ព័ត៍មានសុខភាព
×![]()
ដោយ: ថ្មីៗ
ភាពចាស់ គឺជាដំណើរការធម្មជាតិ ដែលមនុស្សគ្រប់គ្នា ត្រូវតែឆ្លងកាត់ ហើយភាពចាស់ជរានេះទៀតសោត ក៏គ្មាននរណាម្នាក់ អាចគ្រប់គ្រងបានផងដែរ ប៉ុន្តែ ក្នុងករណីខ្លះ អ្នកនឹងឆាប់ចាស់ ឬមិនងាយចាស់ ក៏ដោយសារតែកត្តាពិសេសមួយចំនួន ដូចជា របៀបរស់នៅ ការថែទាំខ្លួន និងសម្រស់ ប្រវត្តិគ្រួសារ អារម្មណ៍ និងសុខភាពផ្ទាល់ខ្លួន។
អ្នកដែលរវល់នឹងការងារច្រើន គ្មានពេលវេលាសម្រាកគ្រប់គ្រាន់ អ្នកមិនចេះថែរក្សាសម្រស់ អ្នកជក់បារី អ្នកផឹកស្រា ... ភាគច្រើន នឹងឆាប់ចាស់ជាងអាយុរបស់ខ្លួន។ បញ្ហាសុខភាពរ៉ាំរ៉ៃ ក៏នឹងធ្វើឲ្យអ្នកទ្រុឌទ្រោម ឬឆាប់ចាស់ដែរ។
ពិបាកចិត្ត ខ្វល់ចិត្ត
ស្ត្រេស ការបាក់ទឹកចិត្ត ការអន្ទះអន្ទែង និងក្តីសោកសង្រេង គឺជាមូលហេតុចម្បង ដែលធ្វើឲ្យស្បែកមុខអ្នកជ្រីវជ្រួញ និងឆាប់ចាស់មុនអាយុ។ ស្ត្រេស អាចធ្វើសុខភាពផ្លូវកាយ និងផ្លូវចិត្តអ្នក ចុះខ្សោយជាលំដាប់ ដោយមិនដឹងខ្លួន។
ចំណីអាហារមិនគ្រប់គ្រាន់ និងគ្មានសុខភាពល្អ
ទម្លាប់អាក្រក់ក្នុងការទទួលទាន ឬការទទួលទានអាហារគ្មានជីវជាតិ ឬវីតាមីន នឹងធ្វើឲ្យអ្នកប្រឈមមុខខ្ពស់ ទៅនឹងភាពចាស់ជរា ទាំងសុខភាព និងសម្រស់។ ចំណីអាហារគ្មានសុខភាព ធ្វើឲ្យខូចខាតស្បែក ស្បែកជ្រីវជ្រួញ និងសូម្បីតែជំងឺមហារីក។
គេងមិនទៀងទាត់ ឬមិនបានគ្រប់គ្រាន់
វាជាទម្លាប់ដ៏អាក្រក់មួយ ដែលធ្វើឲ្យឆាប់ចាស់។ អ្នកគួរតែគេងឲ្យបានទៀងម៉ោង និងឲ្យបានពី ៦ ទៅ ៨ ម៉ោងក្នុងមួយយប់ៗ។
ការជក់បារី និងផឹកស្រា
កត្តាទាំងពីររួមផ្សំ នឹងធ្វើឲ្យអ្នកកាន់តែឆាប់ចាស់។ ក្រៅពីឆាប់ចាស់ វាក៏នឹងប៉ះពាល់ ដល់សុខភាពសរីរាង្គនានាផងដែរ ដូចជា សួត ក្រពះពោះវៀន និងថ្លើម៕
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
