ជាតិ
សេចក្ដីណែនាំពីការជ្រើសរើសជំនាញ «អក្សរសាស្ត្រខ្មែរ» សិក្សាថ្នាក់ឧត្ដមសិក្សា
× យោងតាមសៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា» របស់ក្រសួងអប់រំ យុវជននិងកីឡាបានផ្ដល់ការណែនាំដល់យុវជនដែលមានបំណងចង់សិក្សា ជំនាញអក្សរសាស្ត្រខ្មែរ ដូចខាងក្រោម៖
ដើម្បីសិក្សាជំនាញអក្សរសាស្ត្រខ្មែរ យុវជនត្រូវមានចំណេះដឹងមូលដ្ឋានលើមុខវិជ្ជាភាសារខ្មែរ និងប្រវត្តិវិទ្យា ។ ក្នុងនោះផងដែរ ដើម្បីទទួលបានសញ្ញាបត្រថ្នាក់បរិញ្ញាបត្រលើកមុខជំនាញនេះនិស្សិតត្រូវសិក្សារយៈពេលបួនឆ្នាំ ស្មើនឹង១៦៥ក្រេឌីត។
ពេលបញ្ចប់បរិញ្ញាបត្រលើមុខជំនាញនេះ និស្សិតនឹងទទួលបានចំណេះដឹងពីមូលដ្ឋានគ្រឹះនៃអក្សរសាស្ត្រខ្មែរ និងអក្សរសិល្បខ្មែរ អាស៊ី បស្ចិម ចិន និងឥណ្ឌា។ យល់ដឹងពីទ្រឹស្ដីអក្សរសិល្ប វប្បធម៌ វេយ្យករណ៍ ភាសាវិទ្យា វិធីសាស្ត្រស្រាវជ្រាវ។ យល់ដឹងពីបាលីសំស្ក្រឹត សិល្បវិទ្យា សិលាចារិក និងភាសាអង់គ្លេស។ល។
និស្សិតដែលសិក្សាជំនាញអក្សរសាស្ត្រខ្មែរ ឬបរិញ្ញាបត្រអក្សរសាស្ត្រខ្មែរ នេះអាចទៅបម្រើការងារនៅតាមអង្គភាពឬមុខនាទីដូចជា ធ្វើជាសាស្ត្រាចារ្យអក្សរសាស្ត្រខ្មែរនៅតាមគ្រឹះស្ថានសិក្សា មានជំនាញខាងវិជ្ជានិពន្ធ ជំនាញមគ្គុទេសក៍ទេសចរណ៍ ការងាររដ្ឋបាល តាមអង្គការក្រៅរដ្ឋាភិបាលនិងស្ថាប័នផ្សេង។
ប្រភព៖ សៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា», មីនា.២០១៥. នាយកដ្ឋានឧត្ដមសិក្សា។
© រក្សាសិទ្ធិដោយ thmeythmey.com