ជាតិ
សេចក្ដីណែនាំពីការជ្រើសរើសជំនាញ «គំនូរសារគមនាគមន៍» សិក្សាថ្នាក់ឧត្ដមសិក្សា
× យោងតាមសៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា» របស់ក្រសួងអប់រំ យុវជននិងកីឡាបានផ្ដល់ការណែនាំដល់យុវជនដែលមានបំណងចង់សិក្សាជំនាញគំនូរសារគមនាគមន៍ ដូចខាងក្រោម៖
ដើម្បីសិក្សាជំនាញគំនូរសារគមនាគមន៍ យុវជនត្រូវមានចំណេះដឹងមូលដ្ឋានលើមុខវិជ្ជាៈ ប្រវត្តិវិទ្យា និងភាសាខ្មែរ និងត្រូវឆ្លងកាត់ ការប្រឡងអំពី គំនូរមើលឃើញ។ ក្នុងនោះផងដែរ ដើម្បីទទួលបានសញ្ញាបត្រថ្នាក់បរិញ្ញាបត្រលើកមុខជំនាញនេះនិស្សិតត្រូវសិក្សារយៈពេលបួនឆ្នាំ ស្មើនឹង១៥០ក្រេឌីត។
ពេលបញ្ចប់បរិញ្ញាបត្រលើមុខជំនាញនេះ និស្សិតនឹងទទួលបានចំណេះដឹងពីរបៀបឆ្នៃបង្កើតគំរូផលិតផល ការវេចខ្ចប់ទំនិញ រូបភាពឡូហ្គោ។ ដឹងពីក្បួនខ្នាតខ្មែរ និងនិន្នាការសិល្បៈសហសម័យ និងសិល្បៈដែលឆ្លុះបញ្ចាំងតាមគំនិត។ ដឹងមូលដ្ឋានគ្រឹះនៃក្បាច់ និងសោភ័ណភាពស្ថាបត្យកម្មខ្មែរ និងចេះបកស្រាយពីតម្លៃ នៃសិល្បៈខ្មែរ។
និស្សិតដែលសិក្សាជំនាញគំនូរសារគមនាគមន៍ ឬបរិញ្ញាបត្រគំនូរសារគមនាគមន៍ នេះអាចទៅបម្រើការងារនៅតាមអង្គភាពឬមុខនាទីនៅតាមស្ថាប័នរដ្ឋ ឬក្រុមហ៊ុនដែលធ្វើការពាក់ព័ន្ធក្រាហ្វិក និងតុបតែង។ ធ្វើការតាមបណ្ដាគ្រឹះស្ថានបោះពុម្ពផ្សាយ និងរោងពុម្ព អាចមានលទ្ធភាពប្រកបអាជីវកម្មផ្ទាល់ខ្លួន។
ប្រភព៖ សៀវភៅ «មគ្គុទេសក៍ សម្រាប់ការជ្រើសរើសគ្រឹះស្ថានសិក្សា និង មុខជំនាញបន្តការសិក្សានៅកម្រិតឧត្ដមសិក្សា», មីនា.២០១៥. នាយកដ្ឋានឧត្ដមសិក្សា៕
© រក្សាសិទ្ធិដោយ thmeythmey.com