ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
វង្ស ណយ ឡៅស៊ីណាត ម៉ឺន សុភា និង ឡុង សុវណ្ឌឌឿន នឹងត្រូវជួបប្រកួតយ៉ាងស្វិតស្វាញ
26, Oct 2015 ,
11:53 am
រូបភាព
×
ដោយ:
ថ្មីៗ
វង្ស ណយ ឡៅស៊ីណាត ម៉ឺន សុភា និង ឡុង សុវណ្ឌឌឿន នឹងត្រូវជួបប្រកួតយ៉ាងស្វិតស្វាញក្នុងកម្មវិធី "ជើងឯកប្រដាល់លេខ ១ គូបូតា វគ្គ ៤” ដើម្បីសម្រេចថា “តើនរណាជាជើងខ្លាំងពិតប្រាកដ!"
រាជធានីភ្នំពេញ៖ កាលពីថ្ងៃទី ២៥ តុលា ឆ្នាំ ២០១៥ កន្លងទៅនេះ ក្រុមហ៊ុន គូបូតា (ខេមបូឌា) បានរៀបចំសន្និសីទសារព័ត៌មានមួយនៅស្ថានីយទូរទស្សន៍បាយ័ន ក្រោមអធិបតីភាពរបស់តំណាងក្រុមហ៊ុន គូបូតា (ខេមបូឌា) សហព័ន្ធកីឡាប្រដាល់កម្ពុជា និងស្ថានីយទូរទស្សន៍បាយ័ន ដើម្បីប្រកាសពីការឧបត្ថម្ភទាំងស្រុងរបស់ខ្លួនក្នុងកម្មវិធីប្រដាល់ក្បាច់គុនបុរាណខ្មែរ “ជើងឯកប្រដាល់លេខ១គូបូតា វគ្គ៤” ។
ខុសពីវគ្គមុនៗ និងខុសពីកម្មវិធីប្រដាល់ផ្សេងៗ វគ្គនេះត្រូវបានបង្កើតឡើងដើម្បីនាំមកនូវការប្រកួតដ៏កក្រើកលើសពេលណាៗទាំងអស់។ កំពូលកីឡាករជើងខ្លាំងទម្ងន់ ៦៩ គីឡូក្រាម ចំនួន ៤ រូប គឺ កីឡាករ វង្ស ណយ កីឡាករ ឡៅស៊ីណាត កីឡាករ ម៉ឺ សុភា និង កីឡាករ ឡុង សុវណ្ណឌឿន ត្រូវបានជ្រើសរើសមកប្រយុទ្ធគ្នានៅលើសង្វៀនតែមួយ។
អ្នកសេ្នហាកីឡាប្រដាល់ក្បាច់គុនបុរាណខ្មែរទាំងអស់ អាចអញ្ជើញទៅទស្សនាការប្រកួតនេះដោយផ្ទាល់នៅសង្វៀនស្ទូឌីយោ ប៊ីធីវី បឹងស្នោរ ឬតាមរយៈការផ្សាយផ្ទាល់លើកញ្ចក់ទូរទស្សន៍ ប៊ីធីវី រៀងរាល់ថ្ងៃអាទិត្យ ពីម៉ោង ១ ដល់ម៉ោង ៣រសៀល ចាប់ពីថ្ងៃទី ១៥ វិច្ឆិកា ឆ្នាំ ២០១៥ តទៅ។
នៅក្នុងសន្និសីទសារព័ត៌មាននេះក៏មានការប្រកាសលទ្ធផលចាប់ឆ្នោតសម្រាប់គូប្រដាល់ ការថតរូបអនុស្សាវរីយ៍ និងការថ្លែងសុន្ទរកថាពីតំណាងក្រុមហ៊ុន គូបូតា ស្ថានីយទូរទស្សន៍បាយ័ន និងសហព័ន្ធកីឡាប្រដាល់កម្ពុជាផងដែរ។
លោក ឆាលឺមឆៃ គីទីប៊ុនតន អគ្គនាយកក្រុមហ៊ុន គូបូតា (ខេមបូឌា) មានប្រសាសន៍ថា ”តាមរយៈការគាំទ្រយ៉ាងពេញទំហឹងរបស់បងប្អូនអ្នកស្នេហាវិស័យកីឡាប្រដាល់ក្បាច់គុនបុរាណខ្មែរទាំងជាតិ និងអន្តរជាតិចំពោះកម្មវិធីប្រដាល់ដែលរៀបចំឡើងដោយ គូបូតា បីវគ្គជាប់ៗគ្នា ជាពិសេសគឺ “ជើងឯកប្រដាល់លេខ១ គូបូតា