ជាតិ
នយោបាយជាតិ
រូបភាព លោក ប៉ែន សុវណ្ណ ក្នុងអំឡុងពេលព្យាបាលនៅប្រទេសសិង្ហបូរី កាលពីពេលកន្លងទៅ
×![]()
ដោយ: ថ្មីៗ
ស្ថានភាពជំងឺស្លាប់មួយចំហៀងខ្លួនរបស់លោក លោក ប៉ែន សុវណ្ណ ក្រោយព្យាបាលអស់រយៈពេលជាង៥ ខែមកនេះ នៅតែមិនទាន់ធូរស្រាលគួរឲ្យកត់សម្គាល់ឡើយ ។ តែផ្ទុយទៅវិញ រូបរាយកាយរបស់លោក ប៉ែន សុវណ្ណ កាន់តែស្គមទៅៗពីមួយថ្ងៃទៅមួយថ្ងៃ។ បច្ចុប្បន្នអតីតនាយករដ្ឋមន្ត្រីខ្មែរសម័យសាធារណៈរដ្ឋប្រជាមានិតកម្ពុជារយៈពេល ៦ ខែរូបនេះនៅតែមិនទាន់អាចនិយាយ និងកម្រើកខ្លួនបានដដែល ។ លោក ប៉ែន សុវណ្ណ កំពុងស្ថិតនៅក្រោមការថែទាំពីសំណាក់កូនធម៌របស់ខ្លួន ក្នុងក្រុងដូនកែវ ខេត្តតាកែវ។ 
ពីមួយថ្ងៃទៅមួយថ្ងៃរូបរាងកាយរបស់លោក ប៉ែន សុវណ្ណ កាន់តែស្គមទៅៗ ដែលធ្វើឲ្យក្រុមគ្រួសាររបស់លោកព្រួយបារម្ភយ៉ាងខ្លាំង។ ជាង៥ ខែមកហើយ ដែលលោកអតីតនាយករដ្ឋមន្ត្រីខ្មែរក្នុងឆ្នាំ ១៩៨១ រូបនេះ មានជំងឺស្លាប់មួយចំហៀងខ្លួន ចាប់តាំងពីថ្ងៃទី ១៩ មករា ឆ្នាំ ២០១៥ មក។ ថ្វីដ្បិតគណបក្សសង្គ្រោះជាតិបញ្ជូនលោកទៅព្យាបាលនៅប្រទេសសិង្ហបុរី ហើយសាច់ញាតិយកទៅមើលថែនៅខេត្តកំណើតរបស់ខ្លួនអស់រយៈពេលជាច្រើនខែពិតមែន តែមកដល់ពេលនេះ អាការៈជំងឺរបស់អ្នកនយោបាយមានវ័យ ៧៩ ឆ្នាំ រូបនេះ ហាក់នៅមិនទាន់ធូរស្បើយសោះ។
អ្នកថែរក្សា និងជាកូនស្រីធម៌លោក ប៉ែន សុវណ្ណ ផងនោះ អ្នកស្រី ប៉ែន សុទ្ធា បាននិយាយថា ស្ថានភាពជំងឺឪពុកធម៌របស់អ្នកស្រីមកដល់ពេលនេះ គ្រាន់តែអាចស្តាប់យល់ពីអ្វីដែលគេនិយាយបានខ្លះ តែលោកមិនអាចនិយាយបានទេ។ អ្នកស្រី បន្ថែមថា ខ្លួនប្រាណឪពុករបស់ខ្លួនស្គមស្គាំងជាងមុនខ្លាំងណាស់ ដោយសារតែលោក ប៉ែន សុវណ្ណ មិនអាចពិសារបាយបាន។ « ពេលគាត់ស្តាប់យើងបាន គាត់ឲ្យសញ្ញាញញឹមបន្តិច ។ គាត់មិនអាចនិយាយបានទេ ។ ជើងគាត់ ម្ខាងអាចកម្រើកបានខ្លះ តែក្រៅពីនេះ មិនបានទាំងអស់ ។ គាត់ស្គមជាងមុន ចេញឆ្អឹងជំនី ដែលធ្វើខ្ញុំបារម្ភខ្លាំងណាស់។គាត់មិនអាចហូបថ្នាំ ឬបបរតាមមាត់បានទេ តែខ្ញុំត្រូវសុងថ្នាំពេទ្យឬបបរបន្តិចបន្តូចតាមច្រមុះ»។ នេះជាការរៀបរាប់របស់កញ្ញា ប៉ែន សុទ្ធា ដែលបានហៅលោក ប៉ែន សុវណ្ណ ថា ឪពុកតាំងពីនាងនៅក្មេងពោលគឺចាប់ពីឆ្នាំ ១៩៩២ បន្ទាប់ពីលោក ប៉ែន សុវណ្ណ ចេញពីគុកនៅប្រទេសវៀតណាម។
