អន្តរជាតិ
×![]()
យោងតាមទិន្នន័យពីវិទ្យាស្ថានស្រាវជ្រាវសន្តិភាពអន្តរជាតិ Stockholm (SIPRI) បានបង្ហាញថា នៅក្នុងឆ្នាំ ២០១៤ សហរដ្ឋអាមេរិកបានលក់អាវុធយុទ្ធភ័ណ្ឌទៅឲ្យប្រទេសផ្សេងៗ ក្នុងទំហំទឹកប្រាក់ប្រមាណជា ១០,២ ពាន់លានដុល្លារ គឺច្រើនជាងការលក់អាវុធរបស់ប្រទេសរុស្ស៊ី ដែលមានតែជាង ៥,៩៨ ពាន់លានដុល្លារនោះ។
ទិន្នន័យដដែលនោះក៏បានឲ្យដឹងថា សហរដ្ឋអាមេរិក គឺជាអ្នកផ្គត់ផ្គង់អាវុធដ៏សំខាន់របស់បណ្ដាប្រទេសនៅអឺរ៉ុប មជ្ឈិមបូព៌ា និងអាស៊ីបូព៌ា។ អារ៉ាប៊ីសាអូឌីត គឺជាប្រទេសដែលនាំចូលសព្វាវុធធំបំផុតពីអាមេរិក ដោយប្រទេសនេះបានទិញអាវុធពីអាមេរិក ជាទឹកប្រាក់សរុបប្រមាណជា ១,២ ពាន់លានដុល្លារកាលពីឆ្នាំ ២០១៤ ។ ប្រទេស រុស្ស៊ីបានផ្គត់ផ្គង់អាវុធយ៉ាងច្រើនដល់បណ្ដាប្រទេសជាសមាជិក BRIC និងបណ្តាប្រទេសមួយចំនួនទៀតក្នុងទ្វីបអាហ្វ្រិក មជ្ឈឹមបូព៌ា និងទ្វីបអាស៊ី ដែលភាគច្រើនជាប្រទេសដែលត្រូវបានគេចោទប្រកាន់ថាមិនគោរពសិទ្ធិមនុស្ស ដូចជាប្រទេសស៊ូដង់ បេឡារុសនិងអ៊ីរ៉ង់ជាដើម។ ទីផ្សារនាំចេញដ៏ធំបំផុតរបស់ក្រុងម៉ូស្គូនៅឆ្នាំ ២០១៤ គឺប្រទេសវៀតណាម ដែលប្រទេសនេះបានទិញអាវុធពីរុស្ស៊ីក្នុងតម្លៃជាទឹកប្រាក់ជិត ១ ពាន់លានដុល្លារ។ បើតាមទិន្នន័យដដែលនោះ មានប្រទេសចំនួន ១៣ បានទិញអាវុធពីអាមេរិកផង និងពីរុស្ស៊ីផង ក្នុងនោះគឺប្រទេសឥណ្ឌា ជាប្រទេសនាំចូលអាវុធធំជាងគេបំផុតនៅលើពិភពលោក ដោយប្រទេសនេះបានទិញអាវុធពីមហាអំណាចទាំងពីរ ក្នុងរង្វង់ទឹកប្រាក់ ៤,២ ពាន់លានដុល្លារ ដែលក្នុងនោះ ២,១ ពាន់លានដុល្លារទិញអាវុធពីរុស្ស៊ីនិង ១,១ ពាន់លានដុល្លារ ពីសហរដ្ឋអាមេរិក៕
ទិន្នន័យដដែលនោះក៏បានឲ្យដឹងថា សហរដ្ឋអាមេរិក គឺជាអ្នកផ្គត់ផ្គង់អាវុធដ៏សំខាន់របស់បណ្ដាប្រទេសនៅអឺរ៉ុប មជ្ឈិមបូព៌ា និងអាស៊ីបូព៌ា។ អារ៉ាប៊ីសាអូឌីត គឺជាប្រទេសដែលនាំចូលសព្វាវុធធំបំផុតពីអាមេរិក ដោយប្រទេសនេះបានទិញអាវុធពីអាមេរិក ជាទឹកប្រាក់សរុបប្រមាណជា ១,២ ពាន់លានដុល្លារកាលពីឆ្នាំ ២០១៤ ។ ប្រទេស រុស្ស៊ីបានផ្គត់ផ្គង់អាវុធយ៉ាងច្រើនដល់បណ្ដាប្រទេសជាសមាជិក BRIC និងបណ្តាប្រទេសមួយចំនួនទៀតក្នុងទ្វីបអាហ្វ្រិក មជ្ឈឹមបូព៌ា និងទ្វីបអាស៊ី ដែលភាគច្រើនជាប្រទេសដែលត្រូវបានគេចោទប្រកាន់ថាមិនគោរពសិទ្ធិមនុស្ស ដូចជាប្រទេសស៊ូដង់ បេឡារុសនិងអ៊ីរ៉ង់ជាដើម។ ទីផ្សារនាំចេញដ៏ធំបំផុតរបស់ក្រុងម៉ូស្គូនៅឆ្នាំ ២០១៤ គឺប្រទេសវៀតណាម ដែលប្រទេសនេះបានទិញអាវុធពីរុស្ស៊ីក្នុងតម្លៃជាទឹកប្រាក់ជិត ១ ពាន់លានដុល្លារ។ បើតាមទិន្នន័យដដែលនោះ មានប្រទេសចំនួន ១៣ បានទិញអាវុធពីអាមេរិកផង និងពីរុស្ស៊ីផង ក្នុងនោះគឺប្រទេសឥណ្ឌា ជាប្រទេសនាំចូលអាវុធធំជាងគេបំផុតនៅលើពិភពលោក ដោយប្រទេសនេះបានទិញអាវុធពីមហាអំណាចទាំងពីរ ក្នុងរង្វង់ទឹកប្រាក់ ៤,២ ពាន់លានដុល្លារ ដែលក្នុងនោះ ២,១ ពាន់លានដុល្លារទិញអាវុធពីរុស្ស៊ីនិង ១,១ ពាន់លានដុល្លារ ពីសហរដ្ឋអាមេរិក៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