វគ្គខ្លាំងប៉ះខ្លាំង” បានជំរុញឱ្យយើងខ្ញុំសម្រេចធ្វើការឧបត្ថម្ភទាំងស្រុងបន្តទៀត ដើម្បីនាំមកនូវការប្រកួតកាន់តែស្វិតស្វាញ និងកាន់តែ អស្ចារ្យមកបំពេញការទទូចចង់បានរបស់អ្នកគាំទ្រ។ លើសពីនេះទៅទៀត ការឧបត្ថម្ភកម្មវិធីប្រដាល់នេះធ្វើឡើងដើម្បី លើកស្ទួយវិស័យកីឡាប្រដាល់ក្បាច់គុនបុរាណខ្មែរឲ្យកាន់តែល្បីថែមទៀតនៅក្នុងប្រទេសកម្ពុជា ក៏ដូចជាបង្ហាញស្នៀតប្រដាល់បុរាណខ្មែរទៅឲ្យអ្នកស្នេហាវិស័យកីឡាទាំងអស់បានឃើញ និងចង់ឲ្យកូនខ្មែរជំនាន់ក្រោយបន្ដថែរក្សាក្បាច់បុរាណដ៏មានតម្លៃមួយនេះ។”។
“គូបូតា បានទទួលការគាំទ្រយ៉ាងខ្លាំងពីសំណាក់កសិករកម្ពុជារហូតបានក្លាយជាក្រុមហ៊ុនឈានមុខគេលើវិស័យគ្រឿងចក្រកសិកម្ម។ យើងតែងតែស្វែងរកអ្វីដែលថ្មីសម្រាប់អតិថិជនរបស់យើងនិងប្រជាជនកម្ពុជាបន្ថែមពីលើផលិតផល និងសេវាកម្មប្រកបដោយគុណភាពខ្ពស់។ លើសពីនេះទៅទៀតការបន្ដកម្មវិធីប្រដាល់នេះគឺដើម្បីចូលរួមផ្សព្វផ្សាយក្បាច់គុនបុរាណខ្មែរឲ្យមានការរីកចម្រើនកាន់តែខ្លាំងឡើងៗ និងល្បីសុសសាយពេញសកលលោកផងដែរ។ យើងជឿជាក់ថាកម្មវិធីប្រដាល់នេះ នឹងអាចបម្រើអារម្មណ៍ក៏ដូចជាទទួលបានការគាំទ្រពីសំណាក់ប្រជាជនកម្ពុជាជាក់ជាមិនខាន”។ នេះបើតាមការលើកឡើងរបស់ លោក ពេជ្រ អំបូពង្ស អ្នកគ្រប់គ្រងទូទៅរបស់ក្រុមហ៊ុន គូបូតា (កម្ពុជា)។
សូមទស្សនិកជនអ្នកស្នេហាវិស័យកីឡាប្រដាល់ទាំងអស់កុំខកខានទស្សនាការប្រកួតនេះ និងគាំទ្រកីឡាករដែលអ្នកពេញចិត្តក្នុងកម្មវិធី “ជើងឯកប្រដាល់លេខ១ គូបូតា វគ្គ៤” ជាបន្តទៀត ហើយរង់ចាំមើលទាំងអស់គ្នាថាតើកីឡាកររូបណានឹងក្លាយជាម្ចាស់ជ័យលាភីជើងឯកសម្រាប់វគ្គ៤។ វត្តមានរបស់លោកអ្នកក្នុងកម្មវិធីប្រដាល់នេះគឺជាការបង្ហាញនូវការគាំទ្រយ៉ាងធំធេងចំពោះកីឡាប្រដាល់ក្បាច់គុនបុរាណខ្មែរយើង។
(អត្ថបទពាណិជ្ជកម្ម)
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម
6 ថ្ងៃ
«ប្រទានកម្ម»មានន័យដូចម្តេច?
10 ម៉ោង
«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!
1 សប្តាហ៍
តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?
1 ថ្ងៃ
«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?
2 ថ្ងៃ
អត្ថបទពេញនិយមបន្ថែម