អន្តរជាតិ
នយោបាយអន្តរជាតិ
×![]()
បច្ចុប្បន្ននេះសហភាពអឺរ៉ុបចាត់ទុកអាស៊ានជាដៃគូយុទ្ធសាស្ត្រដ៏សំខាន់មួយ ហើយសហភាពអឺរ៉ុបដែលមានជោគជ័យក្នុងការធ្វើសមាហរណកម្មនោះ នឹងបន្តជួយជ្រោមជ្រែងអង្គការថ្នាក់តំបន់អាស៊ានដើម្បីឆ្ពោះទៅរកសមាហរណកម្មតំបន់និងកសាងសហគមន៍រួមគ្នា ។ កិច្ចសហប្រតិបត្តិការអាស៊ាន និងអឺរ៉ុបរីកចម្រើនរហ័សស្ទើរគ្រប់វិស័យ។ ការរីកចម្រើននៃទំនាក់ទំនងនិងកិច្ចសហប្រតិបត្តិការរវាងអឺរ៉ុបនិងអង្គការអាស៊ានជាសញ្ញាវិជ្ជមានមួយសម្រាប់តំបន់និងពិភពលោកទាំងមូល ហើយភាគីទាំងពីរនឹងបន្តទាញយកប្រយោជន៍ច្រើនពីទំនាក់ទំនងទ្វេភាគីដ៏ល្អប្រសើរនេះផងទៅថ្ងៃមុខ។ ប៉ុន្តែស្របពេលជាមួយគ្នា អាស៊ាននឹងបន្តប្រឈមបញ្ហាច្រើនទៀតទាំងផ្នែកសេដ្ឋកិច្ច នយោបាយ ជាពិសេសសន្តិសុខដូចជា ដូចជំរុញការផ្សាភ្ជាប់ ជម្លោះដែនសមុទ្រ និងភេរវកម្មផង។ សហភាពអឺរ៉ុបសង្ឃឹមថាការពង្រីកនិងពង្រឹងសហប្រតិបត្តិការទ្វេភាគីជាមួយនឹងជួយអាស៊ានដោះស្រាយបញ្ហានេះឲ្យបានជោគជ័យ។ 
សូមស្តាប់ការបកស្រាយរបស់លោក សៅ ផលនិស្ស័យ៖
ចំណងមិត្តភាពនិងកិច្ចសហប្រតិបត្តិការទ្វេភាគីរវាងសហគមន៍ប្រជាជាតិអាស៊ីអាគ្នេយ៍ និងសហភាពអឺរ៉ុប បន្តរីកលូតលាស់ពីមួយថ្ងៃទៅមួយថ្ងៃ។ សហភាពអឺរ៉ុបក្លាយជាដៃគូល្អរបស់អាស៊ាន និងបន្តនៅជាមិត្តដែលអាស៊ានអាចពឹងពាក់បាននៅពេលខាងមុខ។ ក្នុងក្រសែរភ្នែកអ្នកវិភាគ សហភាពអឺរ៉ុបមានបទពិសោធន៍គ្រប់គ្រាន់ក្នុងការនាំផ្លូវអាស៊ានដើម្បីឈានទៅដល់សម្រេចជោគជ័យក្នុងការធ្វើសមាហរណកម្មតំបន់ ក្នុងនាមជាដៃគូយុទ្ធសាស្ត្រ។
បើទោះជាសហភាពអឺរ៉ុប និងអាស៊ានខុសប្លែកគ្នាតាំងពីរបបនយោបាយ កម្រិតនៃការអភិវឌ្ឍន៍សេដ្ឋកិច្ច និងភាពរឹងមាំនៃស្ថាប័នក៏ដោយ ភាគីទាំងពីររំពឹងថានឹងបន្តចែករំលែកគ្នាដោះស្រាយបញ្ហាប្រឈម ដើម្បីជំរុញការកសាងសហគមន៍ លើកកម្ពស់ការអភិវឌ្ឍន៍ជានិរន្តរភាព និងសមាហរណកម្មតំបន់។ ភាគីទាំងពីរសុទ្ធតែទទួលបានប្រយោជន៍ក្នុងការបន្តពង្រីកទំនាក់ទំនងទ្វេភាគីនិងពង្រឹងកិច្ចសហប្រតិបត្តិការ ហើយអឺរ៉ុបត្រៀមខ្លួនរួចហើយជួយអាស៊ានដោះស្រាយបញ្ហាប្រឈមនានាក្នុងតំបន់។ បញ្ហាសន្តិសុខនៅតែជារឿងសំខាន់ដែលភាគីទាំងពីរមិនអាចព្រងើយកន្តើយបានឡើយ។
