ជាតិ
សង្គមជាតិ
រូបភាពស្រះប្រុស ដែលក្រុមការងាររបស់អាជ្ញាធរជាតិអប្សរាកំពុងបូមទឹកបញ្ចូល
×![]()
ដោយ: សារព័ត៌មានថ្មីៗ
សៀមរាប៖ ស្រះប្រុសដែលស្ថិតនៅខាងត្បូងប្រាសាទអង្គរវត្ត នឹងមានទឹកពេញឡើងវិញក្នុងពេលឆាប់ៗខាងមុខនេះ។ ក្រុមការងាររបសអាជ្ញាធរជាតិអប្សរា កំពុងញាប់ដៃបូមទឹកបំពេញស្រះប្រុសនេះ។
ប្រហែលជាកន្លះខែទៀត ឫពាក់កណ្តាលខែមករា ដើមឆ្នាំថ្មីនេះ ស្រះប្រុស ដែលស្ថិតនៅទិសខាងត្បូង នៃប្រាសាទអង្គរវត្ត នឹងមានទេសភាពដូចសព្វដងវិញ។ ភ្ញៀវទេសចរអាចឈរថតនៅមុខស្រះនេះបានធម្មតាវិញ បន្ទាប់ពីក្រុមការងារនៃនាយកដ្ឋានគ្រប់គ្រងទឹក របស់អាជ្ញាធរជាតិអប្សរា រួចរាល់លើការងារបំពេញទឹកក្នុងស្រះនេះ។
ការបូមទឹកបំពេញស្រះប្រុស ដែលគោករីងដោយសារពុំមានរបបទឹកភ្លៀងគ្រប់គ្រាន់ ក្នុងរដូវវស្សា បានចាប់ផ្តើមកាលពីថ្ងៃទី ២៩ ធ្នូម្សិលមិញ។ លោក ភឿន សុឃីម អនុប្រធាននាយកដ្ឋានគ្រប់គ្រងទឹក បានឲ្យដឹងថា ស្រះនៅអង្គរវត្ត មានបរិមាណទឹកតិចជាងរាល់ឆ្នាំ។ ក្នុងនោះស្រះប្រុស ក្នុងចំណោមស្រះពីរនៅអង្គរ ប្រឈមនឹងបញ្ហាដូចគ្នាទៅនឹងស្រះស្រីដែរ ដូច្នេះចាំបាច់ត្រូវ បូមទឹកបញ្ចូលបន្ថែម ដើម្បីសោភ័ណ្ឌ ក៏ដូចជា ជួយទប់គ្រឹះប្រាសាទ។ ទឹកមានទំនាក់ទំនងយ៉ាងជិតស្និទ្ធ ជាមួយនិងគ្រឹះប្រាសាទ ព្រោះថាប្រាសាទក្នុងតំបន់អង្គរ ច្រើនសង់ឡើងដោយមានគ្រឹះដីខ្សាច់។
តាមការបញ្ជាក់ថារបស់លោក ភឿន សុឃីម ក្រុមការងារបស់លោក ត្រូវបន្ថែមកម្ពស់ទឹកលើសមុន៣ទៅ៤តឹក ដើម្បីអាចរក្សាទឹកបានដល់ទៅខែ៦ ឬខែ៧ ដែលជាខែមានភ្លៀងធ្លាក់ឡើងវិញ។
គួរបញ្ជាក់ថា ស្រះស្រី ដែលស្ថិតនៅខាងជើង បានបំពេញរួចរាល់ មុននឹងក្រុមការងាររបស់អាជ្ញាធរជាតិអប្សរា ចាប់ផ្តើមបូមទឹកពីកសិណអង្គរ បង្ហូរចូលស្រះប្រុស។ បើគិតទាំងឆ្នាំនេះ គឺ២ឆ្នាំជាប់ៗគ្នាហើយ ដែលស្រះនៅអង្គរតូច មានសភាពរីងស្ងួត ដោយសារការទទួលបរិមាណទឹកភ្លៀងមិនគ្រប់គ្រាន់៕
ប្រហែលជាកន្លះខែទៀត ឫពាក់កណ្តាលខែមករា ដើមឆ្នាំថ្មីនេះ ស្រះប្រុស ដែលស្ថិតនៅទិសខាងត្បូង នៃប្រាសាទអង្គរវត្ត នឹងមានទេសភាពដូចសព្វដងវិញ។ ភ្ញៀវទេសចរអាចឈរថតនៅមុខស្រះនេះបានធម្មតាវិញ បន្ទាប់ពីក្រុមការងារនៃនាយកដ្ឋានគ្រប់គ្រងទឹក របស់អាជ្ញាធរជាតិអប្សរា រួចរាល់លើការងារបំពេញទឹកក្នុងស្រះនេះ។
ការបូមទឹកបំពេញស្រះប្រុស ដែលគោករីងដោយសារពុំមានរបបទឹកភ្លៀងគ្រប់គ្រាន់ ក្នុងរដូវវស្សា បានចាប់ផ្តើមកាលពីថ្ងៃទី ២៩ ធ្នូម្សិលមិញ។ លោក ភឿន សុឃីម អនុប្រធាននាយកដ្ឋានគ្រប់គ្រងទឹក បានឲ្យដឹងថា ស្រះនៅអង្គរវត្ត មានបរិមាណទឹកតិចជាងរាល់ឆ្នាំ។ ក្នុងនោះស្រះប្រុស ក្នុងចំណោមស្រះពីរនៅអង្គរ ប្រឈមនឹងបញ្ហាដូចគ្នាទៅនឹងស្រះស្រីដែរ ដូច្នេះចាំបាច់ត្រូវ បូមទឹកបញ្ចូលបន្ថែម ដើម្បីសោភ័ណ្ឌ ក៏ដូចជា ជួយទប់គ្រឹះប្រាសាទ។ ទឹកមានទំនាក់ទំនងយ៉ាងជិតស្និទ្ធ ជាមួយនិងគ្រឹះប្រាសាទ ព្រោះថាប្រាសាទក្នុងតំបន់អង្គរ ច្រើនសង់ឡើងដោយមានគ្រឹះដីខ្សាច់។
តាមការបញ្ជាក់ថារបស់លោក ភឿន សុឃីម ក្រុមការងារបស់លោក ត្រូវបន្ថែមកម្ពស់ទឹកលើសមុន៣ទៅ៤តឹក ដើម្បីអាចរក្សាទឹកបានដល់ទៅខែ៦ ឬខែ៧ ដែលជាខែមានភ្លៀងធ្លាក់ឡើងវិញ។
គួរបញ្ជាក់ថា ស្រះស្រី ដែលស្ថិតនៅខាងជើង បានបំពេញរួចរាល់ មុននឹងក្រុមការងាររបស់អាជ្ញាធរជាតិអប្សរា ចាប់ផ្តើមបូមទឹកពីកសិណអង្គរ បង្ហូរចូលស្រះប្រុស។ បើគិតទាំងឆ្នាំនេះ គឺ២ឆ្នាំជាប់ៗគ្នាហើយ ដែលស្រះនៅអង្គរតូច មានសភាពរីងស្ងួត ដោយសារការទទួលបរិមាណទឹកភ្លៀងមិនគ្រប់គ្រាន់៕
Tag:
អង្គរ
© រក្សាសិទ្ធិដោយ thmeythmey.com
