ជាតិ
សុខភាព
នៅកម្ពុជា អត្រាអ្នកស្លាប់ដោយសារជំងឺគ្រុនចាញ់ថយចុះ
×
សារលិខិតរបស់លោក ហ៊ុន សែន ចុះថ្ងៃទី១៩មេសាបានបង្ហាញថា អត្រាអ្នកស្លាប់ដោយជំងឺគ្រុនចាញ់ បានកាត់បន្ថយពីមួយឆ្នាំទៅមួយ។ ជាក់ស្តែង ចំនួនអ្នកស្លាប់១៥១នាក់នៅឆ្នាំ២០១០ ថយចុះមកត្រឹម៩៣នាក់នៅឆ្នាំង២០១។ ចំណែកឯឆ្នាំ ២០១២ អ្នកស្លាប់នៅត្រឹម៤៥នាក់ ហើយ១២នាក់ស្លាប់នៅឆ្នាំ២០១។ រីឯនៅឆ្នាំ២០១៤កន្លងទៅនេះ មានអ្នកស្លាប់ដោយសារគ្រុនចាញ់ចំនួន១៨នាក់។
ដើម្បីអបអរទិវាជាតិ ប្រយុទ្ធនឹងជំងឺគ្រុនចាញ់ ថ្ងៃទី២៥ មេសាខាងមុននេះ ប្រមុខរដ្ឋាភិបាលកម្ពុជា បានគូសបញ្ជក់នៅក្នុងលិខិតដដែលថា ជំងឺគ្រុនចាញ់មិនត្រឹមតែប៉ះពាល់ដល់សុខភាពនិងអាយុជីវិតប្រជាពលរដ្ឋនោះទេ ថែមទាំងជះផលអវិជ្ជមានដល់ការអភិវឌ្ឍសង្គមនិងសេដ្ឋកិច្ចថែមទៀត។
ទោះយ៉ាងណាក្តី ក្រៅតែការថ្លែងអំណរគុណដល់ស្ថាប័នពាក់ព័ន្ធដែលធ្វើការសកម្មក្នុងរឿងនេះ លោកនាយករដ្ឋមន្ត្រីកម្ពុជាក៏បានជំរុញឲ្យបន្តសម្រេចគោលដៅយុទ្ធសាស្ត្រជាតិលុបបំបាត់ជំងឺគ្រុនចាញ់ នៅឆ្នាំ២០២។ គួរបញ្ជាក់ថា ជំងឺគ្រុនចាញ់ កើតឡើងដោយសារសត្វមូសដែកគោលញី៕
© រក្សាសិទ្ធិដោយ thmeythmey.com