ជាតិ
ពីនេះ ពីនោះ
×![]()
ដោយ: ថ្មីៗ
ការដាក់ពាក្យដើម្បីយកអាហារូបករណ៍ទៅរៀននៅក្រៅប្រទេស គឺជាដំណើរការដែលយុវជនខែ្មរភាគ ច្រើនចង់ចេះ និងចង់ដឹង ប៉ុនែ្តមានការធ្វេសប្រហែសក្នុងការរៀបចំឯកសារ។ ខាងក្រោមនេះ គឺជាការ ចែករំលែកមួយចំនួន របស់យុវជនខែ្មរដែលធ្លាប់ប្រលងជាប់អាហារូបករណ៏ទៅរៀននៅក្រៅប្រទេស៖
១. ការស្រាវជ្រាវពីព័ត៌មានអាហារូបករណ៍៖ តាមរយៈការប្រើអ៊ិនធរ័ណិត និងស្វែងរកក្នុងគេហទំពរ័ Google រកពាក្យថា scholarship in 2015 or 2016 អ្នកអាចទទួលបានព័ត៌មានជាច្រើនស្តីពី អាហារូបករណ៍នៅក្រៅប្រទេស។ អ្នកត្រូវធ្វើការសិក្សាពីព័ត៌មាននៃអាហារូបករណ៍នោះដោយយកចិត្តទុកដាក់ ជាពិសេសទៅលើលក្ខខណ្ឌនៃការជ្រើសរើសដូចជា៖ អ្វីខ្លះដែលត្រូវផ្ញើជូនសាលានិងម្ចាស់ជំនួយ និងកាលបរិច្ឆេទកំណត់នៃការដាក់ពាក្យ។ អ្នកត្រូវការពេលវេលាមួយចំនួនធំក្នុងការស្វែងរកអាហារូបករណ៍ណា ដែលត្រូវនឹងលក្ខខណ្ឌដែលអ្នកមាន និងមានប្រធានបទដែលអ្នកចង់រៀន។
២.ការត្រៀមខ្លួនដើម្បីប្រឡង TOEFL ឬ IELTS៖ តាមរយៈការចែករំលែករបស់យុវជន ពេជ្រ គីមតេង អ្នកគួរធ្វើការសាកល្បងលំហាត់TOEFL ឬ IELTSជាមួយមិត្តភក្តិជាពិសេសលើជំនាញនៃការសរសេរ រួចស្វែងរកចំណុចខ្លាំង និងចំណុចខ្សោយរបស់ខ្លួន។ យុវជន ភក វិសាល ជ្រើសរើសការចូលរៀនវគ្គ ត្រៀមប្រលងTOEFL ឬ IELTS មុនពេលប្រឡងដើម្បីអោយខ្លួនទទួលបានចំណេះដឹង និងទំនុកចិត្តច្រើនជាងមុន។ ក្រៅពីនេះយុវជនវិសាលក៏បន្តប្រឹងប្រែងរៀនបន្ថែមដោយខ្លួនឯងជាមួយ នឹងលំហាត់TOEFL ឬ IELTSដែលមាននៅក្នុងបណ្ណាល័យរបស់មហាវិទ្យាល័យខ្លួនដែរ។
៣.ការប្រឡង TOEFL ឬ IELTS៖ យុវតី មាស វង្សលីណា ជ្រើសរើសការទៅដល់ទីតាំង ប្រឡងអោយបានមុខម៉ោងប្រឡងដើម្បីកុំអោយមានការភ័យខ្លាចនៅពេលប្រឡង។ ម្យ៉ាងទៀតអ្នកក៏មានពេលសាកល្បងកម្រិតសំឡេងដែលអ្នកត្រូវស្តាប់នៅក្នុងពេលប្រឡងស្តាប់ ហើយអាចប្រាប់គណៈមេប្រយោគអោយបន្ថយ ឬដំឡើងបានមុខពេលប្រឡង