អ្នកស្រី ប៉ែន សុទ្ធា បញ្ជាក់បន្ថែមថា ឪពុកធម៌របស់អ្នកស្រី ក៏មានជំងឺលើសជាតិស្ករផងដែរ ហើយជំងឺនេះប្រសិនបើមានអាការៈប្លែក អ្នកស្រីត្រូវទូរសព្ទទៅក្រុមគ្រូពេទ្យនៅភ្នំពេញ ដើម្បីឲ្យពួកគេមកពិនិត្យបន្ទាន់។ រីឯថ្នាំពេទ្យសម្រាប់លោក ប៉ែន សុវណ្ណ វិញ ត្រូវទិញពីគ្លីនិកឯកជនក្នុងមួយខែម្តង។
កូនស្រីធម៌របស់លោក ប៉ែន សុវណ្ណ រូបនេះ បញ្ជាក់ថា សម្រាប់ការចំណាយលើការទំនុកបម្រុងដល់ការព្យាបាលថែទាំជំងឺឪពុកខ្លួន ភាគច្រើនបានទទួលជំនួយពីប្រជាពលរដ្ឋខ្មែរនៅក្រៅប្រទេស តាមរយៈគណបក្សសង្គ្រោះជាតិ និងប្រាក់ខែជាតំណាងរាស្ត្ររបស់ឪពុកអ្នកស្រី។ ជាងនេះទៀត អ្នកស្រី ប៉ែន សុទ្ធាអះអាងថា មេដឹកនាំគណបក្សសង្គ្រោះជាតិ ក៏ជួយជ្រោមជ្រែងក្នុងការផ្គត់ផ្គង់ឪពុកធម៌របស់ខ្លួនផងដែរ។ អ្នកស្រីបរិយាយដូច្នេះថា ៖« លោក សម រង្ស៊ី និងលោក កឹម សុខា លោកទាំងពីរប្រាប់ខ្ញុំថា បើខ្វះខាតអ្វី ត្រូវប្រាប់ពូកគាត់ ហើយពួកគាត់នឹងជួយ » ។
យ៉ាងណាក៏ដោយចុះ ពាក់ព័ន្ធនឹងតំណែងរបស់ខ្លួនវិញ ថ្វីដ្បិតតែពេលនេះលោក ប៉ែន សុវណ្ណ មិនអាចដើរ និងនិយាយបានក្តី ក៏គណបក្សសង្គ្រោះជាតិ មិនដកឈ្មោះរូបលោកចេញពីតំណាងរាស្ត្រមណ្ឌលកំពង់ស្ពឺគណបក្សនេះដែរ។ ពីព្រោះ លោក ប៉ែន សុវណ្ណ ជាមនុស្សមានគុណូបការៈច្រើនសម្រាប់គណបក្ស ហើយម្យ៉ាងទៀតពេលនេះរូបលោកកំពុងសម្រាកព្យាបាលជំងឺ។ នេះបើតាមការបញ្ជាក់របស់លោក យឹម សុវណ្ណ អ្នកនាំពាក្យគណបក្សសង្គ្រោះជាតិ កាលពីពេលកន្លងទៅ ៕
ពីមួយថ្ងៃទៅមួយថ្ងៃរូបរាងកាយរបស់លោក ប៉ែន សុវណ្ណ កាន់តែស្គមទៅៗ ដែលធ្វើឲ្យក្រុមគ្រួសាររបស់លោកព្រួយបារម្ភយ៉ាងខ្លាំង។ ជាង៥ ខែមកហើយ ដែលលោកអតីតនាយករដ្ឋមន្ត្រីខ្មែរក្នុងឆ្នាំ ១៩៨១ រូបនេះ មានជំងឺស្លាប់មួយចំហៀងខ្លួន ចាប់តាំងពីថ្ងៃទី ១៩ មករា ឆ្នាំ ២០១៥ មក។ ថ្វីដ្បិតគណបក្សសង្គ្រោះជាតិបញ្ជូនលោកទៅព្យាបាលនៅប្រទេសសិង្ហបុរី ហើយសាច់ញាតិយកទៅមើលថែនៅខេត្តកំណើតរបស់ខ្លួនអស់រយៈពេលជាច្រើនខែពិតមែន តែមកដល់ពេលនេះ អាការៈជំងឺរបស់អ្នកនយោបាយមានវ័យ ៧៩ ឆ្នាំ រូបនេះ ហាក់នៅមិនទាន់ធូរស្បើយសោះ។
