ពីនេះ ពីនោះ
×![]()
ដោយ: ម៉ៅ សុផា
អំពើបាប កើតមានដល់បុគ្គលណា ទល់តែបុគ្គលនោះជាអ្នកប្រព្រឹត្ត។ បាប មិនកើតមានដល់បុគ្គលណាដែលមិនបានសាងនោះទេ។ បើបុគ្គលណាធ្វើអំពើបាប បុគ្គលនោះនឹងបានបាប គ្មានអ្នកណាម្នាក់អាចមកទទួលបាបជំនួសបានឡើង។ នេះជាក្រឹត្យក្រមនៃច្បាប់ធម្មជាតិ។
នៅក្នុងសង្គម គ្រួសារខ្លះមានជីតាឬឪពុកជាមន្ត្រីរាជការ មានឋានៈខ្ពង់ខ្ពស់ តែបែរជាប្រព្រឹត្តអំពើពុករលួយ កេងចំណេញថវិកាជាតិ ផ្សំគំនិតជាមួយឈ្មួញទុច្ចរិត ដើម្បីកាប់បំផ្លាញព្រៃឈើ រឹបអូសដីផ្ទះស្រែចម្ការរបស់អ្នកដទៃ។ ទង្វើនេះធ្វើឲ្យមន្ត្រីនោះទទួលបាននូវផលប្រយោជន៍ជាច្រើន រហូតធ្វើឲ្យរូបគេមានទ្រព្យហូរហៀរ និងបន្សល់ទុកកេរមរតក ទ្រព្យសម្បត្តិ មាសប្រាក់ដល់កូនចៅធ្វើជាអ្នកមានថែមទៀត។ អំពើបាបដែលជីតាឬឪពុកបានសាង ពួកគេត្រូវតែទទួល ដោយចៀសមិនរួច។ ចុះកូនចៅអ្នកទទួលទ្រព្យសម្បតិ្តទាំងនោះមានបាបដូចជីតាឬឪពុកដែរទេ?
ទ្រព្យសម្បតិ្ត មាសប្រាក់ទាំងអស់ដែល ទទួលបានពីជីតាឬឪពុកនោះ មិនមែនជាហេតុនាំឲ្យរូបអ្នកជាកូនចៅទទួលនូវអំពើបាបឡើយ ប្រសិនបើអ្នកពុំបានដឹងថា ជីតារបស់ខ្លួនប្រព្រឹត្តអំពើពុករលួយ ឬក៏ដឹងដែរ តែមិនមានចិត្តត្រេកអរចំពោះផលប្រយោជន៍ទាំងឡាយដែលបានមកពីអំពើបាបទាំងនោះ ហើយថែមទាំងជួយទប់ស្កាត់ជីតាឬឪពុករបស់ខ្លួនថែមទៀត។ អំពើបាបមិនមានឥទ្ធិពលដល់អ្នកណាដែលមិនបានសាង ឬក៏មានចិត្តត្រេកអរនោះទេ។
ក៏ប៉ុន្តែ ប្រសិនបើអ្នកដឹងថា ឪពុកឬជីតារបស់អ្នកបានសាងនូវអំពើពុករលួយណាមួយ តែរូបអ្នកនៅតែត្រេកអរ ហើយថែមជួយជំរុញលើកទឹកចិត្ត ឬរិះរកគ្រប់ធម្យោបាយដើម្បីឲ្យជីតាឬឪពុកមានឱកាសប្រព្រឹត្តអំពើពុករលួយនោះ ដោយគិតក្នុងចិត្តថា ទ្រព្យសម្បត្តិនោះប្រាប់កដជាបានមកលើរូបអ្នកដែលជាកូនចៅ ដូច្នេះអ្នកច្បាស់ជាត្រូវទទួលអំពើបាបជាក់ជាមិនខាន។
អ្នកគួរគប្បីយល់ថា ការប្រព្រឹត្តអំពើពុករលួយ គឺមានបាបធ្ងន់ធ្ងរណាស់។ ហេតុផលគឺថា បើអ្នកកេងប្រវ័ញ្ចលុយជាតិ គឺដូចជាអ្នកលួចលុយរបស់ប្រជាពលរដ្ឋទូទាំងប្រទេសដែរ ហើយបើអ្នកយកទ្រព្យសម្បត្តិសាធារណៈរបស់រដ្ឋ គឺដូចជាអ្នកឆក់យកទ្រព្យសម្បត្តិរបស់ប្រជាពលរដ្ឋគ្រប់រូបដូចគ្នា ព្រោះសម្បត្តិរបស់រដ្ឋ គឺជាសម្បត្តិរបស់ប្រជាពលរដ្ឋទាំងអស់គ្នា។
ដូច្នេះ ក្នុងនាមជាកូនចៅ អ្នកពុំគួរគប្បីឈរឱបដៃមើល ជីតាឬឪពុករបស់ខ្លួនប្រព្រឹត្តអំពើពុករលួយ ព្រោះតែដើម្បីចិញ្ចឹមខ្លួនអ្នកនោះទេ។ អ្នកគួរតែព្យាយាមអង្វរករ និងទប់ស្កាត់គាត់កុំឲ្យប្រព្រឹត្តអំពើពុករលួយឡើយ ព្រោះសង្គមខ្ពើមរអើមណាស់។ អំពើពុករលួយគឺជាទង្វើបំផ្លាញជាតិ ហើយការបំផ្លាញជាតិគឺជាអំពើបាបដ៏ធ្ងន់ធ្ងរ ព្រោះវាប៉ះពាល់ដល់ជីវិតរបស់ប្រជាជនទូទាំងប្រទេស៕
