អន្តរជាតិ
×![]()
អ៊ុយក្រែនខឹងសម្បារខ្លាំង ក្រោយពេលប្រធានគណកម្មការអឺរ៉ុបលោក ហ្សង់ក្លូ ចាំងកឺ ថ្លែងថា អ៊ុយក្រែនមិនទាន់អាចក្លាយជាសមាជិកសហភាពអឺរ៉ុបនិងណាតូឡើយ ពោលត្រូវចាំយ៉ាងហោចណាស់ក៏ក្នុងរយៈពេល ២០ ទៅ២៥ឆ្នាំទៀតដែរ។ តែគេជឿជាក់ថា ការលើកឡើងរបស់មេដឹកនាំអឺរ៉ុបនេះ ដើម្បីជំរុញឲ្យប្រជាជនហូឡង់បោះឆ្នោតក្នុងប្រជាមតិគាំទ្រកិច្ចព្រមព្រៀងភ្ជាប់ខ្លួនអ៊ុយក្រែនជាមួយសហភាពអឺរ៉ុបប៉ុណ្ណោះ។ យ៉ាងណាក៏ដោយ ក្តីប្រាថ្នារបស់អ៊ុយក្រែនចង់ក្លាយជាសមាជិកសហភាពអឺរ៉ុប កំពុងក្លាយជាសុបិន្តដែលមិនអាចក្លាយជាការពិត។
មេដឹកនាំគណបក្សស្តាំនិយមអ៊ុយក្រែនបានបង្ហាញការខឹងសម្បារខ្លាំងចំពោះ មេដឹកនាំអឺរ៉ុបដែលបានថ្លែងថា អ៊ុយក្រែននឹងមិនអាចក្លាយជាសមាជិកសហភាពអឺរ៉ុប និងបក្សសម្ព័ន្ធយោធាណាតូ ចន្លោះពី ២០ ទៅ ២៥ឆ្នាំទៅមុខទៀត។
ក្នុងពេលថ្លែងសុន្ទរកថានៅក្នុងប្រទេសហូឡង់ កាលពីដើមសប្តាហ៍នេះ ប្រធានគណបក្សកម្មការអឺរ៉ុបលោក ហ្សង់ ក្លូចាំងកឺ (Jean-Claude Juncker) បានលើកឡើងថា អ៊ុយក្រែនមិនអាចក្លាយជាសមាជិកសហភាពអឺរ៉ុបក្នុងរយៈពេល ២០ទៅ ២៥ឆ្នាំទៀត ហើយក៏មិនអាចក្លាយជាសមាជិកបក្សសម្ព័ន្ធណាតូដូចគ្នាដែរ។
លោក Oleg Lyashko ប្រធានគណបក្សកំណែទម្រង់អ៊ុយក្រែន បានប្រតិកម្មតបចំពោះការពាក្យសម្តីរបស់លោក ចាំងកឺ ដោយលោកសង្កត់ធ្ងន់ថា មិនគួរណាសហភាពអឺរ៉ុបប្រើប្រាស់ពាក្យសម្តីធ្វើឲ្យប៉ះពាល់អារម្មណ៍អ៊ុយក្រែនបែបនេះឡើយ។
លោកថា៖ « អ៊ុយក្រែនមិនអាចក្លាយជាសមាជិកសហភាពអឺរ៉ុបក្នុងពេល ៥ឆ្នាំឡើយ បើតាមគោលនយោបាយរបស់សហភាពអឺរ៉ុបបច្ចុប្បន្ន។ វានឹងមិនមាន សហភាពអឺរ៉ុប និងណាតូ ប៉ុន្តែវានៅមានអ៊ុយក្រែន។ ហើយវានឹងក្លាយជាបែបណាអាស្រ័យលើប្រជាជនអ៊ុយក្រែនខ្លួនឯង មិនមែនលើលោក ចាំងកឺឡើយ»។
-លោក ចាំងកឺ ថ្លែងសុន្ទរកថាពីអ៊ុយក្រែនមុនពេលបោះឆ្នោតប្រជាមតិនៅហូឡង់
