ជាតិ
លោក ហេង សំរិន៖ កិច្ចប្រជុំAPA អាចបន្សាបអំពើហិង្សាក្នុងតំបន់ និងសាកលលោក
×![]()
ដោយ: ម៉ៅ សុផា
ប្រធានរដ្ឋសភាកម្ពុជា លោក ហេង សំរិន បានសម្តែងក្តីសង្ឃឹមយ៉ាងមាំថា លទ្ធផលនៃកិច្ចប្រជុំសភាតំបន់អាស៊ីលើកទី៨ ដែលកម្ពុជាធ្វើជាម្ចាស់ផ្ទះពេលនេះ នឹងអាចកម្ចាត់ភាពវឹកវរនានាដែលកំពុងកើតមាននៅក្នុងតំបន់ និងសាលកលោកទាំងមូល។ ការថ្លែងដូច្នេះ ធ្វើឡើងក្នុងពិធីបើកកិច្ចប្រជុំផ្លូវការនៃសភាតំបន់អាស៊ីលើកទី៨ ដែលប្រព្រឹត្តទៅនៅសណ្ឋាគារសុខាភ្នំពេញ កាលពីម៉ោង៩ព្រឹក នាថ្ងៃទី៩ ខែធ្នូ នេះ។
លោក ហេង សំរិន ប្រធានរដ្ឋសភាកម្ពុជា និងជាប្រធាននៃកិច្ចប្រជុំសភាតំបន់អាស៊ី (APA) បានរំពឹងទុកថា ព្រឹត្តិការណ៍នៃការជួបជុំរបស់តំណាងប្រជាជនអាស៊ីទាំង២២ប្រទេស លើទឹកដីកម្ពុជានាពេលនេះ នឹងផ្តល់ផលវិជ្ជមាន ក្នុងការពន្លត់អំពើហិង្សានិងភយន្តរាយទាំងឡាយ ដែលកំពុងកើនមាន និងយាយីនៅក្នុងតំបន់មួយចំនួន រួមទាំងសាកលលោកផងដែរ។
ប្រធាននៃកិច្ចប្រជុំAPA រូបនេះបានបញ្ជាក់ដូច្នេះថា៖«ស្មារតីរួមនៃតំណាងប្រជាជនអាស៊ីទាំង២២ប្រទេសនាពេលនេះ បានបង្ហាញពីផលវិជ្ជមានស្ទើរគ្រប់ទិដ្ឋភាព នៃសង្គមប្រជាជាតិអាស៊ី។ ខ្ញុំមានសុទិដ្ឋិនិយមថា លទ្ធផលដែលប្រសូត្រចេញពីកិច្ចប្រជុំនេះ នឹងបន្សាបរាល់ការប៉ុនប៉ងបង្កអរិភាពណាមួយ ហើយអាចនាំពិភពលោកឲ្យវិលមករកភាពប្រក្រតីឡើងវិញ»។
ក្រៅពីលោក ហេង សំរិន ឥស្សរជនជាន់ខ្ពស់មួយចំនួនទៀត ក៏បានឡើងថ្លែងសុន្ទរកថាផងដែរ ដើម្បីស្វាគមន៍ និងសាទរចំពោះការបើកកិច្ចប្រជុំនេះ ។ ឥស្សរជនជាន់ខ្ពស់ទាំងនោះ រួមមាន លោក សាយ ឈុំ ប្រធានព្រឹទ្ធសភាកម្ពុជា, លោក ងួន ញ៉ិល អនុប្រធានទី២នៃរដ្ឋសភា, លោកនាយករដ្ឋមន្ត្រី ហ៊ុន សែន, លោក មៀន រ៉ាហ្សារ៉ាបានី ប្រធានAPA និងលោក ម៉ាស៊ូត អ៊ីស្លាមមី អគ្គលេខាធិការស្តីទីAPA។ ក្រោយបញ្ចប់ពិធីបើកកិច្ចប្រជុំនេះ មហាសន្និបាតAPA ក៏បានចាប់ផ្តើមជាផ្លូវការនៅម៉ោង ១១ព្រឹក។
អ្នកចូលរួមប្រជុំ មានប្រមាណជាង២០០នាក់ដែលសុទ្ធតែជាសមាជិកសភាពីបណ្តាប្រទេសទាំង២១ រួមទាំងកម្ពុជាផងដែរ ដោយលើកយកប្រធានបទ «ការជំរុញសន្តិភាព ការផ្សះផ្សា និងការសន្ទនាក្នុងតំបន់អាស៊ី» មកពិភាក្សា។ ទាក់នឹងប្រធានបទនេះផងដែរ កាលពីថ្ងៃទី៨ ម្សិលមិញ លោក ឈាន វុន ក្នុងនាមជាអនុប្រធានក្រុមជាតិនៃមហាសន្និបាតAPA បានអះអាងថា រយៈមួយសប្តាហ៍ពោលគឺ ចាប់ពីថ្ងៃទី៧ ដល់ថ្ងៃទី១២ នៃកិច្ចប្រជុំនេះ តំណាងសភាទាំងនោះ នឹងជជែកគ្នាជាច្រើនពីវប្បធម៌សន្ទនា ដែលកម្ពុជាតែងប្រើប្រាស់ដើម្បីដោះស្រាយបញ្ហាប្រទេសជាតិកន្លងមក។
