ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទវិភាគ
មន្ត្រីដែលមានប្រជាប្រិយភាព?
11, Jan 2016 ,
7:40 pm
រូបភាព
×
ដោយ:
អុឹង ចំរើន (Ung Chamroeun)
ពលរដ្ឋខ្មែរមួយចំនួនបានទុកនិន្នាការនយោបាយនៅដោយឡែក ហើយនាំគ្នាទទួលស្គាល់នូវអ្វីដែលជាទង្វើវិជ្ជមានរបស់មន្ត្រីរដ្ឋាភិបាល និងថ្នាក់ដឹកនាំមួយចំនួន។ តាមការសង្កេតរបស់សារព័ត៌មានថ្មីៗ សកម្មភាពរបស់លោក ច័ន្ទ សុផល អភិបាលខេត្តបាត់ដំបង លោក ជួន ណារិន្ទ ស្នងការនគរបាលខេត្តព្រះសីហនុ លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងលោក ម៉ុង ឫទ្ធី សមាជិកព្រឹទ្ធសភា ជាដើម ហាក់ទទួលបាននូវការចាប់អារម្មណ៍ខ្លាំងពីបណ្តាអ្នកប្រើប្រាស់បណ្តាញសង្គមហ្វេសប៊ុកគ្រប់និន្នាការនយោបាយ។
« អភិបាលខេត្តខ្ញុំអ៊ីចឹង» «ខ្ញុំស្រឡាញ់អភិបាលខេត្តខ្ញុំ»។ នេះជាការសរសេរប្រកបដោយមោទកភាពរបស់ពលរដ្ឋមួយចំនួននៅខេត្តបាត់ដំបង។ ផ្អែកតាមរូបភាពដែលបង្ហោះនៅលើបណ្តាញសង្គមហ្វេសប៊ុក លោក ច័ន្ទ សុផល បានបង្ហាញពីភាពសាមញ្ញក្នុងការចូលរួមសកម្មភាពនានាក្នុងខេត្ត ដូចជា ការចុះរើសសំរាម កាយលូ និងចុះជួយពលរដ្ឋនៅតាមមូលដ្ឋាន។ យោងតាមការផ្សាយព័ត៌មានរបស់ Fresh News សម្តេចនាយករដ្ឋមន្ត្រី ហ៊ុន សែន ក៏បានណែនាំឲ្យអភិបាលខេត្តផ្សេងទៀតយកគំរូតាមលោក ច័ន្ទ សុផល ផងដែរ។
ដោយឡែក លោក ជួន ណារិន្ទ ដែលទើបទទួលបាននូវការតែងតាំងជាស្នងការនគរបាលខេត្តព្រះសីហនុ ក៏កំពុងទទួលបានប្រជាប្រិយភាពផងដែរ។ ពលរដ្ឋដែលរស់នៅតំបន់សមុទ្រមួយនេះ រួមទាំងបណ្តាញសារព័ត៌មានក្នុងស្រុកមួយចំនួន បានដាក់រហស្សនាមលោក ជួន ណារិន្ទ ថា ជា «ស្នងការកណ្តាប់ដៃដែក»។ អ្វីដែលគួរឲ្យកត់សម្គាល់នោះ ស្នងការនគរបាលខេត្តព្រះសីហនុ បានបង្ហាញពីការតាំងចិត្តរបស់ខ្លួនក្នុងទប់ស្កាត់បទល្មើស ហើយលោកបានដឹកនាំឲ្យមានការរៀបចំវេទិកាសាធារណៈជាមួយពលរដ្ឋ អាជីវករ ទាំងខ្មែរ និងបរទេស ដើម្បីទទួលព័ត៌មានទាក់ទងនឹងការងារសន្តិសុខ សណ្តាប់ធ្នាប់ នៅមូលដ្ឋានរបស់លោកផងដែរ។
