ជាតិ
សង្គមជាតិ
លោក ស្រី គឹម សេដ្ឋានី
×![]()
ដោយ: ថ្មីៗ
កុមារកម្ពុជាដែលមានអាយុចាប់ពី១៣ឆ្នាំ ដល់១៥ឆ្នាំ រហូតដល់១៣ភាគរយ បាន និងកំពុងប្រឡូកក្នុងសកម្មភាពរួមភេទ។ នេះបើយោងតាមសេចក្តីរាយការណ៍ ដែលត្រូវបានផ្សព្វផ្សាយ នៅក្នុងពិធីផ្សព្វផ្សាយលទ្ធផល និងបទពិសោធន៍ស្តីពីការអនុវត្តគម្រោងយុវវ័យឆ្លាត អនាគតល្អ របស់រៀបចំដោយក្រសួងអប់រំ យុវជន និងកីឡា នៅថ្ងៃទី១៨ខែ ធ្នូ។ គម្រោងយុវវ័យឆ្លាត អនាគតល្អ ដែលជួយលើកកម្ពស់សុខភាពបន្តពូជរបស់កុមារ និងយុវវ័យ ក្នុងការទប់ស្កាត់ការឆ្លងរាលដាលនៃជំងឺអេដស៍។
លោកស្រី គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា ដែលមានវត្តមាននៅក្នុងពិធីផ្សព្វផ្សាយលទ្ធផល និងបទពិសោធន៍ស្តីពីការអនុវត្តគម្រោងយុវវ័យឆ្លាត អនាគតល្អ បានមានប្រសាសន៍ថា៖«ការទទួលគម្រោងនេះមកអនុវត្តបន្តដោយសារតែក្រសួងនៅកៀកជាមួយកុមារ និងយុវជនដែលងាយស្រួលក្នុងការអប់រំដែលធ្វើឲ្យពួកគេបានរួចផុតពីបញ្ហាប្រឈមនានា មិនឆាប់ប្រឡូកក្នុងសកម្មភាពរួមភេទ មុនគ្រប់អាយុ មានផ្ទៃពោះមុនរៀបការ ការរំលូតកូនដោយគ្មានសុវត្ថិភាព និងការឆ្លងជំងឺកាមរោគផ្សេងៗ។
បើតាមលោកស្រី គឹម សេដ្ឋានី ចំនួនយុវជន និងកុមារកម្ពុជា មានប្រមាណ ៦០ភាគរយនៃចំនួនប្រជាជនសរុប ហើយក្នុងនោះ មានកុមារអាយុក្រោម១៥ឆ្នាំដល់ទៅ៣២ភាគរយ។ លោកស្រីបញ្ជាក់ថា ការបន្តអនុវត្តន៍គម្រោងនេះ គឺជាចាំបាច់ ពីព្រោះភាគច្រើននៃកុមារវ័យក្មេងទាំងនោះ ឆាប់ប្រឡូកក្នុងទំនាក់ទំនងផ្លូវភេទ ដែលធ្វើឲ្យយុវជនជាច្រើន ជាពិសេសក្មេងស្រីមានហានិភ័យខ្ពស់ ហើយពួកគេភាគច្រើនមិនហ៊ានទៅរកព័ត៌មាន សេវាសុខភាពបន្តពូជ និងផ្លូវភេទនោះទេ។
គម្រោងសាកល្បងយុវវ័យឆ្លាត អនាគតល្អ បង្កើតឡើងដោយអង្គការ One World UK និងក្រសួងអប់រំ យុវជន និងកីឡា សមាគមអភិវឌ្ឍន៍សុខភាព និងបណ្តាអង្គការស្ថាប័នពាក់ព័ន្ធមួយចំនួនទៀត។ គម្រោងនេះបានចងក្រងមេរៀនផ្នែកសុខភាពបន្តពូជតាមប្រព័ន្ធអេឡិចត្រូនិក របស់ក្រសួងអប់រំ កម្មវិធីសំណួរ និងចម្លើយដែលអាចទទួលបានព័ត៌មានតាមរយៈទូរសព្ទ ព្រមទាំងការបណ្តុះបណ្តាលលោកគ្រូ អ្នកគ្រូ សិស្សានុសិស្ស ស្តីពីបញ្ហាសុខភាព ផ្លូវភេទក្នុងសាលារៀនចំនួន២៤ក្នុងរាជធានី-ខេត្តចំនួន៨ផងដែរ។
