ជាតិ
នយោបាយជាតិ
ខួប ១២ ឆ្នាំលោក ជា វិជ្ជា លោក អេង ឆៃអ៊ាង គ្រោងកោះអញ្ជើញរដ្ឋមន្ត្រីក្រសួងយុត្តិធម៌មកបំភ្លឺ
× លោក អេង ឆៃអ៊ាង ប្រធានគណៈកម្មការសិទ្ធិមនុស្ស ទទួលពាក្យបណ្ដឹង អង្កេតនិងទំនាក់ទំនងរដ្ឋសភា និងព្រឹទ្ធសភា អះអាងថា លោកនឹងកោះអញ្ជើញលោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ ដើម្បីសាកសួរពីបញ្ហាប្រព័ន្ធយុត្តិធម៌នៅកម្ពុជា។
ក្រោយពីបានចូលរួមពិធីបង្សុកូលគម្រប់ខួប ១២ ឆ្នាំ នៃការស្លាប់លោក ជា វិជ្ជា (២២ មករា ឆ្នាំ២០០៤-២២ មករា ឆ្នាំ២០១៦ ) នៅមុខរូបសំណាកអតីតមេដឹកនាំសហជីពនេះរួចមក លោក អេង ឆៃអ៊ាង បានប្រកាសថា គណបក្សលោកនឹងនៅតែបន្តព្យាយាមជំរុញឲ្យរដ្ឋាភិបាល ស្វែងរកជនដៃដល់សម្លាប់លោក ជា វិជ្ជា យកមកកាត់ទោសតាមផ្លូវច្បាប់។ ប្រធានគណៈកម្មការរូបនេះ អះអាងថា លោកនឹងកោះអញ្ជើញលោក អង្គ វង្សវឌ្ឍនា រដ្ឋមន្ត្រីក្រសួងយុត្តិធម៌ នៅខែមិនា ខាងមុខនេះ ដើម្បីមកសាកសួរពីបញ្ហាប្រព័ន្ធយុត្តិធម៌នៅកម្ពុជា ។
ទាក់ទង់នឹងគណៈកម្មការស៊ើបអង្កេតស្វែងរកជនដៃដល់ ដែលបានបាញ់សម្លាប់លោក ជា វិជ្ជា នេះ លោក អេង ឆៃអ៊ាង បន្ថែមថា រដ្ឋាភិបាលគួរតែជំរុញគណៈកម្មការមួយនេះ ឲ្យអនុវត្តស្វែងរកឃាតករមកផ្តន្ទាទោសតាមច្បាប់ ដូចកាតាមចាប់អ្នកដែលប្រឆាំងរដ្ឋាភិបាលដែរ ដើម្បីឲ្យក្រុមគ្រួសារលោក ជា វិជ្ជា និងកម្មករ កម្មការីនី ដែលគាំទ្រលោក ជា វិជ្ជា ស្ងប់ចិត្ត៕
Tag:
ជា វិជ្ជា
អេង ឆៃអ៊ាង
© រក្សាសិទ្ធិដោយ thmeythmey.com