តាមពិតទៅ សុន្ទកថារបស់ប្រធានគណកម្មការអឺរ៉ុបនេះធ្វើឡើងនៅក្នុងប្រទេសហូឡង់ ហើយមុនពេលដែលប្រជាមតិពាក់ព័ន្ធការផ្តល់សច្ចាប័នលើកិច្ចព្រមព្រៀងភ្ជាប់ខ្លួនអ៊ុយក្រែនជាមួយសហភាពអឺរ៉ុប ត្រូវរៀបចំឡើងនៅខែមេសាខាងមុខនោះ។
អាចថា លោក ចាំងកឺ ចង់បញ្ជាក់ប្រាប់ប្រជាជនហូឡង់ថា ការផ្តល់សច្ចាប័នលើកិច្ចព្រមព្រៀងនេះ មិនប៉ះពាល់ដល់សហភាពអឺរ៉ុប និងមិនមែនមានន័យថា អ៊ុយក្រែនក្លាយជាសមាជិកអឺរ៉ុបពេញសិទ្ធិឡើយ។ តាមពិតទៅ កិច្ចព្រមព្រៀងនេះត្រឹមជាជំហានដំបូងនៃការឈានទៅក្លាយជាសមាជិកសហភាពអឺរ៉ុបប៉ុណ្ណោះ។ វាមានគោលដៅជួយឲ្យអ៊ុយក្រែនអនុវត្តគោលនយោបាយកែទម្រង់ផ្ទៃក្នុងមានប្រព័ន្ធច្បាប់ សេដ្ឋកិច្ច និងហិរញ្ញវត្ថុ ដើម្បីតម្រូវស្តង់ដាសហភាពអឺរ៉ុប និងឈានទៅចូលរួមក្នុងសហភាពនេះនៅពេល ខាងមុខ។
ប្រធានគណបក្សខាងលើលោក Oleg Lyashko យល់ស្របដែរថា អ្វីដែលលោក ចាំងកឺ និយាយជាការជំរុញឲ្យមានការទទួលយកកិច្ចព្រមព្រៀងជាមួយអ៊ុយក្រែនប៉ុណ្ណោះ ប៉ុន្តែលោកសង្កត់ថា វាពិតជាធ្វើឲ្យប្រជាជនអ៊ុយក្រែនខឹងខ្លាំងណាស់។ វាប្រៀបដូចជា ការបំបាក់ស្មារតីប្រជាជនអ៊ុយក្រែនដែលបាន ប្រឹងប្រែងតស៊ូ ធ្វើពលីកម្មគ្រប់យ៉ាងដើម្បីទទួលបានសមាជិកភាពអឺរ៉ុបដូច្នេះដែរ។
ត្រលប់លទ្ធផលស្ទង់មតិបង្ហាញថា ប្រជាជនហូឡង់ច្រើនជាង៥០ភាគរយបង្ហាញការជំទាស់កិច្ចព្រមព្រៀងនេះរួចទៅហើយ។ យ៉ាងណាមិញ លទ្ធផលនៃប្រជាមតិនេះមិនមានអនុភាពចាប់បង្ខំ ដាក់សម្ពាធឲ្យសភា សម្រេចបែបណាឡើយ។
-អ៊ុយក្រែននៅក្នុងស្ថានភាព «ត្រីរ៉ស់ក៏រួច ទន្សាយក៏រួច»
លើកឡើងរបស់មេដឹកនាំសហភាពអឺរ៉ុបថាអ៊ុយក្រែនត្រូវចាំ២០ ឬ២៥ឆ្នាំទៀតដើម្បីបានសមាជិកភាពនៃសហភាពអឺរ៉ុប វាមិនខុសពីសំពោងអ៊ុយក្រែនមួយព្រនង់ឡើយ។ អាចថាបំណងចង់ក្លាយជាសមាជិកអឺរ៉ុបកំពុងតែជាសុបិន្តដែលពិបាកក្លាយជាការពិត ហើយអ៊ុយក្រែនកំពុងស្ថិតក្នុងស្ថានភាពលំបាក