ជាតិ
នយោបាយជាតិ
×![]()
ដោយ: ខន ចំប៉ា
លោក ហោ ណាំហុង បានជួបពិភាក្សាជាមួយលោកLe HoaiTrung អនុរដ្ឋមន្ត្រីការបរទេសវៀតណាម នៅថ្ងៃទី២៣ខែមិថុនា នៅពេលដែលអនុរដ្ឋមន្ត្រីការបរទេសវៀតណាម មកចូលរួមកិច្ចប្រជុំ«វេទិកាអាស៊ាន-ជប៉ុន» (ASEAN-Japan Forum)នៅរាធធានីភ្នំពេញ ។លោក ហោ ណាំហុង បានឡើងយកបញ្ហារសើបចំនួន៣ គឺបញ្ហាព្រំដែន ករណីជីកស្រះ នៅខេត្តរតនគីរី និងករណីសាងសង់ប៉ុស្តិ៍យាម នៅខេត្តកណ្តាល ទៅពិភាក្សាជាមួយភាគីវៀណាម និងហាមមិនឲ្យវៀតណាមធ្វើអ្វីនៅតំបន់ស ។ 
រហូតមកដល់ពេលភាគីវៀតណាម នៅមិនទាន់ឆ្លើយតបនូវកំណត់ទូតដែលកម្ពុជា បានផ្ញើទៅឲ្យភាគីវៀតណាមជាបន្តបន្ទាប់នៅឡើយ។ បញ្ហាព្រំដែន បានកក្រើកឡើងវិញ នៅរយៈពេលចុងក្រោយនេះ បន្ទាប់ក្រសួងការបរទេសរកឃើញពីភាពអវិជ្ជមានមួយចំនួននៅតាមបណ្តាយព្រំដែន។ នៅថ្ងៃទី២៣មិថុនា លោក ហោ ណាំហុង បានជួបពិភាក្សាជាមួយលោកLe HoaiTrung អនុរដ្ឋមន្ត្រីការបរទេសវៀតណាមនៅពេលដែលអនុរដ្ឋមន្ត្រីការបរទេសវៀតណាម មកចូលរួមកិច្ចប្រជុំ«វេទិកាអាស៊ាន-ជប៉ុន» នៅក្រុងភ្នំពេញ ។
យោងតាមសេចក្តីប្រកាសព័ត៌មានរបស់ក្រសួងការបរទេស នៅក្នុងជំនួបរវាង លោក ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងលោកLe HoaiTrung អនុរដ្ឋមន្ត្រីការបរទេសវៀតណាម នាម្សិលមិញ លោក ហោ ណាំហុង បានឡើងយកបញ្ហារស៊ើបចំនួន៣ គឺបញ្ហាព្រំដែន ករណីជីកស្រះ នៅខេត្តរតនគីរី និងករណីសាងសង់ប៉ុស្តិ៍យាម នៅខេត្តកណ្តាល។
លោក ហោ ណាំហុង បានក្រើនរំលឹកដល់ភាគីវៀតណាមថាកុំឲ្យធ្វើអ្វីនៅក្នុងតំបន់ដែលមិនទាន់បានបោះបង្គោលព្រំដែន និងស្នើឲ្យវៀតណាមអនុវត្តតាមគោលការណ៍ដែលស្របតាមសេចក្តីប្រកាសព័ត៌មានរួមថ្ងៃទី១៧ ខែមករា ឆ្នាំ១៩៩៥ រវាងកម្ពុជានិងវៀតណាម។
