ជាតិ
នយោបាយជាតិ
លោក សម រង្ស៊ី រីករាយនឹងចូលស្បថតាមការបបួលរបស់លោក ហ៊ុន សែន
× ក្រោយពីដាក់ជើងជាន់ដីកម្ពុជានៅម៉ោង ៩ ព្រឹកថ្ងៃពុធនេះ មិនទាន់បានប៉ុន្មាននាទីផង លោក សម រង្ស៊ី ប្រធានគណបក្សសង្គ្រោះជាតិ បានថ្លែងប្រាប់អ្នកកាសែតថា រូបលោកមិនខ្លាចនឹងចូលខ្លួនទៅស្បថនៅមុខវត្ថុស័ក្តិសិទ្ធិ តាមការបបួលរបស់លោកនាយករដ្ឋមន្រ្តី ហ៊ុន សែន ពាក់ព័ន្ធនឹងបញ្ហាលួចបន្លំសន្លឹកឆ្នោតនោះឡើយ បើទោះបីជាលោកយល់ថា ការស្បថជារឿងអបិយជំនឿក៏ដោយ។ តែយ៉ាងណាលោក សម រង្ស៊ី ក៏ស្នើឲ្យមានការពិនិត្យមើលសន្លឹកឆ្នោតឡើងវិញផងដែរ។
សូមស្ដាប់សំឡេង៖
កាលពីថ្ងៃទី ០៨ ខែមិថុនា នៅក្នុងវិមានរដ្ឋសភា លោកនាយករដ្ឋមន្រ្តី ហ៊ុន សែន បានបបួលលោក សម រង្ស៊ី ស្បថនៅមុខព្រះអង្គដងកើឲ្យរន្ទះបាញ់ ដើម្បីជម្រះមន្ទិលដែលគណបក្សប្រឆាំងតែងតែចោទគណបក្សប្រជាជនកម្ពុជាថា ជាអ្នកលួយចបន្លំសន្លឹកឆ្នោត៕
ចូលអានអត្ថបទ៖ លោក ហ៊ុន សែន រង់ចាំលោក សម រង្ស៊ី មកពីក្រៅប្រទេសវិញ ដើម្បីស្បថមុខព្រះអង្គដងកើ
© រក្សាសិទ្ធិដោយ thmeythmey.com