ជាតិ
យុវជនខ្មែរ៦នាក់ នឹងជួបលោកប្រធានាធិបតី អូបាម៉ា នៅថ្ងៃ២មិថុនា ក្នុងសេតវិមាន
× នៅក្នុងឱកាសនៃការសាទរកម្មវិធី«គំនិតផ្តួចផ្តើមអ្នកដឹកនាំអាស៊ីអាគ្នេយ៍វ័យក្មេង» (YSEALI) ឆ្នាំ២០១៥នេះ លោកប្រធានាធិបតីអាមេរិក បារ៉ាក់ អូបាម៉ា នឹងធ្វើជាម្ចាស់ផ្ទះនៃកម្មវិធីនេះ នៅសេតវិមាន ហើយនឹងជួបយុវជនអាស៊ីអាគ្នេយ៍ចំនួន៧៥នាក់ ដែលក្នុងនោះមានយុវជនកម្ពុជា៦នាក់ផង។ នេះបើយោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំកម្ពុជា។
យុវជនខ្មែរទាំង៦នាក់ដែលជាសមាជិកនៃគំនិតផ្តួចផ្តើមនេះ ហើយដែលនឹងត្រូវជួបជាមួយលោក អូបាម៉ា រួមមាន៖ ហុង មុយហេង, ស សិលា, សិទ្ធ សួនវិសាល, សេ ឈិន, ម៉ី ផល្លា និង សេក សុវណ្ណា។
ការជួបជុំជាមួយប្រធានាធិបតីអាមេរិកនឹងប្រព្រឹត្តិទៅនៅថ្ងៃអង្គារទី២មិថុនា ត្រូវនឹងម៉ោង១ និង១០នាទីពាក់កណ្តាលអាធ្រាតុ ម៉ោងនៅកម្ពុជា។ អ្នកដែលចាប់អារម្មណ៍តាមដានព្រឹត្តិការណ៍អាចតាមដានគេហទំព័រខាងក្រោមនេះ http://go.wh.gov/YSEALIevent ។
© រក្សាសិទ្ធិដោយ thmeythmey.com