១. ពង្រីកសហប្រតិបត្តិការសន្តិសុខជាមួយអាស៊ាន ជាបញ្ហាអាទិភាពសម្រាប់សហភាពអឺរ៉ុប
សហភាពអឺរ៉ុបបានសម្រេចចូលជាភាគីនៃសន្ធិសញ្ញាមិត្តភាពនិងកិច្ចសហប្រតិបត្តិការអាស៊ាន ដែលការក្លាយជាភាគីនេះបញ្ជាក់ពីគោលបំណងរបស់សហភាពអឺរ៉ុបក្នុងការភ្ជាប់ខ្លួនក្នុងការដោះស្រាយបញ្ហានៅតំបន់អាស៊ាននិងអាស៊ីប៉ាស៊ីហ្វិកទាំងមូល។ សម្រាប់អាស៊ាន ក៏ដូចជាសហភាពអឺរ៉ុប អ្វីដែលសំខាន់ចូលរួមចំណែកក្នុងការកសាងភាពជាដៃគូសេដ្ឋកិច្ចនិងសមាហរណកម្មតំបន់ គឺការរក្សានិងបង្កើតស្ថិរភាពនិងសន្តិភាពតំបន់។ ប៉ុន្តែដើម្បីសម្រេចបានសន្តិភាព គេមិនអាចព្រងើយកន្តើយបញ្ហាសន្តិសុខបានឡើយ។ កន្លងមក សហភាពអឺរ៉ុបរួមចំណែកជាមួយអាស៊ានដោះស្រាយបញ្ហាប្រឈមជារួមមានទាំងការគ្រប់គ្រងគ្រោះមហន្តរាយ សន្តិសុខដែនសមុទ្រ(ជម្លោះសមុទ្រចិនខាងត្បូង) ឧក្រិដ្ឋកម្មឆ្លងដែន និងប្រឆាំងភេរវកម្ម។ សហភាពអឺរ៉ុបកន្លងមកជាអ្នកផ្តល់ជំនួយផង និងជាអ្នកជួយដោះស្រាយផង ហើយអ្វីដែលសំខាន់គោលនយោបាយសន្តិសុខអឺរ៉ុប ក៏ចូលរួមចំណែកសំខាន់សម្រាប់អាស៊ាន សម្រាប់កំណត់វិធានការសន្តិសុខតំបន់ផងដែរ។ សម្រាប់អឺរ៉ុប អាស៊ានជាស្ថាប័នសំខាន់ដែលប្រមែរប្រមូលមហាអំណាចពិភពលោក មករួមគ្នាដោះស្រាយបញ្ហាសន្តិសុខតំបន់រួមគ្នា។ ដូចឃើញស្រាប់អាស៊ានមានវេទិការតំបន់អាស៊ាន កិច្ចប្រជុំរដ្ឋមន្ត្រីការពារជាតិបូក សន្និសីទកំពូលអាស៊ីបូព៌ាជាដើម។
