ជាតិ
សេចក្ដីណែនាំពីការជ្រើសរើសជំនាញ «វិទ្យាសាស្ត្រសេដ្ឋកិច្ច » សិក្សាថ្នាក់ឧត្ដមសិក្សា
×![]()
ដោយ: ថ្មីៗ
យោងតាមសៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា» របស់ក្រសួងអប់រំ យុវជននិងកីឡាបានផ្ដល់ការណែនាំដល់យុវជនដែលមានបំណងចង់សិក្សា ជំនាញវិទ្យាសាស្ត្រសេដ្ឋកិច្ច ដូចខាងក្រោម៖
ដើម្បីសិក្សាជំនាញវិទ្យាសាស្ត្រសេដ្ឋកិច្ច យុវជនត្រូវមានចំណេះដឹងមូលដ្ឋានលើមុខវិជ្ជាគណិតវិទ្យា និងសីលធម៌ពលរដ្ឋវិជ្ជា។ ក្នុងនោះផងដែរ ដើម្បីទទួលបានសញ្ញាបត្រថ្នាក់បរិញ្ញាបត្រលើកមុខជំនាញនេះនិស្សិតត្រូវសិក្សារយៈពេលបួនឆ្នាំ ស្មើនឹង១៣១ក្រេឌីត។
ពេលបញ្ចប់បរិញ្ញាបត្រលើមុខជំនាញនេះ និស្សិតនឹងទទួលបានចំណេះដឹងទូទៅអំពីទ្រឹស្ដីសេដ្ឋកិច្ច និងការគ្រប់គ្រង យល់ដឹងពីការអភិវឌ្ឍនសេដ្ឋកិច្ច និងព្យាករណ៍សេដ្ឋកិច្ច។
និស្សិតដែលសិក្សាជំនាញវិទ្យាសាស្ត្រសេដ្ឋកិច្ច ឬបរិញ្ញាបត្រវិទ្យាសាស្ត្រសេដ្ឋកិច្ច នេះអាចទៅបម្រើការងារនៅតាមអង្គភាពឬមុខនាទីនៅក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងក្រសួងពាក់ព័ន្ធ ធនាគារជាតិ និងធនាគារឯកជន ស្ថាប័នមីក្រូហិរញ្ញវត្ថុ អង្គការអន្តរជាតិ និងក្រុមហ៊ុនឯកជននានា៕
ប្រភព៖ សៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា», មីនា.២០១៥. នាយកដ្ឋានឧត្ដមសិក្សា។
© រក្សាសិទ្ធិដោយ thmeythmey.com
