ពីនេះ ពីនោះ
ខ្មែរចំណាយពេលឈ្លោះគ្នាច្រើនជាងចំណាយពេលគិតពីការអភិវឌ្ឍជាតិ, មិនយល់…?
× មួយអាណត្តិរដ្ឋសភា និងមួយអាណត្តិរាជរដ្ឋាភិបាលកម្ពុជា មានរយៈពេល៥ឆ្នាំ។ ក្រោយពេលបោះឆ្នោតជាតិឆ្នាំ២០១៣, គណបក្សនយោបាយបានចំណាយពេលប្រមាណជា១ឆ្នាំដើម្បីដោះស្រាយវិបត្តិនយោបាយ ទម្រាំបក្សទាំងពីរស្រុះស្រួលគ្នាធ្វើឲ្យដំណើរការរដ្ឋសភាស្របច្បាប់។
ក្រោយពេលគណបក្សសង្គ្រោះជាតិដើរចូលរដ្ឋសភាភ្លាម វប្បធម៌សន្ទនាត្រូវបានបង្កើតឡើង។ តែស្របពេលជាមួយគ្នា សង្គ្រាមពាក្យសម្តីកើតឡើងជាបន្តបន្ទាប់ ជាពិសេស រវាងលោក ហ៊ុន សែន និងលោក កឹម សុខា។ សង្គ្រាមពាក្យសម្តីផ្នែកនយោបាយកើតឡើងមិនចេះចប់ រហូតទាល់តែលោក កឹម សុខា អនុប្រធានគណបក្សសង្គ្រោះជាតិ និងជាអនុប្រធានរដ្ឋសភាជាតិត្រូវបានគេដកចេញពីតំណែងនៅរដ្ឋសភានៅថ្ងៃសុក្រនេះ។
ចាប់តាំងពីការបោះឆ្នោត២០១៣មក វាមានរយៈពេលជិតពាក់កណ្តាលអាណត្តិហើយ។ តែអ្នកនយោបាយខ្មែរយកពេលវេលាជាច្រើនដើម្បីឈ្លោះគ្នា ជាជាងរួមគំនិតគ្នាដើម្បីអភិវឌ្ឍន៍ប្រទេស។ បញ្ហាព្រំដែននៅមិនទាន់ដោះស្រាយបាននៅឡើយទេ, បញ្ហាចំណាកស្រុកកាន់តែច្រើនឡើង, កំណើនយុវជនគ្មានការងារធ្វើ, ពលរដ្ឋក្រីក្រគ្មានលំនៅដ្ឋានកាន់តែច្រើន, ផលរបរកសិកម្មគ្មានតម្លៃ។ល។
តើអ្នកនយោបាយគួរដោះបញ្ហាខាងលើនេះដើម្បីជាតិទាំងមូល ឬគួរបន្តឈ្លោះគ្នាផ្នែកនយោបាយដើម្បីរក្សាអំណាច? មិនយល់…?
© រក្សាសិទ្ធិដោយ thmeythmey.com