កាលពីពេលថ្មីៗនេះក្រសួងការបរទេសកម្ពុជា បានដាក់កំណត់ទូតចំនួន២លើកទៅកាន់ស្ថានទូតវៀតណាមក្រោយកម្ពុជារកឃើញស្រះទឹកចំនួន៨ជីកខុសច្បាប់ដោយភាគីវៀតណាមនៅតំបន់សដោយខុសការកំណត់នៃកិច្ចព្រមព្រៀងរវាងប្រទេសទាំងពីរ។ចំណែកថ្ងៃទី១៧មិថុនា ក្រសួងការបរទេសដាក់កំណត់ទូតថ្មីមួយទៀត ទៅកាន់រដ្ឋាភិបាលវៀតណាមឲ្យបញ្ឈប់ការជីកដីធ្វើគ្រឹះសម្រាប់ការសាងសង់ប៉ុស្តិ៍យោធានៅត្រង់ចំណុចភូមិព្រែកស្បូវ ឃុំសំពៅពូន ស្រុកកោះធំ ខេត្តកណ្តាល។ បញ្ហានេះក៏ត្រូវរដ្ឋមន្ត្រីក្រសួងការបរទេសកម្ពុជាលើកឡើងផងដែរ និងបានស្នើឲ្យវៀតណាមបញ្ឈប់ការសាងសង់នេះ ទោះវាជាការជួសជុលប៉ុស្តិ៍យាមចាស់ក៏ដោយ។
ជាការឆ្លើយតបភាគីវៀតណាមអះអាង តាមរយៈសេចក្តី ប្រកាសព័ត៌មានថា ពេលទទួលបានកំណត់ទូតរបស់ក្រសួងការបរទេសកម្ពុជានាពេលកន្លងមក ថ្នាក់ដឹកនាំវៀតណាមបានបញ្ជា អោយអាជ្ញាធរមូលដ្ឋាន ធ្វើរបាយការណ៍ជូនថ្នាក់ដឹកនាំវៀតណាម ហើយបច្ចុប្បន្នកំពុងរង់ចាំ របាយការណ៍នេះ ។
ក្រសួងការបរទេសកម្ពុជា បានបញ្ជាក់ថា នេះមិនមែនជាលើកទី១ទេដែលរាជរដ្ឋាភិបាលតាមរយៈក្រសួងការបរទេសនិងសហប្រតិបត្តិការអន្តរជាតិបានតវ៉ាពីការរំលោភបំពានបូរណភាពទឹកដីកម្ពុជា។ ក្រសួងការបរទេសកម្ពុជានិងស្ថានទូតកម្ពុជាប្រចាំនៅទីក្រុងហាណូយបានធ្វើកំណត់ទូតទៅរដ្ឋាភិបាលវៀតណាមអំពីការរំលោភបំពានលើទឹកដីកម្ពុជានៅតំបន់ផ្សេងៗ ចាប់ពីឆ្នាំ២០១៣ ដល់២០១៥នេះ។កន្លងមករាជរដ្ឋាភិបាលកម្ពុជា ក៏បានតវ៉ាពីការរំលោភបំពានទឹកដីកម្ពុជានេះទៅកាន់រដ្ឋាភិបាលវៀតណាមជាច្រើនដងមកហើយ៕
រហូតមកដល់ពេលភាគីវៀតណាម នៅមិនទាន់ឆ្លើយតបនូវកំណត់ទូតដែលកម្ពុជា បានផ្ញើទៅឲ្យភាគីវៀតណាមជាបន្តបន្ទាប់នៅឡើយ។ បញ្ហាព្រំដែន បានកក្រើកឡើងវិញ នៅរយៈពេលចុងក្រោយនេះ បន្ទាប់ក្រសួងការបរទេសរកឃើញពីភាពអវិជ្ជមានមួយចំនួននៅតាមបណ្តាយព្រំដែន។ នៅថ្ងៃទី២៣មិថុនា លោក ហោ ណាំហុង បានជួបពិភាក្សាជាមួយលោកLe HoaiTrung អនុរដ្ឋមន្ត្រីការបរទេសវៀតណាមនៅពេលដែលអនុរដ្ឋមន្ត្រីការបរទេសវៀតណាម មកចូលរួមកិច្ចប្រជុំ«វេទិកាអាស៊ាន-ជប៉ុន» នៅក្រុងភ្នំពេញ ។
យោងតាមសេចក្តីប្រកាសព័ត៌មានរបស់ក្រសួងការបរទេស នៅក្នុងជំនួបរវាង លោក ហោ ណាំហុង រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ និងលោកLe HoaiTrung អនុរដ្ឋមន្ត្រីការបរទេសវៀតណាម នាម្សិលមិញ លោក ហោ ណាំហុង បានឡើងយកបញ្ហារស៊ើបចំនួន៣ គឺបញ្ហាព្រំដែន ករណីជីកស្រះ នៅខេត្តរតនគីរី និងករណីសាងសង់ប៉ុស្តិ៍យាម នៅខេត្តកណ្តាល។