ប៉ុន្តែបញ្ហាសមុទ្រចិនខាងត្បូងនៅតែជាបញ្ហាប្រឈមរបស់អាស៊ាននិងក្តីកង្វល់របស់អឺរ៉ុប។ យោងតាមសេចក្តីប្រកាសព័ត៌មានរួមអាស៊ាន-សហភាពអឺរ៉ុបចុះថ្ងៃ ១៨ឧសភា សហភាពអឺរ៉ុបបន្តស្នើឲ្យអាស៊ាននិងចិនប្រឹងប្រែងចងក្រងក្រមប្រតិបត្តិសម្រាប់គ្រប់គ្រងជម្លោះ ហើយអឺរ៉ុបដង្ហើយឲ្យភាគីគោរពច្បាប់អន្តរជាតិ ជាពិសេសច្បាប់សមុទ្រ និងបន្តដោះស្រាយបញ្ហាដោយសន្តិវិធី។ តាមពិតទៅតួនាទីរបស់សហភាពអឺរ៉ុបកាន់តែធំក្នុងការសហការជាមួយអាស៊ានក្នុងការដោះស្រាយបញ្ហាសន្តិសុខ មិនត្រឹមតែលើកម្ពស់សន្តិភាពប៉ុណ្ណោះទេ វាក៏ជួយដល់ដំណើរប្រធិបតេយ្យូបនីយកម្ម នីតិរដ្ឋនិងការគោរពសិទ្ធិមនុស្សក្នុងតំបន់ដូចគ្នាដែរ។
២.ការផ្សាភ្ជាប់ជំរុញសមាហរណកម្មអាស៊ាននិងសហភាពអឺរ៉ុប
ក្រៅពីផ្តោតលើកិច្ចសហការផ្នែកសន្តិសុខ សហភាពអឺរ៉ុបនិងអាស៊ាននៅតែសំឡឹងឃើញពីសារសំខាន់នៃការផ្សាភ្ជាប់រវាងអាស៊ាននិងសហភាពអឺរ៉ុប។ កាលពីឆ្នាំមុនក្នុងកិច្ចប្រជុំរដ្ឋមន្ត្រីអាស៊ាន អឺរ៉ុបនៅប្រ៊ុយសែលឆ្នាំមុន ភាគីក៏បានបង្ហាញការគាំទ្រការសហការគ្នាត្រួសត្រាយផ្លូវសម្រាប់កសាងការផ្សាភ្ជាប់។ អឺរ៉ុបគាំទ្រពេញទំហឹងផែនការកសាងការផ្សាភ្ជាប់ទាំងបីផ្នែក (មនុស្ស ស្ថាប័ន និងហេដ្ឋារចនាសម្ព័ន្ធ) ដើម្បីភ្ជាប់ប្រជាជាតិអាស៊ានទៅនឹងបណ្តាតំបន់នានាទូទាំងពិភពលោក។ ការផ្សាភ្ជាប់ជាយុទ្ធសាស្ត្រពិសេសជំរុញការកសាងទំនុកចិត្ត សហប្រតិបត្តិការសេដ្ឋកិច្ច និងសម្រួលដល់ដំណើរសមាហរណកម្មថែមទៀតផង។ សហភាពអឺរ៉ុបនិងអាស៊ានកន្លងមកបន្តជជែកពិភាក្សានិងដាក់ចេញនូវយុទ្ធសាស្ត្រ និងគំនិតផ្តួចផ្តើមសំខាន់ដើម្បីសម្រេចបាននូវការផ្សាភ្ជាប់រវាងស្ថាប័ននិងតំបន់ទាំងពីរនេះ។ សហភាពអឺរ៉ុបដែលជាស្ថាប័នចាស់វស្សាហើយនោះរំពឹងថានឹងជួយចែករំលែកបទពិសោធន៍សំខាន់ៗ ដល់អាស៊ានជុំវិញការលើកកម្ពស់ការផ្សាភ្ជាប់នេះ ។ ក្រៅពីនេះកការដឹកជញ្ជូនដូចជាអាកាសចរណ៍ស៊ីវិលជាចំនុចអាទិភាពដែលភាគីទាំងពីរបន្តការជជែកពិភាក្សា ។ ការពង្រឹងការស្រាវជ្រាវ ទំនាក់ទំនងអប់រំ និងការភ្ជាប់ទំនាក់ទំនងប្រជាជនទៅប្រជាជននៅតែជាអ្វីដែលភាគីប្តេជ្ញាលើកកម្ពស់ឲ្យកាន់តែប្រសើរនាពេលខាងមុខ។
៣.សហគមន៍សេដ្ឋកិច្ចអាស៊ានសំខាន់ក្នុងក្រសែរភ្នែកសហភាពអឺរ៉ុប
