ពីនេះ ពីនោះ
×![]()
ដោយ: ថ្មីៗ
សត្វរុយ គឺជាប្រភពចម្លងមេរោគ និងជាសត្វរំខានមួយ ដែលមនុស្សស្អប់ និងធុញទ្រាន់ជាទីបំផុត។ ជាធម្មតា សត្វរុយចូលចិត្តរស់នៅ កន្លែងដែលបិទជិត និងចោមរោមចំណីអាហារ ដែលយើងទទួលទាន។ មានមនុស្សជាច្រើន បានព្យាយាមប្រើនូវវិធីផ្សេងៗ ដើម្បីកំចាត់វា ដូចជាការបាញ់ថ្នាំ ប្រើជ័រស្អិត ប្រដាប់វាយ ឬឆក់ជាដើម។ តែវិធីនេះ គឺអាចប៉ះពាល់ ឬមើលទៅហាក់ដូចជាគ្មានអនាម័យ និងបាត់បង់សោភ័ណភាព នៅក្នុងផ្ទះរបស់អ្នក។
ថ្ងៃនេះ យើងសូមណែនាំអ្នក នូវវិធីងាយៗ ក្នុងការកំចាត់សត្វរុយ ដោយអ្នកមិនចាំបាច់ ចំណាយអ្វីច្រើននោះឡើយ តែអ្នកពិតជាភ្ញាក់ផ្អើល នឹងប្រសិទ្ធភាពរបស់វា ។ អ្វីដែលអ្នកត្រូវការនោះគឺ ថង់ថ្លាដាក់ទឹក កាក់ និងខ្សែ ដោយអ្នកគ្រាន់តែធ្វើតាមវិធីខាងក្រោមនេះ។
ចាក់ទឹកចូលពាក់កណ្តាលថង់ ហើយដាក់កាក់មួយចូលទៅក្នុងនោះ រួចប្រើខ្សែចងមាត់ថង់ឲ្យជិត ហើយព្យួរវានៅពីមុខទ្វារផ្ទះ សំយ៉ាបទ្វារមុខបន្ទប់ ឬនៅបង្អួចជាដើម។ អ្នកនឹងឆ្ងល់ថា តើហេតុអ្វីវត្ថុទាំងនេះ អាចជួយដេញសត្វរុយបាន ? ចម្លើយនោះគឺ ដោយសារតែ ពន្លឺចាំងផ្លាតពីទឹក ដែលអាចជួយដេញសត្វរុយ ហើយកាក់នៅក្នុងនោះ ដែលហាក់ដូចជាតំណាងឲ្យ អ្នកចាំប្រមាញ់ដ៏ធំមួយ ដែលសត្វរុយត្រូវតែគេចខ្លួន។ វិធីនេះ គឺងាយស្រួលបំផុត ហេតុអ្វីអ្នកមិនសាកល្បង ធ្វើវាសាកមើល ?
ត្រួតពិនិត្យដោយ www.health.com.kh
Tag:
ប្លែក
© រក្សាសិទ្ធិដោយ thmeythmey.com
