ជាតិ
សុខភាព
ក្រសួងព្រមានបិទអាជីវកម្ម បើអ្នកប្រកបរបរទាក់ទងនឹងឱសថដែលមិនចុះបញ្ជីការ
×![]()
ដោយ: ថ្មីៗ
សេវាគ្រឹះស្ថាន និងឱសថស្ថានសុខាភិបាលទាំងអស់ ដែលមិនទាន់មានច្បាប់ត្រឹមត្រូវ ឲ្យប្រញាប់ទៅចុះបញ្ជីផលិតផល ឬទីតាំងអាជីវកម្មរបស់ខ្លួននៅក្រសួងសុខាភិបាល ដើម្បីចៀសវាងការឈានទៅបិទទីតាំងអាជីវកម្ម និងការផាកពិន័យធ្ងន់ធ្ងរ។ នេះគឺជាការក្រើនរំលឹករបស់អ្នកស្រី ឱ វណ្ណឌីន អគ្គនាយកបច្ចេកទេស និងជាអ្នកនាំពាក្យក្រសួងសុខាភិបាល។ 
អ្នកស្រី ឱ វណ្ណឌីន បានគូសបញ្ជាក់ប្រាប់អ្នកសារព័ត៌មាន នៅថ្ងៃទី៣ ខែកក្កដាថា បច្ចុប្បន្នេះនៅមានកន្លែងឱសស្ថានតិចតួចប៉ុណ្ណោះដែលគ្មានច្បាប់ត្រឹមត្រូវ ហើយក្រសួងប្ដេជ្ញាចិត្ដក្នុងការអនុវត្ដលើវិធានការរឹតបន្តឹង ដើម្បីលុបបំបាត់ឱសថក្លែងក្លាយ និងសេវាសុខាភិបាលខុសច្បាប់ទាំងនោះ។ ឱសថស្ថានដែលគ្មានច្បាប់ និងមិនបានចុះបញ្ជីត្រឹមត្រូវ នឹងបង្កផលប៉ះពាល់ទៅដល់សុខភាពអ្នកប្រើប្រាស់ ហើយក្រសួងក៏ពិបាក គ្រប់គ្រង និងត្រួតពិនិត្យលើការលក់ឱសថ ការទុកដាក់ និងថែទាំឱសថទាំងនោះ។
នៅឆ្នាំ២០១៥នេះវិស័យសុខភាពនឹងទទួលបានចំណូលប្រមាណ១ពាន់លានដុល្លារ ដោយសារតម្រូវការផ្នែកថ្នាំពេទ្យ និងការថែទាំព្យាបាលសុខភាពរបស់ពលរដ្ឋកម្ពុជាកំពុងមានការកើនឡើងជាលំដាប់។
យោងតាមរបាយការណ៍របស់ក្រសួងសុខាភិបាល ក្នុងឆ្នាំ២០១៤ មានឱសថស្ថាន ឱសថស្ថានរងនៅទូទាំងប្រទេសសរុបចំនួន១,៩១៩ ដែលបានចុះបញ្ជិកាត្រឹមត្រូវ ក្នុងនោះគ្រឹះស្ថានផលិតឱសថចំនួន១៣ គ្រឹះស្ថានអាហរ័ណ នីហរ័ណចំនួន២៩៥ មជ្ឈមណ្ឌលថែរក្សាសម្ជស្ស ចំនួន២១ មន្ទីរពិសោធន៍វិជ្ជសាស្ដ្រចំនួន២៧ មន្ទីរព្យាបាលជំងឺមាត់ធ្មេញចំនួន៣៨ មន្ទីរសម្ពពមានចំនួន៨ មន្ទីរសម្រាកព្យាបាលចំនួន១៨១ មន្ទីរពហុព្យាបាលមានចំនួន៥១ និងមន្ទីរពេទ្យឯកជនមានចំនួន១១កន្លែង៕
ប្រភព៖AKP
Tag:
ឱសថ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
