បណ្តាអ្នកមានមួយចំនួនចាប់អារម្មណ៍យ៉ាងខ្លាំង ចំពោះគ្រឿងអលង្ការដ៏មានតម្លៃទាំងឡាយក្នុងពិភពលោក។ ប៉ុន្តែ ទោះជាអ្នកមិនមែនជាអ្នកមានទ្រព្យសម្បត្តិហូរហៀ ក៏អ្នកអាចនឹងចូលចិត្តគ្រឿងលម្អទាំងនេះដែរ ជាពិសេសសគឺនារី។ តើអ្នកដឹងទេថា គ្រឿងអលង្ការណាខ្លះជារបស់ដ៏មានតម្លៃបំផុតក្នុងពិភពលោកនេះ ? យើងនឹងបង្ហាញជូនលោកអ្នកខាងក្រោមនេះ៖
1. Wittelsbach-Graff Diamond
នេះគឺជាគ្រឿងអលង្ការដ៏មានតម្លៃជាងគេបំផុត ដោយវាមានពេជ្រពណ៌ខៀវទំហំ ៣៥,៥៦ ការ៉ាត់។ កាលពីឆ្នាំ ២០១១ វាត្រូវបានលក់ទៅឲ្យគ្រួសាររាជវង្សនៃ Qatar ក្នុងតម្លៃ ៨០ លានដុល្លារ។
2. Pink Star Diamond Ring
ចិញ្ចៀនពេជ្រច្នៃចេញពីពេជ្រដ៏ធំបំផុតនៅអាហ្វ្រិក។ វាមានទំហំ ៥៩,៦ ការ៉ាត់ និងមានតម្លៃ ៧២ លានដុល្លារ។
3. L’Incomparable Diamond Necklace
គ្រាប់ពេជ្រទាំងនេះគឺជាពេជ្រដែលត្រូវបានរកឃើញដោយក្មេងស្រីម្នាក់នៅក្នុងប្រទេសកុងហ្គោ នាឆ្នាំ ១៩៨០ ។ គ្រាប់ពេជ្រទាំងអស់មានទំហំ ៤០៧,៤៨ ការ៉ាត់។ វាមានតម្លៃ ៥៥ លានដុល្លារ។
4. The Graff Pink
គ្រាប់ពេជ្រដ៏ធំពណ៌ស៊ីជំពូមានទំហំ ២៤,៧៨ ការ៉ាត់។ វាមានតម្លៃជាង ៤៦ លានដុល្លារ។
5. The Zoe Diamond
គ្រាប់ពេជ្រពណ៌ខៀវនេះមានទំហំជាង ១០ ការ៉ាត់ និងមានតម្លៃជាង ៣២ លានដុល្លារ។
6. The Diamond Bikini
ឈុត bikini នេះធ្វើឡើងពីគ្រាប់ពេជ្រទំហំសរុប ១៥០ ការ៉ាត់។ វាមានតម្លៃប្រមាណ ៣០ លានដុល្លារ។
7. The Hutton-Mdivani Jadeite Necklace
ខ្សែកនេះធ្វើពីគ្រាប់ពែកពណ៌បៃតងតូចៗចំនួន ២៧ គ្រាប់។ វាមានតម្លៃប្រមាណ ២៧ លានដុល្លារ។
8. Chopard 201-Carat Watch
នេះគឺជានាឡិកាដែលធ្វើឡើងពីគ្រាប់ពេជ្រទំហំខុសៗគ្នាចំនួន ៨៧៤ គ្រាប់។ នាឡិកានេះមានតម្លៃ ២៥ លានដុល្លារ។
9. The Winston Blue
នេះជាប្រភេទចិញ្ចៀនភ្ជាប់ពាក្យ។ គ្រាប់ពេជ្រធំពណ៌ខៀវមានទំហំជាង ១៣ ការ៉ាត់។ វាមានតម្លៃជិត ២៤ លានដុល្លារ។
10. The Perfect Pink Diamond
គ្រាប់ពេជ្រធំជាងគេមានទំហំ ១៤,២៣ ការ៉ាត់។ វាមានតម្លៃជាង ២៣ លានដុល្លារ។
11. Cartier Diamond Brooch
គ្រាប់ពេជ្រដែលធំជាងគេមានទំហំជាង ៣៤ ការ៉ាត់។ គ្រាប់ពេជ្រធំផ្សេងទៀតមានទំហំ ២៣,៥៥ ការ៉ាត់ និងគ្រាប់ពេជ្រតូចៗទំហំ ៦,៥១ ការ៉ាត់។ វាមានតម្លៃជាង ១៧,៦ លានដុល្លារ។
12. The Blue Belle of Asia
ខ្សែកនេះមានគ្រាប់ពេជ្រសរុបទំហំ ៣៩២,៥ ការ៉ាត់។ វាមានតម្លៃ ១៧,៣ លានដុល្លារ។
13. Heart of the Ocean Necklace
គ្រាប់ពេជ្រធំពណ៌ខៀវមានទំហំ ១៥ ការ៉ាត់។ ខ្សែកនេះត្រូវតួអង្គស្រីនៅក្នុងរឿង Titanic ពាក់។ វាមានតម្លៃ ១៧ លានដុល្លារ។