ជាតិ
នយោបាយជាតិ
លោក កែវ រ៉េមី រដ្ឋលេខាធិការនៃទីស្តីការគណៈរដ្ឋមន្ត្រី
×![]()
ដោយ: វិច្ឆិកា
រដ្ឋាភិបាល និងសង្គមស៊ីវិលកំពុងឆ្លើយឆ្លងពាក្យសំដីរិះគន់គ្នាស្តីពីសេចក្តីព្រាងច្បាប់គ្រប់គ្រងសមាគម និងអង្គការក្រៅរដ្ឋាភិបាល ដែលលោកនាយករដ្ឋមន្ត្រីប្រកាសគ្រោងអនុម័តដោយរដ្ឋាភិបាលនៅក្នុងខែឧសភាក្រោយនេះ។ នៅពេលដែលតំណាងសង្គមស៊ីវិលចោទប្រកាន់រដ្ឋាភិបាលថាកំពុងរឹតត្បិតសេរីភាពសង្គមស៊ីវិល មន្ត្រីរដ្ឋាភិបាលក៏ប្រតិកម្មវិញថា ការចងក្រងសេចក្តីព្រាងច្បាប់គ្រប់គ្រងសង្គមស៊ីវិល គឺជារឿងស្របច្បាប់ ហើយថាកម្ពុជាក៏មិនបានធ្វើខុសពីប្រទេសនានាក្នុងតំបន់ឡើយ។
ប្រតិកម្មប្រឆាំងរដ្ឋាភិបាលដែលគ្រោងអនុម័តសេចក្តីព្រាងច្បាប់ស្តីពីការគ្រប់គ្រងសមាគម និងអង្គការក្រៅរដ្ឋាភិបាលនៅខែឧសភាក្រោយនេះ បានតម្រូវឲ្យមន្ត្រីរដ្ឋាភិបាលឆ្លើយតបបន្ទាន់។ នៅពេលដែលលោក នី ចរិយា មន្ត្រីស៊ើបអង្កេតជាន់ខ្ពស់នៃសមាគមការពារសិទ្ធិមនុស្សអាដហុក បានអត្ថាធិប្បាយប្រាប់វិទ្យុអាស៊ីសេរី ថាការអនុម័តច្បាប់ស្តីពីការគ្រប់គ្រងអង្គការសង្គមស៊ីវិលនេះ បង្ហាញអំពីការគ្រប់គ្រងបែបផ្តាច់ការនៃរដ្ឋាភិបាលបច្ចុប្បន្ននោះ លោក កែវ រ៉េមី រដ្ឋលេខាធិការនៃទីស្តីការគណៈរដ្ឋមន្ត្រីបានរិះគន់វិញថា «នេះជាការអត្ថាធិប្បាយបែបអនាធិបតេយ្យ»។
«ការអត្ថាធិប្បាយរបស់ក្រុមសង្គមស៊ីវិលមកលើរដ្ឋាភិបាល មានលក្ខណៈបះបោរ និងប្រមាថ។ អ្វីទៅថារដ្ឋាភិបាលផ្តាច់ការ? បើរដ្ឋាភិបាលផ្តាច់ការ តើវាអាចមាន NGOs រាប់ពាន់អ៊ីចឹង? នៅជុំវិញកម្ពុជា ប្រទេសណាក៏មានច្បាប់គ្រប់គ្រង NGOs ដែរ»។ នេះជាការពន្យល់របស់លោក កែវ រ៉េមី ដែលបានរំលឹកខ្លឹមសារមាត្រា៤២នៃរដ្ឋធម្មនុញ្ញដូចលោកនាយករដ្ឋមន្ត្រីដែរ ដែលចែងថា «ពលរដ្ឋខ្មែរមានសិទ្ធិបង្កើតសមាគម និងគណបក្សនយោបាយ ប៉ុន្តែថាសិទ្ធិនេះត្រូវកំណត់ក្នុងច្បាប់»។
បើតាមការបញ្ជាក់របស់មន្ត្រីរដ្ឋាភិបាលដដែល ការគ្រប់គ្រងប្រភពហិរញ្ញវត្ថុរបស់អង្គការសង្គមស៊ីវិល គឺជារឿងចាំបាច់មួយដែលត្រូវមានចែងនៅក្នុងសេចក្តីព្រាងច្បាប់ដ៏ចម្រូង ចម្រាសនេះ។ លោក កែវ រ៉េមី បន្តប្រាប់សារព័ត៌ថ្មីៗយ៉ាងដូច្នេះថា៖«សេចក្តីព្រាងច្បាប់នេះ មិនមែនសម្រាប់តែកម្ពុជាតែមួយទេ។ វានឹងជួយដល់ការថែរក្សាសន្តិសុខជាតិផង និងសន្តិសុខក្នុងតំបន់ផង ដើម្បីប្រឆាំងអំពើភេរវកម្ម។ ខ្ញុំសង្កេតឃើញថា NGOs ដែលត្រឹមត្រូវមិនបានបង្ហាញការតវ៉ាណាមួយទេ។ មានតែ NGOs មួយចំនួនតូចប៉ុណ្ណោះដែលមិនពេញចិត្ត»។
