ពីនេះ ពីនោះ
×![]()
ដោយ: ថ្មីៗ
ភ្នំពេញ៖ ក្នុងរបបប្រល័យពូជសាសន៍ ខ្មែរក្រហម ប្រជាពលរដ្ឋខ្មែរទាំងប្រុសទាំងស្រី ទាំងក្មេងទាំងចាស់ បានពើបប្រទះនិងបាតុភូតផ្លូវចិត្តគឺ អំពើហិង្សា ការកាប់សម្លាប់ នៅនឹងភ្នែកស្រស់ៗ ។ ក្រោយពេលរបបនេះបានរលត់ទៅជាង៣០ឆ្នាំ គេនឹកស្មានថា រូបភាពហិង្សាសម័យនោះ គឺត្រូវបានបាត់បង់ទៅហើយ ក៏ប៉ុន្តែផ្ទុយទៅវិញផ្នត់គំនិតហិង្សាបែរជានៅមានអត្ថិភាពក្នុងគំនិតរបស់ប្រជាពលរដ្ឋខ្មែរ ដែលកើតក្នុងសម័យនោះនៅឡើយ។ ហើយវាបានបន្តជ្រាបចូលដល់មនុស្សសម័យថ្មីនេះមួយចំនួន។ 
អស់រយៈពេលជាង៣០ឆ្នាំគួរណាស់តែត្រូវបានលុបបំបាត់នូវរូបភាពឃោឃៅបែបនេះ ហើយប្រជាពលរដ្ឋរស់នៅក្រោមសំណាញ់ច្បាប់ ផ្ទុយទៅវិញបែរជានៅតែមានហិង្សាកើតមានឡើង។ ដូចជាករណីវាយអ្នកតំណាងរាស្ត្រក្នុងពេលថ្មីៗ វាយក្រុមបាតុករ វាយកម្មករ វាយប្រជាពលរដ្ឋដែលតវាសុំសិទ្ធិដីធ្លី និងការកាត់ទោសដោយប្រជាតុលាការលើចោរមួយចំនួន ដែលសុទ្ធតែជាទិដ្ឋភាពហិង្សាក្រៅប្រព័ន្ធច្បាប់ មិនខុសពីរបបកាលពី៣០ឆ្នាំមុន។ ទោះបីជាពេលខ្លះវាមិនមានជារូបភាពធំ តែវានៅដក់ជាប់ក្នុងផ្នត់គំនិតខ្មែរមួយចំនួននៅឡើយ។ ដែលយើងមានការពិបាកក្នុងការពិចារណាពីប្រព័ន្ធច្បាប់គ្រប់គ្រងប្រទេសក្នុងពេលបច្ចុប្បន្ន។
ហេតុនេះ តាមមើលមានតែប្រព័ន្ធច្បាប់ទេដែលអាចកាត់បន្ថយរូបភាពនេះឲ្យឈានទៅរកសន្ដិភាព បាន។ ហើយច្បាប់នោះគឺចាំបាច់ត្រូវតែជាច្បាប់យុត្តិធម៌ មានមនុស្សល្អៗដើម្បីទៅកាន់កិច្ចការនេះដើម្បីធានាភាពយុត្តិធម៌សង្គមឡើងវិញ។ មិនតែប៉ុណ្ណោះច្បាប់អាចទាញ់អារម្មណ៍ប្រជាជនឲ្យមានទំនុកចិត្តលើច្បាប់ ហើយចូលរួមដោះស្រាយបញ្ហាដោយយកច្បាប់ជាមាគ៌ាដើម្បីស្វែងរកការពិតជាជាងការយកវិធីសាស្ត្រហិង្សាដោះស្រាយបញ្ហា៕
Tag:
ពីនេះពីនោះ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
7 ម៉ោង