ងាកក្រោយក៏មិនរួច ទៅមុខទៀតក៏មិនកើត។ រុស្ស៊ីឯណោះវិញដែលទាញអ៊ុយក្រែនកុំឲ្យចូលជាមួយអឺរ៉ុបព្រោះខា្លចបាត់បង់ឥទ្ធិ កំពុងញញឹម ព្រោះអ៊ុយក្រែនទៅមុខមិនរួចឡើយ។ កន្លងមកព្រោះតែចង់បានសមាជិកភាពនៃសហភាពអឺរ៉ុបនេះហើយ ទើបជម្លោះអ៊ុយក្រែនដែលសម្លាប់មនុស្សរាប់ពាន់នាក់និងអូសបន្លាយមកដល់បច្ចុប្បន្នចេញរូបរាងឡើង។
កាលពីចុងឆ្នាំ ២០១៣ រដ្ឋាភិបាលលោក Viktor Yanukovych ដែលស្និទ្ធរបបដឹកនាំក្រេមឡាំងបានទាត់ចោលកិច្ចព្រមព្រៀងជំរុញសមាហរណកម្មជាមួយសហភាពអឺរ៉ុប រហូតដល់ជំរុញឲ្យក្រុមអ្នកគាំទ្រសហភាពអឺរ៉ុបដឹកនាំបដិវត្តទម្លាក់លោកពីតំណែង។ ការធ្លាក់ពីតំណែងរបស់លោក នាំឲ្យរុស្ស៊ីអន្តរាគមន៍ និងដណ្តើមយកទឹកដី Crimea ពីអ៊ុយក្រែន ហើយបង្កឲ្យបែកខ្ញែកគ្នាក្នុងចំណោមទឹកដីភាគខាងកើតដែលស្ថិតក្រោមការដឹកនាំរបស់ក្រុងគៀវថែមទៀត។ បើមើលជម្លោះភាគខាងកើតពិបាកបញ្ចប់ ខណៈរដ្ឋាភិបាលក្រុងគៀវរបស់លោក Petro Poroshenko នោះស្រវាស្រទេញដោះស្រាយបញ្ហាសេដ្ឋកិច្ច និយោបាយ ផង និងបញ្ហាសន្តិសុខខាងក្នុងផង។
រឿងដែលរឹតតែធ្វើឲ្យអ៊ុយក្រែនអស់សង្ឃឹមនោះ គឺការផ្លាស់ប្តូរគោលជំហររបស់ក្រុមមេដឹកនាំសហភាពអឺរ៉ុបចំពោះរុស្ស៊ី។ ព្រោះតែបញ្ហាអ៊ុយក្រែ អឺរ៉ុបក៏ខាតបង់មិនស្ទើរដែរ ព្រោះត្រូវប្រឈមមុខជាមួយរុស្ស៊ី និងបង្ខំចិត្តដាក់ទណ្ឌកម្មនិងផ្តាច់ចំណងពាណិជ្ជកម្មមួយចំនួនផង។
រឿងមួយទៀតដែលធ្វើឲ្យអ៊ុយក្រែនស្ទើក្អួតឈាមគឺ ប្រមុខគណកម្មការអឺរ៉ុប លោក ហ្សង់ ក្លូចាំងកឺ គ្រោងនឹងទៅទស្សនកិច្ចនៅក្រុងម៉ូស្គូ ដើម្បីជួបជជែកជាមួយមេដឹកនាំរុស្ស៊ីបញ្ហាកិច្ចសហប្រតិបត្តិការនានា។ ទស្សនកិច្ចផ្លូវការរបស់មេដឹកនាំអឺរ៉ុបទៅរុស្ស៊ីនេះមិនធ្លាប់មានពីមុនមកនោះតាំងពីជម្លោះអ៊ុយក្រែនផ្ទុះឡើងដើមឆ្នាំ ២០១៤ ហើយគេរំពឹងថា ឆ្លៀតឱកាសពិសេសនេះ អឺរ៉ុបនឹងពិចារណដកទណ្ឌកម្ម ដែលបានដាក់ប្រឆាំងក្រុមហ៊ុនឯកជននិងរដ្ឋរុស្ស៊ីពីរឆ្នាំមកនេះផង។ អឺរ៉ុបអាចនឹងលើកទណ្ឌកម្មនេះ ក្រោមលេសអនុវត្តកិច្ចព្រមព្រៀងសន្តិភាពដ៏ផុយស្រួយMinks ដែលបានចូលជាធរមានតាំងពីខែកុម្ភៈឆ្នាំមុនមកនោះ៕
