ពីនេះ ពីនោះ
ជនបរទេសខុសច្បាប់៖ បណ្តោយឲ្យដំបៅក្លាយជាមហារីកទើបដោះស្រាយ, មិនយល់…?
× នៅក្នុងរយៈពេលប៉ុន្មានខែចុងក្រោយនេះ គេសង្កេតឃើញអាជ្ញាធរនគបាលខ្មែរបានធ្វើយុទ្ធនាការយ៉ាងពេញទំហឹងបោសសម្អាតជនជាតិបរទេសដែលមករស់នៅក្នុងប្រទេសកម្ពុជាខុសច្បាប់។ ជនបរទេសខ្លះ គ្មានលិខិតស្នាមច្បាស់លាស់។ ជនបរទេសខ្លះ រស់នៅលើសកាលកំណត់។ ជនបរទេសខ្លះ ឃុបឃិតជាមួយមន្ត្រីខ្មែរខិលខួចមួយចំនួន លួចធ្វើលិខិតស្នាមក្លែងក្លាយដើម្បីទទួលបានលិខិតស្នាមរស់នៅកម្ពុជា។ តែទោះជាយ៉ាងណាក៏ដោយ ក៏អ្នករស់នៅខុសច្បាប់ទាំងនោះ កំពុងត្រូវបានអាជ្ញាធរខ្មែរបណ្តេញចេញទៅវិញជាបន្តបន្ទាប់។ ប៉ុន្តែអ្វីដែលមហាជនចោទជាសំណួរ និងនៅឆ្ងល់នោះគឺថា តើហេតុអ្វីបានជាជនបរទេសទាំងនោះ មករស់នៅក្នុងប្រទេសកម្ពុជាខុសច្បាប់ច្រើនម្ល៉េះ? តើហេតុអ្វីបានជាអាជ្ញាធរមិនចាត់វិធានការតាំងពីយូរមក? ហេតុអ្វីបានជាបណ្តោយបញ្ហាឲ្យរីកធំ ហើយទើបចាត់វិធានការ? មិនយល់…?
© រក្សាសិទ្ធិដោយ thmeythmey.com