ពីនេះ ពីនោះ
ភេតូចមាឌតូចជាងគេបង្អស់ក្នុងចំណោមភេនៅអាស៊ីអាគ្នេយ៍
× ភិនភាគ៖ ភេតូចមានប្រវែងក្បាល-ដងខ្លួន ៤៥-៥៥ស.ម ប្រវែងកន្ទុយពី ២៥-៣៥ស.ម និងមានទម្ងន់ពី១-៣គ.ក។ វាជាប្រភេទដែលមានមាឌតូចជាងគេបង្អស់ក្នុងចំណោមភេនៅអាស៊ីអាគ្នេយ៍។ ផ្នែកខ្នងមានពណ៌ប្រផេះត្នោត ហើយផ្នែកពោះមានពណ៌សភ្លឺ។ ចង្កា ថ្ពាល់ បំពង់កមានពណ៌ស។ ក្រញុំារបស់វាខ្លីៗ ហើយមានម្រាមជើងជាប់គ្នាដោយភ្នាស (ដូចម្រាមជើងទា)។
ជីវសាស្ត្រ៖ ប្រភេទនេះមានរស់នៅក្នុងទីជម្រកជាម្រើនចាប់ពីតំបន់ដីសើមរហូតដល់ស្ទឹង និងបឹង។ ចំណីអាហារសំខាន់របស់វាមានដូចជាពពួកសត្វសំបករឹង (ក្តាម លៀស គ្រំ) និងត្រី។ វាបន្តពូជពីរដងនៅក្នុងមួយឆ្នាំ ដោយមានកូនម្តងពី១-២ក្បាល។ វាចូលចិត្តរស់នៅជាក្រុមដែលមានចំនួនរហូតដល់១២ក្បាល។
រប៉ាយរស់នៅ៖ ប្រភេទនេះមិនទាន់មានការកត់ត្រានៅប្រទេសកម្ពុជានោះទេ។ វាមានវត្តមាននៅក្នុងប្រទេសឥណ្ឌា (Assam)ប្រទេសនេប៉ាល់ និងតំបន់ខ្លះនៅអាស៊ីអាគ្នេយ៍។
ស្ថានភាពអភិរក្ស៖ ភេតូចជាប្រភេទមានដោយបង្គួរ និងបានចុះនៅក្នុងបញ្ជីក្រហម IUCN (NT) ជាប្រភេទជិតទទួលរងគ្រោះនៅលើពិភពលោក។ ភេប្រភេទនេះ ក៏កំពុងរងគ្រោះដោយសារការទាក់ចាប់ ដើម្បីធ្វើពាណិជ្ជកម្ម និងការបាត់បង់ទីជម្រក។
© រក្សាសិទ្ធិដោយ thmeythmey.com