស់ពន្ធនាគារ ប៉ុន្តែក្រោយមកទើបគេដឹងថា នោះគឺជាអ៊ីមែលក្លែងក្លាយរបស់អ្នកទោសម្នាក់នោះ។ នេះបើយោងតាមកាសែត new york daily news ។
ប្រភពដដែលក៏បានបញ្ជាក់ថា នៅមុនពេលមានការដោះលែងអ្នកទោសម្នាក់នោះ គឺរូបគេបានសុំឆ្មាំគុកចេញទៅក្រៅទីធ្លារខាងក្រៅពន្ធនាគារ ដែលធ្វើឲ្យរូបគេអាច ផ្ញើសេចក្ដីណែនាំស្ដីពីការដោះលែងក្លែងក្លាយមួយ ដើម្បីដោះលែងអ្នកទោសម្នាក់ឈ្មោះ Fraudster Neil Mooreគឺជាឈ្មោះរបស់អ្នកទោសនោះឯង។
ប៉ូលីសរបស់ប្រទេសអង់គ្លេសបាននិយាយថាលោក Fraudsterត្រូវបានគេចាប់មកឃុំឃាំងនៅក្នុងមន្ទីរសន្តិសុខ Wandsworthក្នុងទីក្រុងឡុងដ៍កាលពីដើមខែមីនាដោយរូបគេចាប់ចោទពីបទលួចប្រាក់ជាង២ លានដុល្លារតាមរយៈការក្លែងបន្លំធ្វើជាមន្ត្រីធនាគារ។គាត់បានប្រើសំឡេងខុសគ្នាពីរ - មួយបុរសនិងមួយស្ត្រី - ដើម្បី swindle 2.689.800 ដុល្លារពីក្រុមហ៊ុនមួយដោយហៅពួកគេហើយធ្វើពុតជាតំណាងឱ្យក្រុមហ៊ុន Barclays និងធនាគារអង់គ្លេសផ្សេងទៀតអាជ្ញាបាននិយាយថា។
ប៉ូលីសបានឲ្យដឹងទៀតថាពិរុទ្ធជនវ័យ ២៨ ឆ្នាំខាងលើនេះ បានលួចយកទូរសព្ទដៃមួយ ចូលទៅក្នុងគុក Wandsworthដើម្បីរង់ចាំការកាត់ទោស។លោក Moore បានបង្កើតdomainគណនីនិងអ៊ីម៉ែលក្លែងក្លាយមួយដូចគេហទំព័រផ្លូវការរបស់តុលាការ ហើយរូបគេបានផ្ញើសេចក្តីណែនាំពីការដោះលែងរូបគេជាបន្ទាន់ ទៅកាន់មន្ត្រីពន្ធនាគារនៅទីនោះ។ បន្ទាប់ពីបានទទួលសេចក្ដីណែនាំនេះ ឆ្មាំពន្ធនាគារបានអនុវត្តតាមការបញ្ជាហើយក៏បានដោះលែងបុរសម្នាក់នោះឲ្យមានសេរីភាពកាលពីថ្ងៃទី១០ ខែមីនា។
ក្រោយពីបានដឹងថា មានការដោះលែងមនុស្សខុសរួចក អាជ្ញាធរក៏បានតាមចាប់ខ្លួនបុរសម្នាក់នោះមកវិញ ក្នុងរយៈពេលបីថ្ងៃក្រោយមក។ លោក Moore ត្រូវបានគេចាប់យកមកឃុំឃាំងក្នុងគុកវិញជាថ្មីម្ដងទៀតដោយបានសារភាពកំហុសចំពោះការលួចបន្លំនិងគេចខ្លួនពីមន្ទីរឃុំឃាំង ហើយលោកនឹងត្រូវតុលារការសម្រេចផ្តន្ទាទោសនៅខែក្រោយនេះ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
