ជាតិ
នយោបាយជាតិ
អ្នកនាំពាក្យ៖ អនុប្រធាន២នាក់នឹងជួយសម្រួលការងារដ៏មមាញឹករបស់លោក ហ៊ុន សែន
លោក ស ខេង (ស្តាំ) និងលោក សាយ ឈុំ ក្លាយជាអនុប្រធានគណបក្សប្រជាជនកម្ពុជា
×![]()
អ្នកនាំពាក្យគណបក្សប្រជាជនកម្ពុជា លោក សុខ ឥសាន បានបញ្ជាក់ថា ការជ្រើសរើសអនុប្រធានរហូតដល់ពីរនាក់ក្នុងគណបក្ស គឺដើម្បីជួយសម្រួលកិច្ចការផ្ទៃក្នុងបក្សឲ្យមាននិរន្តភាព និងទទួលភារកិច្ចមួយចំនួនធំពីលោកនាយករដ្ឋមន្ត្រី ហ៊ុន សែន ដែលជាប្រធានគណបក្ស បន្ទាប់ពីលោក ជា ស៊ីម ទទួលមរណភាព។ ការអះអាងរបស់អ្នកនាំពាក្យរូបនេះធ្វើឡើង ក្រោយអ្នកវិភាគសង្គមយល់ថា តំណែងអនុប្រធាគណបក្សប្រជាជនកម្ពុជារបស់លោក សាយ ឈុំ មានន័យថា«បន្សាបអំណាចរបស់លោក ស ខេង»។ 
«ការជ្រើសតាំងអនុប្រធាន២នាក់របស់គណបក្សប្រជាជនកម្ពុជា គឺជាការពង្រឹងបក្សឲ្យមាននិរន្តភាព និងដើម្បីសម្រួលដល់កិច្ចការដ៏មមាញឹករបស់លោកនាយករដ្ឋមន្ត្រី ហ៊ុន សែន»។ នេះជាការបញ្ជាក់របស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដោយឆ្លើយតបទៅនឹងចម្ងល់មួយចំនួនចំពោះវត្តមានអនុប្រធាន២ក្នុងបក្សពេលនេះ។
លោក សុខ ឥសាន ដែលទទួលស្គាល់ថាលោក សាយ ឈុំ មានតំណែងជាប្រធានព្រឹទ្ធសភា ជាអគ្គលេខាធិការបក្ស និងជាអនុប្រធានបក្សពេលនេះ បានពន្យល់ថា ការជ្រើសតាំងអនុប្រធាន២ក្នុងគណបក្ស គឺលោក ស ខេង និងលោក សាយ ឈុំ គឺមិនមែនចង់បំបែកឥទ្ធិពលរបស់លោក ស ខេង ដូចអ្នកវិភាគលើកឡើងនោះទេ។
ថ្លែងប្រាប់សារព័ត៌មានថ្មីៗ ក្រោយការបោះឆ្នោតជ្រើសតាំងលោក ស ខេង និងលោក សាយ ឈុំ ជាអនុប្រធានគណបក្ស អ្នកនាំពាក្យរូបនេះបានអត្ថធិប្បាយយ៉ាងដូច្នេះថា៖« នេះជាការសម្រេចរបស់គណៈកម្មារធិការបក្ស ក្នុងការជ្រើសតាំងអនុប្រធាន២នេះ ដើម្បីពង្រឹងបក្ស និងដើម្បីជួយរ៉ាបរងការងាររបស់សម្ដេច ហ៊ុន សែន ព្រោះសម្ដេចហ៊ុន សែន ទទួលបន្ទុកជាប្រធានបក្សផង និងត្រូវបំពេញការងាររាជរដ្ឋាភិបាលផង ដូចនេះការងារច្រើន ដែលត្រូវការជ្រើសតាំងអនុប្រធាន២ក្នុងបក្ស ក្នុងការបន្ដនិរន្តភាពការងារបក្សបន្ទាប់ពីសម្ដេច ជា ស៊ីម»។
លោក ស ខេង និងលោក សាយ ឈុំ ដែលទើបតែបានទទួលគោរមងារជាសម្ដេចកាលពីពេលថ្មីនេះ ក្លាយជាអនុប្រធានទាំងពីរជាផ្លូវការ ពោលគឺពុំមានការបែងចែងអនុប្រធានទី១ ឬ ទី២ឡើយ ។រឿងអនុប្រធានគណបក្សប្រជាជនកម្ពុជា១រូប ឬ២រូប មិនមានអ្វីចំឡែកទេសម្រាប់លោក អ៊ូ វីរៈអ្នកវិភាគនយោបាយនៅក្នុងប្រទេសកម្ពុជា ពីព្រោះ កម្ពុជាក៏មានតំណែងឧបនាយករដ្ឋមន្ត្រីច្រើនរូបដែរ។ តែទោះជាយ៉ាងណាក៏ដោយ ក៏លោក អ៊ូ វីរៈ សាកល្បងវិភាគទៅលើតំណែងអនុប្រធានពីររូបក្នុងគណបក្សប្រជាជនកម្ពុជានៅពេលនេះដែរ។