មេដឹកនាំគណបក្សស្តាំនិយមអ៊ុយក្រែនបានបង្ហាញការខឹងសម្បារខ្លាំងចំពោះ មេដឹកនាំអឺរ៉ុបដែលបានថ្លែងថា អ៊ុយក្រែននឹងមិនអាចក្លាយជាសមាជិកសហភាពអឺរ៉ុប និងបក្សសម្ព័ន្ធយោធាណាតូ ចន្លោះពី ២០ ទៅ ២៥ឆ្នាំទៅមុខទៀត។
ក្នុងពេលថ្លែងសុន្ទរកថានៅក្នុងប្រទេសហូឡង់ កាលពីដើមសប្តាហ៍នេះ ប្រធានគណបក្សកម្មការអឺរ៉ុបលោក ហ្សង់ ក្លូចាំងកឺ (Jean-Claude Juncker) បានលើកឡើងថា អ៊ុយក្រែនមិនអាចក្លាយជាសមាជិកសហភាពអឺរ៉ុបក្នុងរយៈពេល ២០ទៅ ២៥ឆ្នាំទៀត ហើយក៏មិនអាចក្លាយជាសមាជិកបក្សសម្ព័ន្ធណាតូដូចគ្នាដែរ។
លោក Oleg Lyashko ប្រធានគណបក្សកំណែទម្រង់អ៊ុយក្រែន បានប្រតិកម្មតបចំពោះការពាក្យសម្តីរបស់លោក ចាំងកឺ ដោយលោកសង្កត់ធ្ងន់ថា មិនគួរណាសហភាពអឺរ៉ុបប្រើប្រាស់ពាក្យសម្តីធ្វើឲ្យប៉ះពាល់អារម្មណ៍អ៊ុយក្រែនបែបនេះឡើយ។
លោកថា៖ « អ៊ុយក្រែនមិនអាចក្លាយជាសមាជិកសហភាពអឺរ៉ុបក្នុងពេល ៥ឆ្នាំឡើយ បើតាមគោលនយោបាយរបស់សហភាពអឺរ៉ុបបច្ចុប្បន្ន។ វានឹងមិនមាន សហភាពអឺរ៉ុប និងណាតូ ប៉ុន្តែវានៅមានអ៊ុយក្រែន។ ហើយវានឹងក្លាយជាបែបណាអាស្រ័យលើប្រជាជនអ៊ុយក្រែនខ្លួនឯង មិនមែនលើលោក ចាំងកឺឡើយ»។
-លោក ចាំងកឺ ថ្លែងសុន្ទរកថាពីអ៊ុយក្រែនមុនពេលបោះឆ្នោតប្រជាមតិនៅហូឡង់
តាមពិតទៅ សុន្ទកថារបស់ប្រធានគណកម្មការអឺរ៉ុបនេះធ្វើឡើងនៅក្នុងប្រទេសហូឡង់ ហើយមុនពេលដែលប្រជាមតិពាក់ព័ន្ធការផ្តល់សច្ចាប័នលើកិច្ចព្រមព្រៀងភ្ជាប់ខ្លួនអ៊ុយក្រែនជាមួយសហភាពអឺរ៉ុប ត្រូវរៀបចំឡើងនៅខែមេសាខាងមុខនោះ។
