ពីនេះ ពីនោះ
អានចប់សៀវភៅ ៧ ក្បាលនេះ មិនបាច់រៀនអនុបណ្ឌិត (MBA) ក៏បានដែរ
×
រយៈពេលប៉ុន្មានទសវត្សចុងក្រោយនេះ សញ្ញាប័ត្រអនុបណ្ឌិត ឬហៅថា (MBA) មិនត្រូវបានគេ ឲ្យតម្លៃខ្ពស់ដូចមុនឡើយ។ មិនឲ្យតម្លៃដូចមុន គឺអាចបណ្តាលមកពី ការសិក្សាទាំងនេះ ដើរមិនទាន់សម័យទំនើប និងការផ្លាស់ប្តូរដ៏លឿន នៃជំនួញរកស៊ីដ៏ក្តៅគុក នៅលើពិភពលោកនេះនោះទេ។
ទាក់ទិននឹងប្រធានបទនេះដែរ មានតែសហគ្រិនមួយភាគតូចប៉ុណ្ណោះ ដែលរៀនចប់ថ្នាក់អនុបណ្ឌិត ខណៈពេលដែល អ្នករកស៊ី និងសេដ្ឋីភាគច្រើនទៀត ទទួលបានភាពជោគជ័យ ដោយសារបទពិសោធន៍ផ្ទាល់ខ្លួន ព្រមទាំងការអានកំណប់សៀវភៅ ដែលមានប្រយោជន៍នានាជាច្រើន។ ថ្ងៃនេះ យើងខ្ញុំនឹងណែនាំអ្នក នូវសៀវភៅដ៏ល្បីបំផុត ចំនួន ៧ ក្បាល ដែលមនុស្សជោគជ័យភាគច្រើន ធ្លាប់បានអានវា មុនពេលពួកគេមានថ្ងៃនេះ។
១. As a Man Thinketh ដោយ James Allen
មនុស្សភាគច្រើនជឿថា មានទេវតា កាលៈទេសៈ និងបុណ្យកាលពីជាតិមុន ទើបអាចនាំសំណាង និងធ្វើឲ្យគេជោគជ័យក្នុងជាតិនេះ។ ប៉ុន្តែ សៀវភៅនេះ នឹងប្រាប់អ្នកថា ជីវិតរបស់អ្នក គឺខ្លួនអ្នកទេ ជាអ្នករៀបចំ ហើយបើចង់ជោគជ័យ អ្នកត្រូវយកឈ្នះ លើផ្លូវចិត្តរបស់អ្នកជាមុនសិន។
As a Man Thinketh," ដោយ James Allen
២. Rich Dad Poor Dad ដោយអ្នកនិពន្ធ Robert T. Kiyosaki
យើងដឹងថា អ្នកប្រហែលជាធ្លាប់លឺ និងធ្លាប់អានសៀវភៅនេះរួចមកហើយ។ វាបានបង្រៀនយើងឲ្យដឹងថា “ការបង្កើត និងរកស៊ីខ្លួន ទើបធ្វើឲ្យអ្នកក្លាយជាអ្នកមាន។
Rich Dad Poor Dad," ដោយ Robert T. Kiyosaki
៣. Who Moved My Cheese? ដោយអ្នកនិពន្ធ Spencer Johnson
ខុសពីសៀវភៅដ៏ទៃ Who Moved My Cheese? បានពន្យល់យ៉ាងក្បោះក្បាយអំពី ស្ថានភាព (និងអ្វីដែលអ្នកត្រូវធ្វើ) ដើម្បីសម្រេចវាបាន ក្នុងរយៈពេលមួយដ៏ខ្លី និងច្បាស់លាស់។
Who Moved My Cheese?," ដោយ Spencer Johnson
៤. The Elements of Style ដោយអ្នកនិពន្ធ William Strunk Jr. និង E.B. White
សម័យបច្ចុប្បន្ន គេទាក់ទងគ្នាតាមរយៈអ៊ីម៉េល សារទូរស័ព្ទ និងបណ្តាញសង្គម។ ដូច្នេះ ដើម្បីធ្វើឲ្យការសរសេររបស់អ្នក មានភាពទាក់ទាញ និងត្រឹមត្រូវក្នុងរបររកស៊ី នោះដល់ពេលដែលអ្នក ត្រូវអានសៀវភៅនេះហើយ។
The Elements of Style," ដោយ William Strunk Jr. and E.B. White
៥. The One Minute Manager ដោយអ្នកនិពន្ធ Kenneth Blanchard និង Spencer Johnson
ចង់ក្លាយជា “អ្នកដឹកនាំល្អ” មែនទេ? អញ្ចឹង ... គ្មានសៀវភៅណា ល្អជាងសៀវភៅមួយនេះទេ។ ពេលអានចប់ អ្នកមិនត្រឹមតែក្លាយជាចៅហ្វាយដ៏ល្អទេ អ្នកក៏អាចក្លាយជាមិត្តល្អ និងមេគ្រួសារដ៏អស្ចារ្យផងដែរ។
The One Minute Manager," ដោយ Kenneth Blanchard and Spencer Johnson
៦. How to Lie With Statistics ដោយអ្នកនិពន្ធ Darrell Huff
អ្នកជោគជ័យ ទោះមិនចេះគ្រប់មុខ ក៏ត្រូវដឹងរឿងរ៉ាវឲ្យបានច្រើនដែរ ដូច្នេះ សៀវភៅណែនាំអំពីស្ថិតិ ហិរញ្ញវត្ថុ តួលេខ ការគណនា ... មួយក្បាលនេះ នឹងអាចជួយអ្នក មិនឲ្យចាញ់បោកកូនចៅ ឬដៃគូរកស៊ីជាមួយឡើយ។
How to Lie With Statistics," ដោយ Darrell Huff
៧. The Greatest Salesman in the World ដោយអ្នកនិពន្ធ Og Mandino
ចង់ជោគជ័យ អ្នកត្រូវចេះលក់គំនិត លក់ផលិតផល លក់សេវាកម្ម។ បើលក់មិនដាច់ កុំសង្ឃឹមថាជោគជ័យឲ្យសោះ។ អញ្ចឹង រង់ចាំអីទៀត ទិញសៀវភៅនេះអានទៅ។
The Greatest Salesman in the World ដោយ Og Mandino
សៀវភៅទាំងនេះ ប្រហែលជាពិបាករកអាន តែបើលោកអ្នកចង់បាន លោកអ្នកអាចទំនាក់ទំនង កាន់គេហទំព័រយើងខ្ញុំ យើងខ្ញុំនឹងចែកជូនដោយឥតគិតថ្លៃ តាមរយៈអ៊ីម៉េល ៕
អត្ថបទ ៖ ឈឹម សៅភារ៉ា
ផ្តល់សិទ្ធិដោយ www.health.com.kh
© រក្សាសិទ្ធិដោយ thmeythmey.com