សម្រាប់លោក អ៊ូ វីរៈ ប្រសិនបើលោក សាយ ឈុំ ស្ថិតនៅក្នុងតំណែងអគ្គលេខាធិការគណបក្សផង ជាប្រធានព្រឹទ្ធសភាផង និងជាអនុប្រធានគណបក្សផង នោះតំណែងអនុប្រធាគណបក្សប្រជាជនកម្ពុជារបស់លោក សាយ ឈុំ មានន័យថាសម្រាប់«បន្សាបអំណាចរបស់លោក ស ខេង»។ តែបើលោក សាយ ឈុំ ត្រូវបានដកចេញពីអគ្គលេខាធិការគណបក្សប្រជាជនកម្ពុជា មកជាអនុប្រធានគណបក្សប្រជាជនកម្ពុជាតែមួយនោះ នោះគឺជាការដោះដូរតំណែងពីអគ្គលេខាមកជាអនុប្រធានធម្មតាប៉ុណ្ណោះ។
លោក កែម ឡី អ្នកវិភាគនយោបាយ បានអត្ថាធិប្បាយថា នេះគឺជាជម្រើសសម្របសម្រួលនៅក្នុងគណបក្សប្រជាជនកម្ពុជា។ លោក កែម ឡី បញ្ជាក់ថា៖«បក្សពិបាកសម្រេចជ្រើសតែម្នាក់។ ប្រសិនបើជ្រើសរើសអនុប្រធានតែមួយអាចមានបញ្ហាក្នុងបក្ស តែបើជ្រើសរើសអនុប្រធានពីរនាក់ គឺជាមធ្យោបាយល្អ និងមិននាំអោយបែកបាក់ផ្ទៃក្នុង»។
លោក ស ខេង ដែលទើបទទួលបានគោរមងារពីព្រះមហាក្សត្រជាសម្តេចក្រឡាហោម ស ខេង និងលោក សាយ ឈុំ មានងារជា «សម្តេចវិបុលសេនាភក្តី សាយ ឈុំ» ជាអនុប្រធានបក្សទាំងពីរ ។ ការឡើងកាន់តំណែងរបស់លោក ហ៊ុន សែន ជាប្រធាន ហើយលោក ស ខេង និងលោក សាយ ឈុំ ជាអនុប្រធាន ទទួលបានសំឡេងគាំទ្រ៥០៦ លើ៥០៧សំឡេង តាមរយៈការបោះឆ្នោតជាកញ្ចប់នាសន្និបាត គណៈកម្មាធិការកណ្តាល លើកទី៣៨ អាណត្តិទី៥ របស់គណបក្សប្រជាជនកម្ពុជា នៅព្រឹកថ្ងៃទី២០ ខែមិថុនានេះ៕
«ការជ្រើសតាំងអនុប្រធាន២នាក់របស់គណបក្សប្រជាជនកម្ពុជា គឺជាការពង្រឹងបក្សឲ្យមាននិរន្តភាព និងដើម្បីសម្រួលដល់កិច្ចការដ៏មមាញឹករបស់លោកនាយករដ្ឋមន្ត្រី ហ៊ុន សែន»។ នេះជាការបញ្ជាក់របស់លោក សុខ ឥសាន អ្នកនាំពាក្យគណបក្សប្រជាជនកម្ពុជា ដោយឆ្លើយតបទៅនឹងចម្ងល់មួយចំនួនចំពោះវត្តមានអនុប្រធាន២ក្នុងបក្សពេលនេះ។
លោក សុខ ឥសាន ដែលទទួលស្គាល់ថាលោក សាយ ឈុំ មានតំណែងជាប្រធានព្រឹទ្ធសភា ជាអគ្គលេខាធិការបក្ស និងជាអនុប្រធានបក្សពេលនេះ បានពន្យល់ថា ការជ្រើសតាំងអនុប្រធាន២ក្នុងគណបក្ស គឺលោក ស ខេង និងលោក សាយ ឈុំ គឺមិនមែនចង់បំបែកឥទ្ធិពលរបស់លោក ស ខេង ដូចអ្នកវិភាគលើកឡើងនោះទេ។