គម្រោងនេះ ត្រូវបានដាក់ឲ្យប្រើប្រាស់នៅខែមិនា ឆ្នាំ២០១៤ ។ ក្នុងរយៈពេលនៃការអនុវត្តគម្រោងនេះ មានអ្នកឆ្លើយឆ្លងសំណួរជិត២ម៉ឺនសំណួរ។ សម្រាប់កម្មវិធីរៀនតាមប្រព័ន្ធអេឡិចត្រូនិកត្រូវបានបណ្តុះបណ្តាលទាំងយុវវ័យ និងកុមារទាំងក្នុងនិងក្រៅសាលាបានជាង១ម៉ឺននាក់។ កម្ពុជាគឺជាប្រទេសដំបូងគេបង្អស់ក្នុងអាស៊ីអាគ្នេយ៍ដែលកំពុងអនុវត្តន៍គម្រោងនេះនិងជាប្រទេសទី៦ ក្នុងពិភពលោក៕
ប្រភព៖AKP
លោកស្រី គឹម សេដ្ឋានី រដ្ឋលេខាធិការក្រសួងអប់រំ យុវជន និងកីឡា ដែលមានវត្តមាននៅក្នុងពិធីផ្សព្វផ្សាយលទ្ធផល និងបទពិសោធន៍ស្តីពីការអនុវត្តគម្រោងយុវវ័យឆ្លាត អនាគតល្អ បានមានប្រសាសន៍ថា៖«ការទទួលគម្រោងនេះមកអនុវត្តបន្តដោយសារតែក្រសួងនៅកៀកជាមួយកុមារ និងយុវជនដែលងាយស្រួលក្នុងការអប់រំដែលធ្វើឲ្យពួកគេបានរួចផុតពីបញ្ហាប្រឈមនានា មិនឆាប់ប្រឡូកក្នុងសកម្មភាពរួមភេទ មុនគ្រប់អាយុ មានផ្ទៃពោះមុនរៀបការ ការរំលូតកូនដោយគ្មានសុវត្ថិភាព និងការឆ្លងជំងឺកាមរោគផ្សេងៗ។
បើតាមលោកស្រី គឹម សេដ្ឋានី ចំនួនយុវជន និងកុមារកម្ពុជា មានប្រមាណ ៦០ភាគរយនៃចំនួនប្រជាជនសរុប ហើយក្នុងនោះ មានកុមារអាយុក្រោម១៥ឆ្នាំដល់ទៅ៣២ភាគរយ។ លោកស្រីបញ្ជាក់ថា ការបន្តអនុវត្តន៍គម្រោងនេះ គឺជាចាំបាច់ ពីព្រោះភាគច្រើននៃកុមារវ័យក្មេងទាំងនោះ ឆាប់ប្រឡូកក្នុងទំនាក់ទំនងផ្លូវភេទ ដែលធ្វើឲ្យយុវជនជាច្រើន ជាពិសេសក្មេងស្រីមានហានិភ័យខ្ពស់ ហើយពួកគេភាគច្រើនមិនហ៊ានទៅរកព័ត៌មាន សេវាសុខភាពបន្តពូជ និងផ្លូវភេទនោះទេ។
គម្រោងសាកល្បងយុវវ័យឆ្លាត អនាគតល្អ បង្កើតឡើងដោយអង្គការ One World UK និងក្រសួងអប់រំ យុវជន និងកីឡា សមាគមអភិវឌ្ឍន៍សុខភាព និងបណ្តាអង្គការស្ថាប័នពាក់ព័ន្ធមួយចំនួនទៀត។ គម្រោងនេះបានចងក្រងមេរៀនផ្នែកសុខភាពបន្តពូជតាមប្រព័ន្ធអេឡិចត្រូនិក របស់ក្រសួងអប់រំ កម្មវិធីសំណួរ និងចម្លើយដែលអាចទទួលបានព័ត៌មានតាមរយៈទូរសព្ទ ព្រមទាំងការបណ្តុះបណ្តាលលោកគ្រូ អ្នកគ្រូ សិស្សានុសិស្ស ស្តីពីបញ្ហាសុខភាព ផ្លូវភេទក្នុងសាលារៀនចំនួន២៤ក្នុងរាជធានី-ខេត្តចំនួន៨ផងដែរ។
គម្រោងនេះ ត្រូវបានដាក់ឲ្យប្រើប្រាស់នៅខែមិនា ឆ្នាំ២០១៤ ។ ក្នុងរយៈពេលនៃការអនុវត្តគម្រោងនេះ មានអ្នកឆ្លើយឆ្លងសំណួរជិត២ម៉ឺនសំណួរ។ សម្រាប់កម្មវិធីរៀនតាមប្រព័ន្ធអេឡិចត្រូនិកត្រូវបានបណ្តុះបណ្តាលទាំងយុវវ័យ និងកុមារទាំងក្នុងនិងក្រៅសាលាបានជាង១ម៉ឺននាក់។ កម្ពុជាគឺជាប្រទេសដំបូងគេបង្អស់ក្នុងអាស៊ីអាគ្នេយ៍ដែលកំពុងអនុវត្តន៍គម្រោងនេះនិងជាប្រទេសទី៦ ក្នុងពិភពលោក៕
ប្រភព៖AKP
© រក្សាសិទ្ធិដោយ thmeythmey.com