ព្រោះការបន្ថយនៅពេលប្រឡងអាចរំខានដល់ការស្តាប់របស់អ្នកដោយសារការស្តាប់មានពេលតែម្តងប៉ុណ្ណោះ។ យុវជនទាំងពីរខាងលើក៏ធ្វើការក្រើនរំលឹកផងដែរថា បន្ទាប់ពីប្រឡងរួច បើអ្នកមិនពេញចិត្តនឹងពិន្ទុTOEFL ឬ IELTSរបស់អ្នកទេនោះ អ្នកក៏មិនគួរធ្វើការប្រឡងឡើងវិញភ្លាមៗនោះដែរ អ្នកគួររៀនសូត្របន្ថែមដើម្បីត្រៀមអោយបានល្អជាងមុខ និង សុំប្រឹក្សាជាមួយគ្រូបង្រៀនរបស់អ្នកដើម្បីទទួលបានយោបល់បន្ថែម។
៤.ការរៀបចំឯកសារដើម្បីដាក់ពាក្យអាហារូបករណ៍៖ អ្នកក៏ត្រូវត្រៀមខ្លួននិងពេលវេលាក្នុងការ សរសេរប្រវត្តិរូបសង្ខេប(CV) សរសេរលិខិតបង្ហាញពីការបេ្តជ្ញាចិត្ត ( Motivation letter) សំបុត្របញ្ជាក់ប្រវត្តិការងារ(Recommendation letters) បញ្ជាក់សញ្ញាបត្រ ឬពិន្ទុ(Transcript certification) ប្រឡងTOEFL ឬ IELTSដើម្បីបង្ហាញសមត្ថភាពភាសាអង់គ្លេស បំពេញទម្រង់ បែបបទរបស់សាលា ឬម្ចាស់ជំនួយ(Filling application form)ជាដើម។ ករណីមុខជំនាញបែបវិទ្យាសាស្ត្រខ្លះ និស្សិតត្រូវសរសេរឯកសារស្រាវជ្រាវ ( Research paper)ដើម្បីបង្ហាញពីចំណេះដឹង របស់អ្នកលើការមុខជំនាញបែបវិទ្យាសាស្ត្រដែលអ្នកសិក្សា។ ការសរសេរលិខិតបង្ហាញពីការបេ្តជ្ញាចិត្ត មានសារៈសំខាន់ណាស់សំរាប់ការដាក់ពាក្យរៀន អ្នកត្រូវសរសេរបែបណាដែលបង្ហាញថាអ្នកនឹង ត្រឡប់មកប្រទេសកំណើតរបស់អ្នកវិញដើម្បីធ្វើការអភិវឌ្ឍន៍អាស្រ័យទៅតាមជំនាញដែលអ្នកបានសិក្សា។ អ្នកក៏ត្រូវបញ្ជាក់ពីមូលហេតុអ្វីដែលអ្នកជ្រើសរើសមុខជំនាញមួយនោះ និងថាតើជំនាញមួយនោះនឹងឆ្លើយតបនឹងការអភិវឌ្ឍន៍ប្រទេសកម្ពុជាយ៉ាងដូចម្តេច? ការធ្វើបច្ចុប្បន្នភាពប្រវត្តិរូបសង្ខេប (CV)របស់អ្នក ដើម្បីបង្ហាញថាអ្នកមានបទពិសោធន៍ជាមួយនឹងមុខជំនាញដែលអ្នកចង់សិក្សាក៏ជាចំណុចសំខាន់ដែលអ្នកមិនគួរមើលរំលង។
៥.ការត្រៀមខ្លួន និងឆ្លើយតបនឹងសំនួររបស់ម្ចាស់ជំនួយ៖នេះជាចំណុចចុងក្រោយតែក៏មានសារៈសំខាន់ ព្រោះជួនកាលសាលាដែលអ្នកដាក់ពាក្យ ឬម្ចាស់ជំនួយចង់បានឯកសារបន្ថែមអ្វីមួយ ដូច្នេះអ្នកត្រូវត្រួតពិនិត្យមើលសារអេឡិចត្រូនិក(Email)របស់អ្នកអោយបានញឹកញាប់៕
