កីឡាជាតិ
ជាតិ
អ្នកយុទ្ធគុនចំរុះមកពីហាវ៉ៃ LOWEN TYNANE ថានឹងបង្ហាញភាពខ្លាំងនៅកោះពេជ្រ
× អ្នកលេងយុទ្ធគុនចំរុះក្បាច់មកពីរដ្ឋហាវ៉ៃ LOWEN TYNANE នឹងបង្ហាញវត្តមានជាលើកទី១នៅកម្ពុជាក្នុងព្រឹត្តិការណ៍ Kingdom of Khmer (ONE) នៅថ្ងៃទី៥ ខែធ្នូ នៅមហោស្របកោះពេជ្រ។ ហើយកីឡាករម្នាក់នេះសង្ឃឹមថារូបគេនឹងបង្ហាញភាពអស្ចារ្យ និងភ្ញាក់ផ្អើលដល់អ្នកទស្សានាតាមរយៈសមត្ថភាពនៃការប្រកួតរបស់គេ។
អ្នកលេងយុទ្ធគុនចំរុះក្បាច់ LOWEN TYNANE មកពីរដ្ឋហាវ៉ៃសង្ឃឹមថារូបគេនឹងធ្វើបានល្អសម្រាប់វត្តមានលើកទី១នៅកម្ពុជា ជាពិសេសរូបគេសង្ឃឹមថានឹងបង្ហាញភាពអស្ចារ្យ ក៏ដូចជាភាពភ្ញាក់ផ្អើលដល់អ្នកទស្សនាទាំងអស់តាមរយៈសមត្ថភាពប្រកួតដ៏អស្ចារ្យរបស់គេនារាត្រីនោះ ទោះបីខណៈពេលនេះលោកមានអារម្មណ៍អស់កម្លាំងក៏ដោយ។
លោក LOWEN TYNANE បានបញ្ជាក់ថា៖«ពេលនេះខ្ញុំមានអារម្មណ៍ថាអស់កម្លាំងដោយសារធ្វើដំណើរវែងឆ្ងាយ ហើយកម្ពុជាមានពេលវេលាខុសគ្នាឆ្ងាយពីរដ្ឋហាវ៉ៃ ទោះបីជាយ៉ាងនេះក្តីខ្ញុំសង្ឃឹមថានឹងធ្វើបានល្អ និងធ្វើឱ្យមានការភ្ញាក់ផ្អើលដល់អ្នកទស្សនាទាំងអស់នៅថ្ងៃនោះ»។
គួរបញ្ជាក់ថាកីឡាករ LOWEN TYNANE មិនដែលស្គាល់ពាក្យថាចាញ់សម្រាប់ការប្រកួត៧ដងកន្លងមកនេះ នឹងត្រូវជួបប្រកួតជាមួយអ្នកលេងយុទ្ធគុនចំរុះក្បាច់មកពីប្រទេសរុស្ស៊ី RASUL YAKHYAEV ជាលក្ខណៈគូឯកទម្ងន់៧០,៣គីឡូក្រាម ក្នុងព្រឹតិ្តការណ៍ ONE: Kingdom of Khmer នៅថ្ងៃទី៥ ខែធ្នូ នៅមហោស្របកោះពេជ្រ រាជធានីភ្នំពេញ។ ជាមួយគ្នានេះដែរក៏មានគូជាតិ និងអន្តរជាតិចំនួន៩គូ ប្រកួតអមគូឯកផងដែរ៕
Tag:
ONE FC
ក្បាច់គុនចំរុះ
© រក្សាសិទ្ធិដោយ thmeythmey.com