អន្តរជាតិ
គីមីវិទូនៅStanford ផលិតថ្មទូរសព្ទពីអាលុយមីញ៉ូម ដែលអាចសាកពេញក្នុងពេល ១ នាទី
×![]()
ដោយ: ថ្មីៗ
ក្រុមអ្នកគីមីវិទ្យានៅសាកលវិទ្យាល័យ Stanfordបានបង្កើតថ្មសម្រាប់ប្រើក្នុងទូរសព្ទ smartphonesប្រភេទថ្មីមួយផលិតពីអាលុយមីញ៉ូម ដែលវាអាចបំពេញមុខងារបានល្អជាងថ្មទូរសព្ទដែលផលិតពីអ៊ីយ៉ុងលីចូម ដែលគេកំពុងប្រើនៅក្នុងស្មាតហ្វូននាពេលបច្ចុប្បន្ននេះ ដោយប្រើពេលសាកតែ ១ នាទីតែប៉ុណ្ណោះ។នេះបើយោងតាមកាសែត New York Daily New។
លោក Hongiie Dai សាស្ត្រាចារ្យគីមីសាស្ត្រនៅសាកលវិទ្យាល័យ Stanfordបានឲ្យដឹងថាការបង្កើតថ្មពីអាលុយមីញ៉ូម គឺវាអាចជំនួសថ្មប្រភេទអាល់កាឡាំង វាធ្វើឲ្យប៉ះពាល់បរិស្ថានហើយពេលខ្លះវាក៏អាចផ្ទុះឆេះផងដែរ។
កាលពីមុនក៏មានមន្ទីរពិសោធន៍ផ្សេងទៀត បានផលិតថ្មទូរសព្ទពីអាលុយមីញ៉ូមផងដែរ វានឹងខូចប្រើលែងកើតបន្ទាប់ពីសាកថ្មប្រើឡើងវិញបាន ១០០ ដងរួចមក ។ប៉ុន្តែដោយឡែក ថ្មអាលុយមីញ៉ូមថ្មីនេះ គឺមានសមត្ថភាពខ្លាំងជាងថ្មអ៊ីយ៉ុងលីចូមធម្មតាដែលមានរយៈពេលប្រើរហូតដល់ការសាកប្រើឡើងវិញ ១០០០ ដងឯណោះ។
នេះមិនមែនជាលើកទីមួយទេ ដែលអ្នកស្រាវជ្រាវចង់បង្កើតថ្មទូរសព្ទ ពីសាធាតុអាលុយមីញ៉ូមប៉ុន្តែដោយសារតែពេលកន្លងមកក្រុមអ្នកស្រាវជ្រាវបានបរាជ័យក្នុងការបង្កើតថ្មពីអាលុយមីញ៉ូម ដែលអាចបញ្ចូលថ្មក្នុងរយៈពេលខ្លី និងអាចប្រើបានយូរដូចធម្មតា។ ម្យ៉ាងទៀតដោយសារពួកគេមិនមានសមត្ថភាពក្នុងការផលិតថាមពលថ្មឲ្យមានវ៉ុលគ្រប់គ្រាន់ សម្រាប់ប្រើប្រាស់ក្នុងទូរសព្ទដូចធម្មតាបាន។ថ្មទូរសព្ទដែលផលិតពីអាលុយមីញ៉ូម គឺអាចស្រូបយកថាមពលអគ្គិនី ចូលទៅក្នុងអេឡិចត្រូតរបស់វា ដល់ទៅ ២ ដងបើធៀបនឹងថ្ម អ៊ីយ៉ុងលីចូមធម្មតា៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
1 ម៉ោង