ជុំវិញបញ្ហាសេដ្ឋកិច្ចនិងពាណិជ្ជកម្មដែលជាបញ្ហាស្នូលមួយនៃទំនាក់ទំនងអាស៊ាន និងសហភាពអឺរ៉ុបឯណោះវិញ គេមើលឃើញពីឆន្ទៈរួមនៃការបង្កើនទំនាក់ទំនងពាណិជ្ជកម្ម លំហូរវិនិយោគទុន និងធុរកិច្ចផង។ អាស៊ានគ្រោងនឹងសម្រេចបានសហគមន៍សេដ្ឋកិច្ចរួមមួយត្រឹមចុងឆ្នាំ ២០១៥ដោយមានប្រជាជនរួមជាង៦០០លាននាក់។ អាស៊ានជាដៃគូពាណិជ្ជកម្មលេខរៀងទីបីរបស់អឺរ៉ុប ខណៈពេលអឺរ៉ុបស្ថិតនៅលេខរៀងទី២ ជាដៃគូពាណិជ្ជកម្មធំបំផុតរបស់អាស៊ានបន្ទាប់ពីចិន។ បើយោងតាមសេចក្តីប្រកាសព័ត៌មានដដែល ឆ្នាំ ២០១៣ ទំហំពាណិជ្ជកម្មមានសេវានិងទំនិញទ្វេភាគីកើនដល់ ២៣៨ពាន់លានអឺរ៉ូ។ បើសិនបើមើលពីទំហំសេដ្ឋកិច្ចប្រទេស ១០រួមគ្នាសហគមន៍នេះនៅឈរលំដាប់លេខរៀងទី៧ ក្នុងចំណោមប្រទេសសេដ្ឋកិច្ចធំជាងគេលើពិភពលោក ហើយអាស៊ានគ្រោងនឹងយកតំណែងលេខរៀងទី៤ ក្នុងឆ្នាំ ២០៥០ខាងមុខ។ ទាំងនេះសុទ្ធតែជាចំណុចដែលសហភាពអឺរុបមិនអាចមើលរំលងបាន ក្នុងការបង្កើនចំណងពាណិជ្ជកម្ម និងស្វែងរកឳកាសវិនិយោគក្នុងតំបន់។ សហគមន៍សេដ្ឋកិច្ចអាស៊ាននឹងបង្កើតឱកាសសម្រាប់អឺរ៉ុបដាក់ទុនវិនិយោគ នាំទំនិញចេញ ចូលទៅវិញទៅមកបង្កើតកិច្ចព្រមព្រៀងពាណិជ្ជកម្ម ឬតំបន់ពាណិជ្ជកម្មសេរីជាដើម។ ភាគីទាំងពីបន្តជជែកពិភាក្សានិង អនុវត្តគោលនយោបាយដែលជំរុញការវិវត្តន៍សហប្រតិបត្តិការសេដ្ឋកិច្ចឲ្យកាន់តែប្រសើរ និងទប់ស្កាត់បញ្ហាប្រឈមនានាពាក់ព័ន្ធវិស័យសេដ្ឋកិច្ចពាណិជ្ជកម្ម៕
សូមស្តាប់ការបកស្រាយរបស់លោក សៅ ផលនិស្ស័យ៖
ចំណងមិត្តភាពនិងកិច្ចសហប្រតិបត្តិការទ្វេភាគីរវាងសហគមន៍ប្រជាជាតិអាស៊ីអាគ្នេយ៍ និងសហភាពអឺរ៉ុប បន្តរីកលូតលាស់ពីមួយថ្ងៃទៅមួយថ្ងៃ។ សហភាពអឺរ៉ុបក្លាយជាដៃគូល្អរបស់អាស៊ាន និងបន្តនៅជាមិត្តដែលអាស៊ានអាចពឹងពាក់បាននៅពេលខាងមុខ។ ក្នុងក្រសែរភ្នែកអ្នកវិភាគ សហភាពអឺរ៉ុបមានបទពិសោធន៍គ្រប់គ្រាន់ក្នុងការនាំផ្លូវអាស៊ានដើម្បីឈានទៅដល់សម្រេចជោគជ័យក្នុងការធ្វើសមាហរណកម្មតំបន់ ក្នុងនាមជាដៃគូយុទ្ធសាស្ត្រ។