សូមបញ្ជាក់សាជាថ្មីថា កិច្ចប្រជុំដ៏ធំនេះ ពុំមានវត្តមានរបស់តំណាងរាស្ត្របក្សសង្គ្រោះជាតិទាំង៥៥រូប ចូលរួមនោះទេ៕
លោក ហេង សំរិន ប្រធានរដ្ឋសភាកម្ពុជា និងជាប្រធាននៃកិច្ចប្រជុំសភាតំបន់អាស៊ី (APA) បានរំពឹងទុកថា ព្រឹត្តិការណ៍នៃការជួបជុំរបស់តំណាងប្រជាជនអាស៊ីទាំង២២ប្រទេស លើទឹកដីកម្ពុជានាពេលនេះ នឹងផ្តល់ផលវិជ្ជមាន ក្នុងការពន្លត់អំពើហិង្សានិងភយន្តរាយទាំងឡាយ ដែលកំពុងកើនមាន និងយាយីនៅក្នុងតំបន់មួយចំនួន រួមទាំងសាកលលោកផងដែរ។
ប្រធាននៃកិច្ចប្រជុំAPA រូបនេះបានបញ្ជាក់ដូច្នេះថា៖«ស្មារតីរួមនៃតំណាងប្រជាជនអាស៊ីទាំង២២ប្រទេសនាពេលនេះ បានបង្ហាញពីផលវិជ្ជមានស្ទើរគ្រប់ទិដ្ឋភាព នៃសង្គមប្រជាជាតិអាស៊ី។ ខ្ញុំមានសុទិដ្ឋិនិយមថា លទ្ធផលដែលប្រសូត្រចេញពីកិច្ចប្រជុំនេះ នឹងបន្សាបរាល់ការប៉ុនប៉ងបង្កអរិភាពណាមួយ ហើយអាចនាំពិភពលោកឲ្យវិលមករកភាពប្រក្រតីឡើងវិញ»។
ក្រៅពីលោក ហេង សំរិន ឥស្សរជនជាន់ខ្ពស់មួយចំនួនទៀត ក៏បានឡើងថ្លែងសុន្ទរកថាផងដែរ ដើម្បីស្វាគមន៍ និងសាទរចំពោះការបើកកិច្ចប្រជុំនេះ ។ ឥស្សរជនជាន់ខ្ពស់ទាំងនោះ រួមមាន លោក សាយ ឈុំ ប្រធានព្រឹទ្ធសភាកម្ពុជា, លោក ងួន ញ៉ិល អនុប្រធានទី២នៃរដ្ឋសភា, លោកនាយករដ្ឋមន្ត្រី ហ៊ុន សែន, លោក មៀន រ៉ាហ្សារ៉ាបានី ប្រធានAPA និងលោក ម៉ាស៊ូត អ៊ីស្លាមមី អគ្គលេខាធិការស្តីទីAPA។ ក្រោយបញ្ចប់ពិធីបើកកិច្ចប្រជុំនេះ មហាសន្និបាតAPA ក៏បានចាប់ផ្តើមជាផ្លូវការនៅម៉ោង ១១ព្រឹក។
អ្នកចូលរួមប្រជុំ មានប្រមាណជាង២០០នាក់ដែលសុទ្ធតែជាសមាជិកសភាពីបណ្តាប្រទេសទាំង២១ រួមទាំងកម្ពុជាផងដែរ ដោយលើកយកប្រធានបទ «ការជំរុញសន្តិភាព ការផ្សះផ្សា និងការសន្ទនាក្នុងតំបន់អាស៊ី» មកពិភាក្សា។ ទាក់នឹងប្រធានបទនេះផងដែរ កាលពីថ្ងៃទី៨ ម្សិលមិញ លោក ឈាន វុន ក្នុងនាមជាអនុប្រធានក្រុមជាតិនៃមហាសន្និបាតAPA បានអះអាងថា រយៈមួយសប្តាហ៍ពោលគឺ ចាប់ពីថ្ងៃទី៧ ដល់ថ្ងៃទី១២ នៃកិច្ចប្រជុំនេះ តំណាងសភាទាំងនោះ នឹងជជែកគ្នាជាច្រើនពីវប្បធម៌សន្ទនា ដែលកម្ពុជាតែងប្រើប្រាស់ដើម្បីដោះស្រាយបញ្ហាប្រទេសជាតិកន្លងមក។
សូមបញ្ជាក់សាជាថ្មីថា កិច្ចប្រជុំដ៏ធំនេះ ពុំមានវត្តមានរបស់តំណាងរាស្ត្របក្សសង្គ្រោះជាតិទាំង៥៥រូប ចូលរួមនោះទេ៕
Tag:
APA
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ម៉ោង
