ពីនេះ ពីនោះ
តើសេចក្តីសុខរបស់មនុស្សមានប៉ុន្មានយ៉ាង?
× សេចក្តីសុខរបស់មនុស្សមាន ៤យ៉ាង៖
១. សុខអំពីការមានទ្រព្យ ៖ លុយកាក់ជាតម្រូវការចាំបាច់របស់មនុស្សយើង។ ក្នុងការរស់នៅប្រចាំថ្ងៃមានបញ្ហាជាច្រើន ដែលត្រូវការយកលុយទៅដោះស្រាយ ដូចជា ពេលឈឺ សង់ផ្ទះ ធ្វើដំណើរ ការស្លៀកពាក់ និងពេលប្រពន្ធសំរាលកូនជាដើម។
២. សុខអំពីការប្រើប្រាស់ទ្រព្យ ៖ ពិតណាស់លុយពិតជាធ្វើឲ្យមនុស្សមានសេចក្តីសុខមែន តែបើមានលុយហើយមិនចេះប្រើប្រាស់ ឬយកលុយទៅប្រើប្រាស់ក្នុងផ្លូវមិនល្អ នោះលុយនឹងនាំយើងលំបាកវិញ។ តែបើចេះប្រប្រាស់លុយ យើងក៏ទទួលបានកី្តសុខពីលុយនោះដែរ។
៣. សុខអំពីការមិនមានការជំពាក់បំណុលគេ ៖ ក្រអីក៏ក្រចុះ តែកុំឲ្យតែជាប់បំណុលគេ ព្រោះការជាប់បំណុលគេ នាំឲ្យគេមកទារព្រឹកទារល្ងាច ហើយនៅពេលដែលគ្មានលុយឲ្យគេ ត្រូវគេជេរ គេប្តឹងជាដើម។
៤. សុខកើតអំពីការធ្វើការចិញ្ចឹមជីវិតត្រូវ ៖ បើយើងមានលុយ ដោយសារតែការរកស៊ីជួញដូរខុសច្បាប់ ក៏នាំឲ្យយើងមិនមានក្តីសុខដែរ។ ដើម្បីឲ្យយើងមានលុយ ហើយរស់នៅមានសេចក្តីសុខ យើងត្រូវប្រកបរបរចិញ្ចឹមជីវិតដោយត្រឹមត្រូវ ជៀសវាងការគេងប្រវ័ញ្ច។
© រក្សាសិទ្ធិដោយ thmeythmey.com