សូមជូនពរសំណាងល្អពី ស្ត្រីខ្មែរ
www.streikhmer.wordpress.com
[email protected]
១. ការស្រាវជ្រាវពីព័ត៌មានអាហារូបករណ៍៖ តាមរយៈការប្រើអ៊ិនធរ័ណិត និងស្វែងរកក្នុងគេហទំពរ័ Google រកពាក្យថា scholarship in 2015 or 2016 អ្នកអាចទទួលបានព័ត៌មានជាច្រើនស្តីពី អាហារូបករណ៍នៅក្រៅប្រទេស។ អ្នកត្រូវធ្វើការសិក្សាពីព័ត៌មាននៃអាហារូបករណ៍នោះដោយយកចិត្តទុកដាក់ ជាពិសេសទៅលើលក្ខខណ្ឌនៃការជ្រើសរើសដូចជា៖ អ្វីខ្លះដែលត្រូវផ្ញើជូនសាលានិងម្ចាស់ជំនួយ និងកាលបរិច្ឆេទកំណត់នៃការដាក់ពាក្យ។ អ្នកត្រូវការពេលវេលាមួយចំនួនធំក្នុងការស្វែងរកអាហារូបករណ៍ណា ដែលត្រូវនឹងលក្ខខណ្ឌដែលអ្នកមាន និងមានប្រធានបទដែលអ្នកចង់រៀន។
២.ការត្រៀមខ្លួនដើម្បីប្រឡង TOEFL ឬ IELTS៖ តាមរយៈការចែករំលែករបស់យុវជន ពេជ្រ គីមតេង អ្នកគួរធ្វើការសាកល្បងលំហាត់TOEFL ឬ IELTSជាមួយមិត្តភក្តិជាពិសេសលើជំនាញនៃការសរសេរ រួចស្វែងរកចំណុចខ្លាំង និងចំណុចខ្សោយរបស់ខ្លួន។ យុវជន ភក វិសាល ជ្រើសរើសការចូលរៀនវគ្គ ត្រៀមប្រលងTOEFL ឬ IELTS មុនពេលប្រឡងដើម្បីអោយខ្លួនទទួលបានចំណេះដឹង និងទំនុកចិត្តច្រើនជាងមុន។ ក្រៅពីនេះយុវជនវិសាលក៏បន្តប្រឹងប្រែងរៀនបន្ថែមដោយខ្លួនឯងជាមួយ នឹងលំហាត់TOEFL ឬ IELTSដែលមាននៅក្នុងបណ្ណាល័យរបស់មហាវិទ្យាល័យខ្លួនដែរ។
៣.ការប្រឡង TOEFL ឬ IELTS៖ យុវតី មាស វង្សលីណា ជ្រើសរើសការទៅដល់ទីតាំង ប្រឡងអោយបានមុខម៉ោងប្រឡងដើម្បីកុំអោយមានការភ័យខ្លាចនៅពេលប្រឡង។ ម្យ៉ាងទៀតអ្នកក៏មានពេលសាកល្បងកម្រិតសំឡេងដែលអ្នកត្រូវស្តាប់នៅក្នុងពេលប្រឡងស្តាប់ ហើយអាចប្រាប់គណៈមេប្រយោគអោយបន្ថយ ឬដំឡើងបានមុខពេលប្រឡង ព្រោះការបន្ថយនៅពេលប្រឡងអាចរំខានដល់ការស្តាប់របស់អ្នកដោយសារការស្តាប់មានពេលតែម្តងប៉ុណ្ណោះ។ យុវជនទាំងពីរខាងលើក៏ធ្វើការក្រើនរំលឹកផងដែរថា បន្ទាប់ពីប្រឡងរួច បើអ្នកមិនពេញចិត្តនឹងពិន្ទុTOEFL ឬ IELTSរបស់អ្នកទេនោះ អ្នកក៏មិនគួរធ្វើការប្រឡងឡើងវិញភ្លាមៗនោះដែរ អ្នកគួររៀនសូត្របន្ថែមដើម្បីត្រៀមអោយបានល្អជាងមុខ និង សុំប្រឹក្សាជាមួយគ្រូបង្រៀនរបស់អ្នកដើម្បីទទួលបានយោបល់បន្ថែម។
