ជាតិ
សង្គមជាតិ
សមាគមវាយតម្លៃអចលនវត្ថុកម្ពុជាតែងតាំងប្រធានស្តីទី ក្រោយពីប្រធានគេចខ្លួនរឿង ហិង្សាលើកញ្ញាសាសា លោក សន សៀប (ទីពីររាប់ពីឆ្វេង) កាន់តំណែងជាប្រធានស្តីទីសមាគមវាយតម្លៃអចលនវត្ថុកម្ពុជា ជំនួសលោក សុខ ប៊ុន (កណ្តាល)
× ភ្នំពេញ៖ សមាគមវាយតម្លៃអចលនវត្ថុកម្ពុជាតែងតាំងប្រធានស្តីទី ក្រោយពីប្រធានលោក ឧកញ៉ា សុខ ប៊ុន គេចខ្លួនទៅក្រៅប្រទេសដោយសាររឿងវាយតប់កញ្ញា សាសា។ លោក សន សៀប ដែលធ្លាប់ជាអតីត អនុប្រធានសមាគមត្រូវបានតែងតាំងជាប្រធានស្តីទីចាប់ពីពេលនេះតទៅ។
លោក ចេង ខេង សមាជិកគណៈកម្មាធិការនាយកនៃសមាគមវាយតម្លៃអចលនវត្ថុកម្ពុជាបានថ្លែងអោយដឹងនៅថ្ងៃចន្ទនេះថា បន្ទាប់ពីលោក សុខ ប៊ុន បង្កហិង្សាលើកញ្ញា សាសា រួចមក គណៈកម្មាធិការនាយកដែលមានគ្នាចំនួន៦នាក់បានសម្រេចកោះប្រជុំ ហើយតែងតាំងលោក សន សៀប ធ្វើជាប្រធានស្តីទីជាបណ្តោះអាសន្ន។
លោក ចេង ខេង បានបន្តអោយដឹងទៀតថា នៅថ្ងៃសុក្រខាងមុខនេះ សមាគមននឹងកោះប្រជុំជាថ្មីម្តងទៀតដោយមានវត្តមានសមាជិកទាំងអស់។ កិច្ចប្រជុំនៅថ្ងៃសុក្រខាងមុខនេះ នឹងជជែកគ្នាជុំវិញករណីលោក សុខ ប៊ុន និងព្រមពេលជាមួយគ្នាអង្គប្រជុំទាំងមូលស្នើសុំអោយសមាជិកទាំងអស់បញ្ចេញយោបល់ថា តើសមាគមត្រូវធ្វើការងារយ៉ាងដូចម្តេចនៅថ្ងៃខាងមុខ។សូមបញ្ជាក់ថា សមាគមវាយតម្លៃអចលនវត្ថុកម្ពុជាមានសមាជិក៥០ក្រុមហ៊ុនអចលវត្ថុ៕
© រក្សាសិទ្ធិដោយ thmeythmey.com