បើទោះជាសហភាពអឺរ៉ុប និងអាស៊ានខុសប្លែកគ្នាតាំងពីរបបនយោបាយ កម្រិតនៃការអភិវឌ្ឍន៍សេដ្ឋកិច្ច និងភាពរឹងមាំនៃស្ថាប័នក៏ដោយ ភាគីទាំងពីររំពឹងថានឹងបន្តចែករំលែកគ្នាដោះស្រាយបញ្ហាប្រឈម ដើម្បីជំរុញការកសាងសហគមន៍ លើកកម្ពស់ការអភិវឌ្ឍន៍ជានិរន្តរភាព និងសមាហរណកម្មតំបន់។ ភាគីទាំងពីរសុទ្ធតែទទួលបានប្រយោជន៍ក្នុងការបន្តពង្រីកទំនាក់ទំនងទ្វេភាគីនិងពង្រឹងកិច្ចសហប្រតិបត្តិការ ហើយអឺរ៉ុបត្រៀមខ្លួនរួចហើយជួយអាស៊ានដោះស្រាយបញ្ហាប្រឈមនានាក្នុងតំបន់។ បញ្ហាសន្តិសុខនៅតែជារឿងសំខាន់ដែលភាគីទាំងពីរមិនអាចព្រងើយកន្តើយបានឡើយ។
១. ពង្រីកសហប្រតិបត្តិការសន្តិសុខជាមួយអាស៊ាន ជាបញ្ហាអាទិភាពសម្រាប់សហភាពអឺរ៉ុប
សហភាពអឺរ៉ុបបានសម្រេចចូលជាភាគីនៃសន្ធិសញ្ញាមិត្តភាពនិងកិច្ចសហប្រតិបត្តិការអាស៊ាន ដែលការក្លាយជាភាគីនេះបញ្ជាក់ពីគោលបំណងរបស់សហភាពអឺរ៉ុបក្នុងការភ្ជាប់ខ្លួនក្នុងការដោះស្រាយបញ្ហានៅតំបន់អាស៊ាននិងអាស៊ីប៉ាស៊ីហ្វិកទាំងមូល។ សម្រាប់អាស៊ាន ក៏ដូចជាសហភាពអឺរ៉ុប អ្វីដែលសំខាន់ចូលរួមចំណែកក្នុងការកសាងភាពជាដៃគូសេដ្ឋកិច្ចនិងសមាហរណកម្មតំបន់ គឺការរក្សានិងបង្កើតស្ថិរភាពនិងសន្តិភាពតំបន់។ ប៉ុន្តែដើម្បីសម្រេចបានសន្តិភាព គេមិនអាចព្រងើយកន្តើយបញ្ហាសន្តិសុខបានឡើយ។ កន្លងមក សហភាពអឺរ៉ុបរួមចំណែកជាមួយអាស៊ានដោះស្រាយបញ្ហាប្រឈមជារួមមានទាំងការគ្រប់គ្រងគ្រោះមហន្តរាយ សន្តិសុខដែនសមុទ្រ(ជម្លោះសមុទ្រចិនខាងត្បូង) ឧក្រិដ្ឋកម្មឆ្លងដែន និងប្រឆាំងភេរវកម្ម។ សហភាពអឺរ៉ុបកន្លងមកជាអ្នកផ្តល់ជំនួយផង និងជាអ្នកជួយដោះស្រាយផង ហើយអ្វីដែលសំខាន់គោលនយោបាយសន្តិសុខអឺរ៉ុប ក៏ចូលរួមចំណែកសំខាន់សម្រាប់អាស៊ាន សម្រាប់កំណត់វិធានការសន្តិសុខតំបន់ផងដែរ។ សម្រាប់អឺរ៉ុប អាស៊ានជាស្ថាប័នសំខាន់ដែលប្រមែរប្រមូលមហាអំណាចពិភពលោក មករួមគ្នាដោះស្រាយបញ្ហាសន្តិសុខតំបន់រួមគ្នា។ ដូចឃើញស្រាប់អាស៊ានមានវេទិការតំបន់អាស៊ាន កិច្ចប្រជុំរដ្ឋមន្ត្រីការពារជាតិបូក សន្និសីទកំពូលអាស៊ីបូព៌ាជាដើម។
