ជាតិ
ការអនុវត្តសាកល្បងវង់ទស្សនានៅតាព្រហ្មដែលភ្ញៀវថាចង្អៀតអាចមានរយៈពេលរាប់ឆ្នាំ
×![]()
សៀមរាប៖ អស់រយៈពេលជាង២ខែមកហើយ ដែលគម្រោងអនុវត្តសាកល្បងវង់ទស្សនានៅប្រាសាទតាព្រហ្មបានចាប់ផ្តើម គឺតាំងពីដើមខែមីនាមក។ រហូតមកដល់ពេលនេះ ភ្ញៀវទេសចរ រួមនិងក្រុមមគ្គុទ្ទេសក៍ នៅតែយល់ថា ការអនុវត្តគម្រោងនេះមិនអាចទៅរួចនោះទេ ព្រោះថា ការតម្រូវឲ្យមានផ្លូវចេញ-ចូលនៅប្រាសាទតាព្រហ្ម គឺធ្វើឲ្យមានការកកស្ទះខ្លាំងនៅពេលមានភ្ញៀវច្រើន។ តាមខ្លោងទ្វារប្រាសាទតាព្រហ្ម គឺតូចចង្អៀត និងមានភាពងងឹត ដែលធ្វើឲ្យភ្ញៀវទេសចរ រួមនិងមគ្គុទ្ទេសក៍ទេសចរណ៍ផង មិនសប្បាយចិត្ត។
ទាក់ទងនឹងបញ្ហាខាងលើ អគ្គនាយកអាជ្ញាធរជាតិអប្សរា លោក ប៊ុន ណារិទ្ធ ពន្យល់ថា អាជ្ញាធរមិនទាន់កំណត់ ថាត្រូវអនុវត្តគម្រោងវង់ទស្សនាខាងលើជាផ្លូវការនោះទេ ជារួម វាកំពុងស្ថិតក្រោមការតាមដានយ៉ាងយកចិត្តទុកដាក់ពីក្រុមការងាររបស់អាជ្ញាធរអប្សរា។ លោក ប៊ុន ណារិទ្ធ បន្តថា ការអនុវត្តសាកល្បងនេះ អាចមានរយៈពេលយូរ គឺដល់ទៅរាប់ឆ្នាំឯណោះ។ តាមការបញ្ជាក់របស់លោក ប៊ុន ណារិទ្ធ គោលបំណងសំខាន់នៃការរៀបចំគម្រោងវង់ទស្សនានៅតាព្រហ្ម គឺដើម្បីឲ្យមានលំហូរភ្ញៀវត្រឹមត្រូវ ជាពិសេសគឺការសង្គ្រោះប្រាសាទ និងដើមឈើ ដែលមានវ័យចំណាស់ៗ ឲ្យជៀសផុតពីគ្រោះថ្នាក់ផ្សេងៗ ។ យ៉ាងណា អគ្គនាយករូបនេះបញ្ជាក់ថា លោកនឹងស្តាប់យោបល់ពីមជ្ឍដ្ឋានផ្សេងៗ មុននឹងដាក់គម្រោងនេះឲ្យដំណើរការជាផ្លូវការ។
សូមស្តាប់ការពន្យល់បន្ថែមរបស់លោក ប៊ុន ណារិទ្ធ អគ្គនាយកអាជ្ញាធរអប្សរា ជុំវិញបញ្ហាទាំងនេះដូចតទៅ៖
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
