ជាតិ
នយោបាយជាតិ
RFA និងVOA នឹងមានវត្តមានកម្មវិធីព័ត៌មាននៅលើកញ្ចក់ទូរទស្សន៍«ព្រះអាទិត្យ»
×![]()
ដោយ: ថ្មីៗ
លោក សម រង្ស៊ី ប្រធានគណបក្សសង្គ្រោះជាតិ បានបញ្ជាក់ថា ទូរទស្សន៍«ព្រះអាទិត្យ» គណបក្សសង្គ្រោះជាតិរបស់លោក និងផ្ដល់នូវកម្មវិធីព័ត៌មានពេញមួយម៉ោងដោយឥតគិតថ្លៃ ជូនវិទ្យុអាស៊ីសេរី និងវិទ្យុសំឡេងសហរដ្ឋអាមេរិក VOA ។
ថ្លែងក្នុងកិច្ចសម្ភាសជាមួយវិទ្យុអាស៊ីសេរី កាលពីថ្ងៃទី១៤ ឧសភាលោក សម រង្ស៊ី បន្ថែមថា ទូរទស្សន៍«ព្រះអាទិត្យ» គណបក្សសង្គ្រោះជាតិនិងលេចចេញជារូបរាងនៅមុនបំណាចឆ្នាំនេះ ពោលគឺប្រមាណជា៦ខែទៀតប៉ុណ្ណោះ។ «ទូរទស្សន៍ព្រះអាទិត្យនេះ នឹងបើកការផ្សព្វរបស់ខ្លួនឲ្យទៅវិទ្យុអាស៊ីសេរី និងវិទ្យុសំឡេងសហរដ្ឋអាមេរិក …..។ គឺខ្ញុំរង់ចាំដោយរីករាយ ឲ្យឃើញទូរទស្សន៍នេះឲ្យផ្សព្វផ្សាយកម្មវិធីដែលផលិត ដោយវិទ្យុអាស៊ីសេរី និងវិទ្យុសំឡេងសហរដ្ឋអាមេរិក»។ នេះជាការបញ្ជាក់របស់លោក សម រង្ស៊ី។
លោក សម រង្ស៊ី ក៏បានអះអាងថា ទូរទស្សន៍«ព្រះអាទិត្យ»គណបក្សសង្គ្រោះជាតិ មិនផ្សព្វផ្សាយគ្រឿងស្រវឹង ថ្នាំជក់ និងផលិតផលដែលប៉ះពាល់ដល់សុខភាពនោះទេ ដោយលោកសន្យាថា ផ្សព្វផ្សាយតែការអប់រំចំណេះ និងបញ្ហាសង្គមប៉ុណ្ណោះ។
កន្លងមកលោក សម រង្ស៊ី បញ្ជាក់ថា ទូរទស្សន៍គណបក្សសង្គ្រោះជាតិគឺនឹងអាចផ្សព្វផ្សាយគំនិត លើកតម្កើងវប្បធម៌សន្ទនា ដើម្បីឲ្យវប្បធម៌សន្ទនាចាក់ឬស ចាក់គល់ទៅ ហើយនាំមកនូវផ្លែផ្កា។ ហើយលោកជឿជាក់ថា ទូរទស្សន៍គណបក្សសង្គ្រោះជាតិ ជាកត្តាមួយដ៏សំខាន់ ដើម្បីជួយឲ្យប្រជារាស្ត្រយល់ពីស្ថានការណ៍ ចេះវិនិច្ឆ័យត្រឹមត្រូវ ចំពោះស្ថានការណ៍នយោបាយកម្ពុជា៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