ប៉ុន្តែបញ្ហាសមុទ្រចិនខាងត្បូងនៅតែជាបញ្ហាប្រឈមរបស់អាស៊ាននិងក្តីកង្វល់របស់អឺរ៉ុប។ យោងតាមសេចក្តីប្រកាសព័ត៌មានរួមអាស៊ាន-សហភាពអឺរ៉ុបចុះថ្ងៃ ១៨ឧសភា សហភាពអឺរ៉ុបបន្តស្នើឲ្យអាស៊ាននិងចិនប្រឹងប្រែងចងក្រងក្រមប្រតិបត្តិសម្រាប់គ្រប់គ្រងជម្លោះ ហើយអឺរ៉ុបដង្ហើយឲ្យភាគីគោរពច្បាប់អន្តរជាតិ ជាពិសេសច្បាប់សមុទ្រ និងបន្តដោះស្រាយបញ្ហាដោយសន្តិវិធី។ តាមពិតទៅតួនាទីរបស់សហភាពអឺរ៉ុបកាន់តែធំក្នុងការសហការជាមួយអាស៊ានក្នុងការដោះស្រាយបញ្ហាសន្តិសុខ មិនត្រឹមតែលើកម្ពស់សន្តិភាពប៉ុណ្ណោះទេ វាក៏ជួយដល់ដំណើរប្រធិបតេយ្យូបនីយកម្ម នីតិរដ្ឋនិងការគោរពសិទ្ធិមនុស្សក្នុងតំបន់ដូចគ្នាដែរ។
២.ការផ្សាភ្ជាប់ជំរុញសមាហរណកម្មអាស៊ាននិងសហភាពអឺរ៉ុប
ក្រៅពីផ្តោតលើកិច្ចសហការផ្នែកសន្តិសុខ សហភាពអឺរ៉ុបនិងអាស៊ាននៅតែសំឡឹងឃើញពីសារសំខាន់នៃការផ្សាភ្ជាប់រវាងអាស៊ាននិងសហភាពអឺរ៉ុប។ កាលពីឆ្នាំមុនក្នុងកិច្ចប្រជុំរដ្ឋមន្ត្រីអាស៊ាន អឺរ៉ុបនៅប្រ៊ុយសែលឆ្នាំមុន ភាគីក៏បានបង្ហាញការគាំទ្រការសហការគ្នាត្រួសត្រាយផ្លូវសម្រាប់កសាងការផ្សាភ្ជាប់។ អឺរ៉ុបគាំទ្រពេញទំហឹងផែនការកសាងការផ្សាភ្ជាប់ទាំងបីផ្នែក (មនុស្ស ស្ថាប័ន និងហេដ្ឋារចនាសម្ព័ន្ធ) ដើម្បីភ្ជាប់ប្រជាជាតិអាស៊ានទៅនឹងបណ្តាតំបន់នានាទូទាំងពិភពលោក។ ការផ្សាភ្ជាប់ជាយុទ្ធសាស្ត្រពិសេសជំរុញការកសាងទំនុកចិត្ត សហប្រតិបត្តិការសេដ្ឋកិច្ច និងសម្រួលដល់ដំណើរសមាហរណកម្មថែមទៀតផង។ សហភាពអឺរ៉ុបនិងអាស៊ានកន្លងមកបន្តជជែកពិភាក្សានិងដាក់ចេញនូវយុទ្ធសាស្ត្រ និងគំនិតផ្តួចផ្តើមសំខាន់ដើម្បីសម្រេចបាននូវការផ្សាភ្ជាប់រវាងស្ថាប័ននិងតំបន់ទាំងពីរនេះ។ សហភាពអឺរ៉ុបដែលជាស្ថាប័នចាស់វស្សាហើយនោះរំពឹងថានឹងជួយចែករំលែកបទពិសោធន៍សំខាន់ៗ ដល់អាស៊ានជុំវិញការលើកកម្ពស់ការផ្សាភ្ជាប់នេះ ។ ក្រៅពីនេះកការដឹកជញ្ជូនដូចជាអាកាសចរណ៍ស៊ីវិលជាចំនុចអាទិភាពដែលភាគីទាំងពីរបន្តការជជែកពិភាក្សា ។ ការពង្រឹងការស្រាវជ្រាវ ទំនាក់ទំនងអប់រំ និងការភ្ជាប់ទំនាក់ទំនងប្រជាជនទៅប្រជាជននៅតែជាអ្វីដែលភាគីប្តេជ្ញាលើកកម្ពស់ឲ្យកាន់តែប្រសើរនាពេលខាងមុខ។
៣.សហគមន៍សេដ្ឋកិច្ចអាស៊ានសំខាន់ក្នុងក្រសែរភ្នែកសហភាពអឺរ៉ុប
ជុំវិញបញ្ហាសេដ្ឋកិច្ចនិងពាណិជ្ជកម្មដែលជាបញ្ហាស្នូលមួយនៃទំនាក់ទំនងអាស៊ាន និងសហភាពអឺរ៉ុបឯណោះវិញ គេមើលឃើញពីឆន្ទៈរួមនៃការបង្កើនទំនាក់ទំនងពាណិជ្ជកម្ម លំហូរវិនិយោគទុន និងធុរកិច្ចផង។ អាស៊ានគ្រោងនឹងសម្រេចបានសហគមន៍សេដ្ឋកិច្ចរួមមួយត្រឹមចុងឆ្នាំ ២០១៥ដោយមានប្រជាជនរួមជាង៦០០លាននាក់។ អាស៊ានជាដៃគូពាណិជ្ជកម្មលេខរៀងទីបីរបស់អឺរ៉ុប ខណៈពេលអឺរ៉ុបស្ថិតនៅលេខរៀងទី២ ជាដៃគូពាណិជ្ជកម្មធំបំផុតរបស់អាស៊ានបន្ទាប់ពីចិន។ បើយោងតាមសេចក្តីប្រកាសព័ត៌មានដដែល ឆ្នាំ ២០១៣ ទំហំពាណិជ្ជកម្មមានសេវានិងទំនិញទ្វេភាគីកើនដល់ ២៣៨ពាន់លានអឺរ៉ូ។ បើសិនបើមើលពីទំហំសេដ្ឋកិច្ចប្រទេស ១០រួមគ្នាសហគមន៍នេះនៅឈរលំដាប់លេខរៀងទី៧ ក្នុងចំណោមប្រទេសសេដ្ឋកិច្ចធំជាងគេលើពិភពលោក ហើយអាស៊ានគ្រោងនឹងយកតំណែងលេខរៀងទី៤ ក្នុងឆ្នាំ ២០៥០ខាងមុខ។ ទាំងនេះសុទ្ធតែជាចំណុចដែលសហភាពអឺរុបមិនអាចមើលរំលងបាន ក្នុងការបង្កើនចំណងពាណិជ្ជកម្ម និងស្វែងរកឳកាសវិនិយោគក្នុងតំបន់។ សហគមន៍សេដ្ឋកិច្ចអាស៊ាននឹងបង្កើតឱកាសសម្រាប់អឺរ៉ុបដាក់ទុនវិនិយោគ នាំទំនិញចេញ ចូលទៅវិញទៅមកបង្កើតកិច្ចព្រមព្រៀងពាណិជ្ជកម្ម ឬតំបន់ពាណិជ្ជកម្មសេរីជាដើម។ ភាគីទាំងពីបន្តជជែកពិភាក្សានិង អនុវត្តគោលនយោបាយដែលជំរុញការវិវត្តន៍សហប្រតិបត្តិការសេដ្ឋកិច្ចឲ្យកាន់តែប្រសើរ និងទប់ស្កាត់បញ្ហាប្រឈមនានាពាក់ព័ន្ធវិស័យសេដ្ឋកិច្ចពាណិជ្ជកម្ម៕
© រក្សាសិទ្ធិដោយ thmeythmey.com