តំណាងសង្គមស៊ីវិលបានប្រតិកម្មយ៉ាងខ្លាំង ប្រឆាំងគម្រោងអនុម័តសេចក្តីព្រាងច្បាប់ស្តីពីការគ្រប់គ្រងសមាគម និងអង្គការក្រៅរដ្ឋាភិបាល របស់រដ្ឋាភិបាល។ លោកនាយករដ្ឋមន្ត្រី ហ៊ុន សែន ខ្លួនឯងផ្ទាល់បានប្រកាសនាថ្ងៃអាទិត្យទី៥មេសា ថារដ្ឋាភិបាលរបស់លោកនឹងអនុម័តសេចក្តីព្រាងច្បាប់នេះនៅក្នុងខែឧសភា មុននឹងបញ្ជូនទៅរដ្ឋសភា៕
ប្រតិកម្មប្រឆាំងរដ្ឋាភិបាលដែលគ្រោងអនុម័តសេចក្តីព្រាងច្បាប់ស្តីពីការគ្រប់គ្រងសមាគម និងអង្គការក្រៅរដ្ឋាភិបាលនៅខែឧសភាក្រោយនេះ បានតម្រូវឲ្យមន្ត្រីរដ្ឋាភិបាលឆ្លើយតបបន្ទាន់។ នៅពេលដែលលោក នី ចរិយា មន្ត្រីស៊ើបអង្កេតជាន់ខ្ពស់នៃសមាគមការពារសិទ្ធិមនុស្សអាដហុក បានអត្ថាធិប្បាយប្រាប់វិទ្យុអាស៊ីសេរី ថាការអនុម័តច្បាប់ស្តីពីការគ្រប់គ្រងអង្គការសង្គមស៊ីវិលនេះ បង្ហាញអំពីការគ្រប់គ្រងបែបផ្តាច់ការនៃរដ្ឋាភិបាលបច្ចុប្បន្ននោះ លោក កែវ រ៉េមី រដ្ឋលេខាធិការនៃទីស្តីការគណៈរដ្ឋមន្ត្រីបានរិះគន់វិញថា «នេះជាការអត្ថាធិប្បាយបែបអនាធិបតេយ្យ»។
«ការអត្ថាធិប្បាយរបស់ក្រុមសង្គមស៊ីវិលមកលើរដ្ឋាភិបាល មានលក្ខណៈបះបោរ និងប្រមាថ។ អ្វីទៅថារដ្ឋាភិបាលផ្តាច់ការ? បើរដ្ឋាភិបាលផ្តាច់ការ តើវាអាចមាន NGOs រាប់ពាន់អ៊ីចឹង? នៅជុំវិញកម្ពុជា ប្រទេសណាក៏មានច្បាប់គ្រប់គ្រង NGOs ដែរ»។ នេះជាការពន្យល់របស់លោក កែវ រ៉េមី ដែលបានរំលឹកខ្លឹមសារមាត្រា៤២នៃរដ្ឋធម្មនុញ្ញដូចលោកនាយករដ្ឋមន្ត្រីដែរ ដែលចែងថា «ពលរដ្ឋខ្មែរមានសិទ្ធិបង្កើតសមាគម និងគណបក្សនយោបាយ ប៉ុន្តែថាសិទ្ធិនេះត្រូវកំណត់ក្នុងច្បាប់»។
បើតាមការបញ្ជាក់របស់មន្ត្រីរដ្ឋាភិបាលដដែល ការគ្រប់គ្រងប្រភពហិរញ្ញវត្ថុរបស់អង្គការសង្គមស៊ីវិល គឺជារឿងចាំបាច់មួយដែលត្រូវមានចែងនៅក្នុងសេចក្តីព្រាងច្បាប់ដ៏ចម្រូង ចម្រាសនេះ។ លោក កែវ រ៉េមី បន្តប្រាប់សារព័ត៌ថ្មីៗយ៉ាងដូច្នេះថា៖«សេចក្តីព្រាងច្បាប់នេះ មិនមែនសម្រាប់តែកម្ពុជាតែមួយទេ។ វានឹងជួយដល់ការថែរក្សាសន្តិសុខជាតិផង និងសន្តិសុខក្នុងតំបន់ផង ដើម្បីប្រឆាំងអំពើភេរវកម្ម។ ខ្ញុំសង្កេតឃើញថា NGOs ដែលត្រឹមត្រូវមិនបានបង្ហាញការតវ៉ាណាមួយទេ។ មានតែ NGOs មួយចំនួនតូចប៉ុណ្ណោះដែលមិនពេញចិត្ត»។
តំណាងសង្គមស៊ីវិលបានប្រតិកម្មយ៉ាងខ្លាំង ប្រឆាំងគម្រោងអនុម័តសេចក្តីព្រាងច្បាប់ស្តីពីការគ្រប់គ្រងសមាគម និងអង្គការក្រៅរដ្ឋាភិបាល របស់រដ្ឋាភិបាល។ លោកនាយករដ្ឋមន្ត្រី ហ៊ុន សែន ខ្លួនឯងផ្ទាល់បានប្រកាសនាថ្ងៃអាទិត្យទី៥មេសា ថារដ្ឋាភិបាលរបស់លោកនឹងអនុម័តសេចក្តីព្រាងច្បាប់នេះនៅក្នុងខែឧសភា មុននឹងបញ្ជូនទៅរដ្ឋសភា៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ថ្ងៃ