នៅក្នុងអាណត្តិនៃកំណែទម្រង់ដែលរដ្ឋាភិបាលដាក់ទិសស្លោកថា «ឆ្លុះកញ្ចក់ ងូតទឹក ដុសក្អែល និងព្យាបាល» នោះ វិស័យអប់រំត្រូវបានសាធារណៈជនចាប់អារម្មណ៍ និងតាមដានយ៉ាងខ្លាំង។ លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា រូបនេះ ហាក់បានលើកមុខមាត់របស់រដ្ឋាភិបាលយ៉ាងខ្លាំង តាមរយៈស្នាដៃកែទម្រង់ដោយចាប់ផ្តើមពីការប្រឡងសញ្ញាបត្រមធ្យមសិក្សាទុតិយភូមិ និងកិច្ចការអប់រំមួយចំនួនទៀត។ អ្វីដែលគួរឲ្យកត់សម្គាល់នោះ លោកក៏តែងតែប្រើប្រាស់ហ្វេសប៊ុករបស់ខ្លួនដើម្បីទាក់ទងជាមួយសាធារណជនផងដែរ ហើយពេលខ្លះ ក៏បានដោះស្រាយបញ្ហាទៅតាមសំណូមពរនៅលើហ្វេសប៊ុកផងដែរ។
ងាកទៅលោក ម៉ុង ឫទ្ធី ឯណោះវិញ ក្រៅពីកិច្ចការក្នុងនាមសមាជិកព្រឹទ្ធសភា លោកតែងតែចុះជួបជាមួយប្រជាពលរដ្ឋដែលមានស្ថានភាពតោកយ៉ាក។ ពេលខ្លះលោកបានហៅអ្នកសុំទានចូលហាង និងបរិភោគជាមួយលោក និងភរិយា។ លោក ម៉ុង ឫទ្ធី ដែលជាអ្នកជំនួញដ៏ធំម្នាក់ផងដែរនោះ មានសកម្មភាពមួយដ៏គួរឲ្យកត់សម្គាល់នោះ គឺការដើរដកធ្មេញព្រៃរបស់កុមារនៅតាមជនបទ។
ទោះបីជាយ៉ាងណាក៏ដោយ សកម្មភាពរបស់មន្ត្រីទាំងនោះ ក៏គេចមិនផុតពីការរិះគន់នោះដែរ។ អ្នកខ្លះបានលើកឡើងថា វាគ្រាន់តែជាការសម្តែងដើម្បីទាញសន្លឹកឆ្នោត និងដើម្បីទទួលបានការកោតសរសើ ខណៈសកម្មភាពជាក់ស្តែងមិនប្រាកដនោះឡើយ។ អ្នកខ្លះក៏បានកត់សម្គាល់ផងដែរ អ្នកដែលទទួលបានផលភាគច្រើន គឺជាអ្នកគាំទ្របក្សកាន់អំណាចមិនមែនពលរដ្ឋទូទៅនោះទេ។
មន្ត្រីផ្សេងទៀតក៏មានការលេចធ្លោផងដែរ ប៉ុន្តែកម្លាំងគាំទ្រ និងការកោតសរសើមិនបានទូលំទូលាយនោះឡើយ ដោយសារតែពួកគាត់មានរូបភាពជាបក្សជន៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
រដ្ឋាភិបាល
© រក្សាសិទ្ធិដោយ thmeythmey.com
អត្ថបទពេញនិយម
ដំណឹងបឋម៖ ករណីផ្ទុះឃ្លាំងគ្រាប់នៅបន្ទាយភូមិភាគ៣ ក្រុងច្បារមន មានអ្នកស្លាប់ និងរបួសច្រើននាក ...
2 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
ផ្សារដើមគរថ្មី លើផ្ទៃដី៣០ហិកតា ត្រូវបានដាក់ដំណើរការជាផ្លូវការហើយ
2 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
5 ថ្ងៃ
តើពាក្យ «ដុតដៃដុតជើង» មានន័យដូចម្តេច?
4 ថ្ងៃ
អត្ថបទពេញនិយមបន្ថែម