អាចថា លោក ចាំងកឺ ចង់បញ្ជាក់ប្រាប់ប្រជាជនហូឡង់ថា ការផ្តល់សច្ចាប័នលើកិច្ចព្រមព្រៀងនេះ មិនប៉ះពាល់ដល់សហភាពអឺរ៉ុប និងមិនមែនមានន័យថា អ៊ុយក្រែនក្លាយជាសមាជិកអឺរ៉ុបពេញសិទ្ធិឡើយ។ តាមពិតទៅ កិច្ចព្រមព្រៀងនេះត្រឹមជាជំហានដំបូងនៃការឈានទៅក្លាយជាសមាជិកសហភាពអឺរ៉ុបប៉ុណ្ណោះ។ វាមានគោលដៅជួយឲ្យអ៊ុយក្រែនអនុវត្តគោលនយោបាយកែទម្រង់ផ្ទៃក្នុងមានប្រព័ន្ធច្បាប់ សេដ្ឋកិច្ច និងហិរញ្ញវត្ថុ ដើម្បីតម្រូវស្តង់ដាសហភាពអឺរ៉ុប និងឈានទៅចូលរួមក្នុងសហភាពនេះនៅពេល ខាងមុខ។
ប្រធានគណបក្សខាងលើលោក Oleg Lyashko យល់ស្របដែរថា អ្វីដែលលោក ចាំងកឺ និយាយជាការជំរុញឲ្យមានការទទួលយកកិច្ចព្រមព្រៀងជាមួយអ៊ុយក្រែនប៉ុណ្ណោះ ប៉ុន្តែលោកសង្កត់ថា វាពិតជាធ្វើឲ្យប្រជាជនអ៊ុយក្រែនខឹងខ្លាំងណាស់។ វាប្រៀបដូចជា ការបំបាក់ស្មារតីប្រជាជនអ៊ុយក្រែនដែលបាន ប្រឹងប្រែងតស៊ូ ធ្វើពលីកម្មគ្រប់យ៉ាងដើម្បីទទួលបានសមាជិកភាពអឺរ៉ុបដូច្នេះដែរ។
ត្រលប់លទ្ធផលស្ទង់មតិបង្ហាញថា ប្រជាជនហូឡង់ច្រើនជាង៥០ភាគរយបង្ហាញការជំទាស់កិច្ចព្រមព្រៀងនេះរួចទៅហើយ។ យ៉ាងណាមិញ លទ្ធផលនៃប្រជាមតិនេះមិនមានអនុភាពចាប់បង្ខំ ដាក់សម្ពាធឲ្យសភា សម្រេចបែបណាឡើយ។
-អ៊ុយក្រែននៅក្នុងស្ថានភាព «ត្រីរ៉ស់ក៏រួច ទន្សាយក៏រួច»
លើកឡើងរបស់មេដឹកនាំសហភាពអឺរ៉ុបថាអ៊ុយក្រែនត្រូវចាំ២០ ឬ២៥ឆ្នាំទៀតដើម្បីបានសមាជិកភាពនៃសហភាពអឺរ៉ុប វាមិនខុសពីសំពោងអ៊ុយក្រែនមួយព្រនង់ឡើយ។ អាចថាបំណងចង់ក្លាយជាសមាជិកអឺរ៉ុបកំពុងតែជាសុបិន្តដែលពិបាកក្លាយជាការពិត ហើយអ៊ុយក្រែនកំពុងស្ថិតក្នុងស្ថានភាពលំបាក ងាកក្រោយក៏មិនរួច ទៅមុខទៀតក៏មិនកើត។ រុស្ស៊ីឯណោះវិញដែលទាញអ៊ុយក្រែនកុំឲ្យចូលជាមួយអឺរ៉ុបព្រោះខា្លចបាត់បង់ឥទ្ធិ កំពុងញញឹម ព្រោះអ៊ុយក្រែនទៅមុខមិនរួចឡើយ។ កន្លងមកព្រោះតែចង់បានសមាជិកភាពនៃសហភាពអឺរ៉ុបនេះហើយ ទើបជម្លោះអ៊ុយក្រែនដែលសម្លាប់មនុស្សរាប់ពាន់នាក់និងអូសបន្លាយមកដល់បច្ចុប្បន្នចេញរូបរាងឡើង។