លោក ហោ ណាំហុង បានក្រើនរំលឹកដល់ភាគីវៀតណាមថាកុំឲ្យធ្វើអ្វីនៅក្នុងតំបន់ដែលមិនទាន់បានបោះបង្គោលព្រំដែន និងស្នើឲ្យវៀតណាមអនុវត្តតាមគោលការណ៍ដែលស្របតាមសេចក្តីប្រកាសព័ត៌មានរួមថ្ងៃទី១៧ ខែមករា ឆ្នាំ១៩៩៥ រវាងកម្ពុជានិងវៀតណាម។
កាលពីពេលថ្មីៗនេះក្រសួងការបរទេសកម្ពុជា បានដាក់កំណត់ទូតចំនួន២លើកទៅកាន់ស្ថានទូតវៀតណាមក្រោយកម្ពុជារកឃើញស្រះទឹកចំនួន៨ជីកខុសច្បាប់ដោយភាគីវៀតណាមនៅតំបន់សដោយខុសការកំណត់នៃកិច្ចព្រមព្រៀងរវាងប្រទេសទាំងពីរ។ចំណែកថ្ងៃទី១៧មិថុនា ក្រសួងការបរទេសដាក់កំណត់ទូតថ្មីមួយទៀត ទៅកាន់រដ្ឋាភិបាលវៀតណាមឲ្យបញ្ឈប់ការជីកដីធ្វើគ្រឹះសម្រាប់ការសាងសង់ប៉ុស្តិ៍យោធានៅត្រង់ចំណុចភូមិព្រែកស្បូវ ឃុំសំពៅពូន ស្រុកកោះធំ ខេត្តកណ្តាល។ បញ្ហានេះក៏ត្រូវរដ្ឋមន្ត្រីក្រសួងការបរទេសកម្ពុជាលើកឡើងផងដែរ និងបានស្នើឲ្យវៀតណាមបញ្ឈប់ការសាងសង់នេះ ទោះវាជាការជួសជុលប៉ុស្តិ៍យាមចាស់ក៏ដោយ។
ជាការឆ្លើយតបភាគីវៀតណាមអះអាង តាមរយៈសេចក្តី ប្រកាសព័ត៌មានថា ពេលទទួលបានកំណត់ទូតរបស់ក្រសួងការបរទេសកម្ពុជានាពេលកន្លងមក ថ្នាក់ដឹកនាំវៀតណាមបានបញ្ជា អោយអាជ្ញាធរមូលដ្ឋាន ធ្វើរបាយការណ៍ជូនថ្នាក់ដឹកនាំវៀតណាម ហើយបច្ចុប្បន្នកំពុងរង់ចាំ របាយការណ៍នេះ ។
ក្រសួងការបរទេសកម្ពុជា បានបញ្ជាក់ថា នេះមិនមែនជាលើកទី១ទេដែលរាជរដ្ឋាភិបាលតាមរយៈក្រសួងការបរទេសនិងសហប្រតិបត្តិការអន្តរជាតិបានតវ៉ាពីការរំលោភបំពានបូរណភាពទឹកដីកម្ពុជា។ ក្រសួងការបរទេសកម្ពុជានិងស្ថានទូតកម្ពុជាប្រចាំនៅទីក្រុងហាណូយបានធ្វើកំណត់ទូតទៅរដ្ឋាភិបាលវៀតណាមអំពីការរំលោភបំពានលើទឹកដីកម្ពុជានៅតំបន់ផ្សេងៗ ចាប់ពីឆ្នាំ២០១៣ ដល់២០១៥នេះ។កន្លងមករាជរដ្ឋាភិបាលកម្ពុជា ក៏បានតវ៉ាពីការរំលោភបំពានទឹកដីកម្ពុជានេះទៅកាន់រដ្ឋាភិបាលវៀតណាមជាច្រើនដងមកហើយ៕
© រក្សាសិទ្ធិដោយ thmeythmey.com