៤.ការរៀបចំឯកសារដើម្បីដាក់ពាក្យអាហារូបករណ៍៖ អ្នកក៏ត្រូវត្រៀមខ្លួននិងពេលវេលាក្នុងការ សរសេរប្រវត្តិរូបសង្ខេប(CV) សរសេរលិខិតបង្ហាញពីការបេ្តជ្ញាចិត្ត ( Motivation letter) សំបុត្របញ្ជាក់ប្រវត្តិការងារ(Recommendation letters) បញ្ជាក់សញ្ញាបត្រ ឬពិន្ទុ(Transcript certification) ប្រឡងTOEFL ឬ IELTSដើម្បីបង្ហាញសមត្ថភាពភាសាអង់គ្លេស បំពេញទម្រង់ បែបបទរបស់សាលា ឬម្ចាស់ជំនួយ(Filling application form)ជាដើម។ ករណីមុខជំនាញបែបវិទ្យាសាស្ត្រខ្លះ និស្សិតត្រូវសរសេរឯកសារស្រាវជ្រាវ ( Research paper)ដើម្បីបង្ហាញពីចំណេះដឹង របស់អ្នកលើការមុខជំនាញបែបវិទ្យាសាស្ត្រដែលអ្នកសិក្សា។ ការសរសេរលិខិតបង្ហាញពីការបេ្តជ្ញាចិត្ត មានសារៈសំខាន់ណាស់សំរាប់ការដាក់ពាក្យរៀន អ្នកត្រូវសរសេរបែបណាដែលបង្ហាញថាអ្នកនឹង ត្រឡប់មកប្រទេសកំណើតរបស់អ្នកវិញដើម្បីធ្វើការអភិវឌ្ឍន៍អាស្រ័យទៅតាមជំនាញដែលអ្នកបានសិក្សា។ អ្នកក៏ត្រូវបញ្ជាក់ពីមូលហេតុអ្វីដែលអ្នកជ្រើសរើសមុខជំនាញមួយនោះ និងថាតើជំនាញមួយនោះនឹងឆ្លើយតបនឹងការអភិវឌ្ឍន៍ប្រទេសកម្ពុជាយ៉ាងដូចម្តេច? ការធ្វើបច្ចុប្បន្នភាពប្រវត្តិរូបសង្ខេប (CV)របស់អ្នក ដើម្បីបង្ហាញថាអ្នកមានបទពិសោធន៍ជាមួយនឹងមុខជំនាញដែលអ្នកចង់សិក្សាក៏ជាចំណុចសំខាន់ដែលអ្នកមិនគួរមើលរំលង។
៥.ការត្រៀមខ្លួន និងឆ្លើយតបនឹងសំនួររបស់ម្ចាស់ជំនួយ៖នេះជាចំណុចចុងក្រោយតែក៏មានសារៈសំខាន់ ព្រោះជួនកាលសាលាដែលអ្នកដាក់ពាក្យ ឬម្ចាស់ជំនួយចង់បានឯកសារបន្ថែមអ្វីមួយ ដូច្នេះអ្នកត្រូវត្រួតពិនិត្យមើលសារអេឡិចត្រូនិក(Email)របស់អ្នកអោយបានញឹកញាប់៕
សូមជូនពរសំណាងល្អពី ស្ត្រីខ្មែរ
www.streikhmer.wordpress.com
[email protected]
© រក្សាសិទ្ធិដោយ thmeythmey.com