កាលពីចុងឆ្នាំ ២០១៣ រដ្ឋាភិបាលលោក Viktor Yanukovych ដែលស្និទ្ធរបបដឹកនាំក្រេមឡាំងបានទាត់ចោលកិច្ចព្រមព្រៀងជំរុញសមាហរណកម្មជាមួយសហភាពអឺរ៉ុប រហូតដល់ជំរុញឲ្យក្រុមអ្នកគាំទ្រសហភាពអឺរ៉ុបដឹកនាំបដិវត្តទម្លាក់លោកពីតំណែង។ ការធ្លាក់ពីតំណែងរបស់លោក នាំឲ្យរុស្ស៊ីអន្តរាគមន៍ និងដណ្តើមយកទឹកដី Crimea ពីអ៊ុយក្រែន ហើយបង្កឲ្យបែកខ្ញែកគ្នាក្នុងចំណោមទឹកដីភាគខាងកើតដែលស្ថិតក្រោមការដឹកនាំរបស់ក្រុងគៀវថែមទៀត។ បើមើលជម្លោះភាគខាងកើតពិបាកបញ្ចប់ ខណៈរដ្ឋាភិបាលក្រុងគៀវរបស់លោក Petro Poroshenko នោះស្រវាស្រទេញដោះស្រាយបញ្ហាសេដ្ឋកិច្ច និយោបាយ ផង និងបញ្ហាសន្តិសុខខាងក្នុងផង។
រឿងដែលរឹតតែធ្វើឲ្យអ៊ុយក្រែនអស់សង្ឃឹមនោះ គឺការផ្លាស់ប្តូរគោលជំហររបស់ក្រុមមេដឹកនាំសហភាពអឺរ៉ុបចំពោះរុស្ស៊ី។ ព្រោះតែបញ្ហាអ៊ុយក្រែ អឺរ៉ុបក៏ខាតបង់មិនស្ទើរដែរ ព្រោះត្រូវប្រឈមមុខជាមួយរុស្ស៊ី និងបង្ខំចិត្តដាក់ទណ្ឌកម្មនិងផ្តាច់ចំណងពាណិជ្ជកម្មមួយចំនួនផង។
រឿងមួយទៀតដែលធ្វើឲ្យអ៊ុយក្រែនស្ទើក្អួតឈាមគឺ ប្រមុខគណកម្មការអឺរ៉ុប លោក ហ្សង់ ក្លូចាំងកឺ គ្រោងនឹងទៅទស្សនកិច្ចនៅក្រុងម៉ូស្គូ ដើម្បីជួបជជែកជាមួយមេដឹកនាំរុស្ស៊ីបញ្ហាកិច្ចសហប្រតិបត្តិការនានា។ ទស្សនកិច្ចផ្លូវការរបស់មេដឹកនាំអឺរ៉ុបទៅរុស្ស៊ីនេះមិនធ្លាប់មានពីមុនមកនោះតាំងពីជម្លោះអ៊ុយក្រែនផ្ទុះឡើងដើមឆ្នាំ ២០១៤ ហើយគេរំពឹងថា ឆ្លៀតឱកាសពិសេសនេះ អឺរ៉ុបនឹងពិចារណដកទណ្ឌកម្ម ដែលបានដាក់ប្រឆាំងក្រុមហ៊ុនឯកជននិងរដ្ឋរុស្ស៊ីពីរឆ្នាំមកនេះផង។ អឺរ៉ុបអាចនឹងលើកទណ្ឌកម្មនេះ ក្រោមលេសអនុវត្តកិច្ចព្រមព្រៀងសន្តិភាពដ៏ផុយស្រួយMinks ដែលបានចូលជាធរមានតាំងពីខែកុម្ភៈឆ្នាំមុនមកនោះ៕
Tag:
អ៊ុយក្រែន
អឺរ៉ុប
ហ្សង់ក្លូ ចាំងកឺ
© រក្សាសិទ្ធិដោយ thmeythmey.com