អ្នកថែរក្សា និងជាកូនស្រីធម៌លោក ប៉ែន សុវណ្ណ ផងនោះ អ្នកស្រី ប៉ែន សុទ្ធា បាននិយាយថា ស្ថានភាពជំងឺឪពុកធម៌របស់អ្នកស្រីមកដល់ពេលនេះ គ្រាន់តែអាចស្តាប់យល់ពីអ្វីដែលគេនិយាយបានខ្លះ តែលោកមិនអាចនិយាយបានទេ។ អ្នកស្រី បន្ថែមថា ខ្លួនប្រាណឪពុករបស់ខ្លួនស្គមស្គាំងជាងមុនខ្លាំងណាស់ ដោយសារតែលោក ប៉ែន សុវណ្ណ មិនអាចពិសារបាយបាន។ « ពេលគាត់ស្តាប់យើងបាន គាត់ឲ្យសញ្ញាញញឹមបន្តិច ។ គាត់មិនអាចនិយាយបានទេ ។ ជើងគាត់ ម្ខាងអាចកម្រើកបានខ្លះ តែក្រៅពីនេះ មិនបានទាំងអស់ ។ គាត់ស្គមជាងមុន ចេញឆ្អឹងជំនី ដែលធ្វើខ្ញុំបារម្ភខ្លាំងណាស់។គាត់មិនអាចហូបថ្នាំ ឬបបរតាមមាត់បានទេ តែខ្ញុំត្រូវសុងថ្នាំពេទ្យឬបបរបន្តិចបន្តូចតាមច្រមុះ»។ នេះជាការរៀបរាប់របស់កញ្ញា ប៉ែន សុទ្ធា ដែលបានហៅលោក ប៉ែន សុវណ្ណ ថា ឪពុកតាំងពីនាងនៅក្មេងពោលគឺចាប់ពីឆ្នាំ ១៩៩២ បន្ទាប់ពីលោក ប៉ែន សុវណ្ណ ចេញពីគុកនៅប្រទេសវៀតណាម។
អ្នកស្រី ប៉ែន សុទ្ធា បញ្ជាក់បន្ថែមថា ឪពុកធម៌របស់អ្នកស្រី ក៏មានជំងឺលើសជាតិស្ករផងដែរ ហើយជំងឺនេះប្រសិនបើមានអាការៈប្លែក អ្នកស្រីត្រូវទូរសព្ទទៅក្រុមគ្រូពេទ្យនៅភ្នំពេញ ដើម្បីឲ្យពួកគេមកពិនិត្យបន្ទាន់។ រីឯថ្នាំពេទ្យសម្រាប់លោក ប៉ែន សុវណ្ណ វិញ ត្រូវទិញពីគ្លីនិកឯកជនក្នុងមួយខែម្តង។
កូនស្រីធម៌របស់លោក ប៉ែន សុវណ្ណ រូបនេះ បញ្ជាក់ថា សម្រាប់ការចំណាយលើការទំនុកបម្រុងដល់ការព្យាបាលថែទាំជំងឺឪពុកខ្លួន ភាគច្រើនបានទទួលជំនួយពីប្រជាពលរដ្ឋខ្មែរនៅក្រៅប្រទេស តាមរយៈគណបក្សសង្គ្រោះជាតិ និងប្រាក់ខែជាតំណាងរាស្ត្ររបស់ឪពុកអ្នកស្រី។ ជាងនេះទៀត អ្នកស្រី ប៉ែន សុទ្ធាអះអាងថា មេដឹកនាំគណបក្សសង្គ្រោះជាតិ ក៏ជួយជ្រោមជ្រែងក្នុងការផ្គត់ផ្គង់ឪពុកធម៌របស់ខ្លួនផងដែរ។ អ្នកស្រីបរិយាយដូច្នេះថា ៖« លោក សម រង្ស៊ី និងលោក កឹម សុខា លោកទាំងពីរប្រាប់ខ្ញុំថា បើខ្វះខាតអ្វី ត្រូវប្រាប់ពូកគាត់ ហើយពួកគាត់នឹងជួយ » ។
យ៉ាងណាក៏ដោយចុះ ពាក់ព័ន្ធនឹងតំណែងរបស់ខ្លួនវិញ ថ្វីដ្បិតតែពេលនេះលោក ប៉ែន សុវណ្ណ មិនអាចដើរ និងនិយាយបានក្តី ក៏គណបក្សសង្គ្រោះជាតិ មិនដកឈ្មោះរូបលោកចេញពីតំណាងរាស្ត្រមណ្ឌលកំពង់ស្ពឺគណបក្សនេះដែរ។ ពីព្រោះ លោក ប៉ែន សុវណ្ណ ជាមនុស្សមានគុណូបការៈច្រើនសម្រាប់គណបក្ស ហើយម្យ៉ាងទៀតពេលនេះរូបលោកកំពុងសម្រាកព្យាបាលជំងឺ។ នេះបើតាមការបញ្ជាក់របស់លោក យឹម សុវណ្ណ អ្នកនាំពាក្យគណបក្សសង្គ្រោះជាតិ កាលពីពេលកន្លងទៅ ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