នៅក្នុងសង្គម គ្រួសារខ្លះមានជីតាឬឪពុកជាមន្ត្រីរាជការ មានឋានៈខ្ពង់ខ្ពស់ តែបែរជាប្រព្រឹត្តអំពើពុករលួយ កេងចំណេញថវិកាជាតិ ផ្សំគំនិតជាមួយឈ្មួញទុច្ចរិត ដើម្បីកាប់បំផ្លាញព្រៃឈើ រឹបអូសដីផ្ទះស្រែចម្ការរបស់អ្នកដទៃ។ ទង្វើនេះធ្វើឲ្យមន្ត្រីនោះទទួលបាននូវផលប្រយោជន៍ជាច្រើន រហូតធ្វើឲ្យរូបគេមានទ្រព្យហូរហៀរ និងបន្សល់ទុកកេរមរតក ទ្រព្យសម្បត្តិ មាសប្រាក់ដល់កូនចៅធ្វើជាអ្នកមានថែមទៀត។ អំពើបាបដែលជីតាឬឪពុកបានសាង ពួកគេត្រូវតែទទួល ដោយចៀសមិនរួច។ ចុះកូនចៅអ្នកទទួលទ្រព្យសម្បតិ្តទាំងនោះមានបាបដូចជីតាឬឪពុកដែរទេ?
ទ្រព្យសម្បតិ្ត មាសប្រាក់ទាំងអស់ដែល ទទួលបានពីជីតាឬឪពុកនោះ មិនមែនជាហេតុនាំឲ្យរូបអ្នកជាកូនចៅទទួលនូវអំពើបាបឡើយ ប្រសិនបើអ្នកពុំបានដឹងថា ជីតារបស់ខ្លួនប្រព្រឹត្តអំពើពុករលួយ ឬក៏ដឹងដែរ តែមិនមានចិត្តត្រេកអរចំពោះផលប្រយោជន៍ទាំងឡាយដែលបានមកពីអំពើបាបទាំងនោះ ហើយថែមទាំងជួយទប់ស្កាត់ជីតាឬឪពុករបស់ខ្លួនថែមទៀត។ អំពើបាបមិនមានឥទ្ធិពលដល់អ្នកណាដែលមិនបានសាង ឬក៏មានចិត្តត្រេកអរនោះទេ។
ក៏ប៉ុន្តែ ប្រសិនបើអ្នកដឹងថា ឪពុកឬជីតារបស់អ្នកបានសាងនូវអំពើពុករលួយណាមួយ តែរូបអ្នកនៅតែត្រេកអរ ហើយថែមជួយជំរុញលើកទឹកចិត្ត ឬរិះរកគ្រប់ធម្យោបាយដើម្បីឲ្យជីតាឬឪពុកមានឱកាសប្រព្រឹត្តអំពើពុករលួយនោះ ដោយគិតក្នុងចិត្តថា ទ្រព្យសម្បត្តិនោះប្រាប់កដជាបានមកលើរូបអ្នកដែលជាកូនចៅ ដូច្នេះអ្នកច្បាស់ជាត្រូវទទួលអំពើបាបជាក់ជាមិនខាន។
អ្នកគួរគប្បីយល់ថា ការប្រព្រឹត្តអំពើពុករលួយ គឺមានបាបធ្ងន់ធ្ងរណាស់។ ហេតុផលគឺថា បើអ្នកកេងប្រវ័ញ្ចលុយជាតិ គឺដូចជាអ្នកលួចលុយរបស់ប្រជាពលរដ្ឋទូទាំងប្រទេសដែរ ហើយបើអ្នកយកទ្រព្យសម្បត្តិសាធារណៈរបស់រដ្ឋ គឺដូចជាអ្នកឆក់យកទ្រព្យសម្បត្តិរបស់ប្រជាពលរដ្ឋគ្រប់រូបដូចគ្នា ព្រោះសម្បត្តិរបស់រដ្ឋ គឺជាសម្បត្តិរបស់ប្រជាពលរដ្ឋទាំងអស់គ្នា។
ដូច្នេះ ក្នុងនាមជាកូនចៅ អ្នកពុំគួរគប្បីឈរឱបដៃមើល ជីតាឬឪពុករបស់ខ្លួនប្រព្រឹត្តអំពើពុករលួយ ព្រោះតែដើម្បីចិញ្ចឹមខ្លួនអ្នកនោះទេ។ អ្នកគួរតែព្យាយាមអង្វរករ និងទប់ស្កាត់គាត់កុំឲ្យប្រព្រឹត្តអំពើពុករលួយឡើយ ព្រោះសង្គមខ្ពើមរអើមណាស់។ អំពើពុករលួយគឺជាទង្វើបំផ្លាញជាតិ ហើយការបំផ្លាញជាតិគឺជាអំពើបាបដ៏ធ្ងន់ធ្ងរ ព្រោះវាប៉ះពាល់ដល់ជីវិតរបស់ប្រជាជនទូទាំងប្រទេស៕
Tag:
ព្រះធម៌
បាបបុណ្យ
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