ថ្លែងប្រាប់សារព័ត៌មានថ្មីៗ ក្រោយការបោះឆ្នោតជ្រើសតាំងលោក ស ខេង និងលោក សាយ ឈុំ ជាអនុប្រធានគណបក្ស អ្នកនាំពាក្យរូបនេះបានអត្ថធិប្បាយយ៉ាងដូច្នេះថា៖« នេះជាការសម្រេចរបស់គណៈកម្មារធិការបក្ស ក្នុងការជ្រើសតាំងអនុប្រធាន២នេះ ដើម្បីពង្រឹងបក្ស និងដើម្បីជួយរ៉ាបរងការងាររបស់សម្ដេច ហ៊ុន សែន ព្រោះសម្ដេចហ៊ុន សែន ទទួលបន្ទុកជាប្រធានបក្សផង និងត្រូវបំពេញការងាររាជរដ្ឋាភិបាលផង ដូចនេះការងារច្រើន ដែលត្រូវការជ្រើសតាំងអនុប្រធាន២ក្នុងបក្ស ក្នុងការបន្ដនិរន្តភាពការងារបក្សបន្ទាប់ពីសម្ដេច ជា ស៊ីម»។
លោក ស ខេង និងលោក សាយ ឈុំ ដែលទើបតែបានទទួលគោរមងារជាសម្ដេចកាលពីពេលថ្មីនេះ ក្លាយជាអនុប្រធានទាំងពីរជាផ្លូវការ ពោលគឺពុំមានការបែងចែងអនុប្រធានទី១ ឬ ទី២ឡើយ ។រឿងអនុប្រធានគណបក្សប្រជាជនកម្ពុជា១រូប ឬ២រូប មិនមានអ្វីចំឡែកទេសម្រាប់លោក អ៊ូ វីរៈអ្នកវិភាគនយោបាយនៅក្នុងប្រទេសកម្ពុជា ពីព្រោះ កម្ពុជាក៏មានតំណែងឧបនាយករដ្ឋមន្ត្រីច្រើនរូបដែរ។ តែទោះជាយ៉ាងណាក៏ដោយ ក៏លោក អ៊ូ វីរៈ សាកល្បងវិភាគទៅលើតំណែងអនុប្រធានពីររូបក្នុងគណបក្សប្រជាជនកម្ពុជានៅពេលនេះដែរ។
សម្រាប់លោក អ៊ូ វីរៈ ប្រសិនបើលោក សាយ ឈុំ ស្ថិតនៅក្នុងតំណែងអគ្គលេខាធិការគណបក្សផង ជាប្រធានព្រឹទ្ធសភាផង និងជាអនុប្រធានគណបក្សផង នោះតំណែងអនុប្រធាគណបក្សប្រជាជនកម្ពុជារបស់លោក សាយ ឈុំ មានន័យថាសម្រាប់«បន្សាបអំណាចរបស់លោក ស ខេង»។ តែបើលោក សាយ ឈុំ ត្រូវបានដកចេញពីអគ្គលេខាធិការគណបក្សប្រជាជនកម្ពុជា មកជាអនុប្រធានគណបក្សប្រជាជនកម្ពុជាតែមួយនោះ នោះគឺជាការដោះដូរតំណែងពីអគ្គលេខាមកជាអនុប្រធានធម្មតាប៉ុណ្ណោះ។
លោក កែម ឡី អ្នកវិភាគនយោបាយ បានអត្ថាធិប្បាយថា នេះគឺជាជម្រើសសម្របសម្រួលនៅក្នុងគណបក្សប្រជាជនកម្ពុជា។ លោក កែម ឡី បញ្ជាក់ថា៖«បក្សពិបាកសម្រេចជ្រើសតែម្នាក់។ ប្រសិនបើជ្រើសរើសអនុប្រធានតែមួយអាចមានបញ្ហាក្នុងបក្ស តែបើជ្រើសរើសអនុប្រធានពីរនាក់ គឺជាមធ្យោបាយល្អ និងមិននាំអោយបែកបាក់ផ្ទៃក្នុង»។
លោក ស ខេង ដែលទើបទទួលបានគោរមងារពីព្រះមហាក្សត្រជាសម្តេចក្រឡាហោម ស ខេង និងលោក សាយ ឈុំ មានងារជា «សម្តេចវិបុលសេនាភក្តី សាយ ឈុំ» ជាអនុប្រធានបក្សទាំងពីរ ។ ការឡើងកាន់តំណែងរបស់លោក ហ៊ុន សែន ជាប្រធាន ហើយលោក ស ខេង និងលោក សាយ ឈុំ ជាអនុប្រធាន ទទួលបានសំឡេងគាំទ្រ៥០៦ លើ៥០៧សំឡេង តាមរយៈការបោះឆ្នោតជាកញ្ចប់នាសន្និបាត គណៈកម្មាធិការកណ្តាល លើកទី៣៨ អាណត្តិទី៥ របស់គណបក្សប្រជាជនកម្ពុជា នៅព្រឹកថ្ងៃទី២០ ខែមិថុនានេះ៕
© រក្សាសិទ្ធិដោយ thmeythmey.com
