អន្តរជាតិ
×![]()
គណបក្សជាប់ឆ្នោតក្នុងសភាទាំងពីរជាន់របស់មីយ៉ាន់ម៉ាបានជ្រើសរើសបេក្ខជនប្រធានាធិបតីសម្រាប់បក្សរបស់ខ្លួនរួចរាល់ហើយ ខណៈពេលបេក្ខជនដែលតំណាងក្រុមយោធានៅក្នុងសភា នៅមិនទាន់ដឹងថាជាអ្នកណានៅឡើយទេ។ សភាសហភាពមីយ៉ាន់ម៉ានឹងបោះឆ្នោតសម្រេចជ្រើសរើសបេក្ខជនជាប្រធានាធិបតីតែម្ដង ដែលគេរំពឹងថា អាចនឹងចាប់ផ្ដើមនៅសប្ដាហ៍ក្រោយនេះ។
ដំណើរការប្រជាធិបតេយ្យរបស់មីយ៉ាន់ម៉ា បានឈានមកដល់ដំណាក់កាលថ្មីមួយទៀតនៅថ្ងៃទី១០ ខែមីនានេះ ខណៈដែលសភាទាំងពីរមីយ៉ាន់ម៉ា បានជ្រើសរើសបេក្ខជនសម្រាប់ឈរជាប្រធានាធិបតីរួចហើយ។ ប៉ុន្តែក្រុមយោធាដែលមានសំឡេង២៥ភាគរយក្នុងសភាទាំងពីរជាន់នោះ នៅមិនទាន់បញ្ចេញបេក្ខជនរបស់ខ្លួននៅឡើយទេ។ គណបក្សធំៗចំនួនពីរគឺគណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី អ៊ុងសាន ស៊ូជី និងគណបក្សសហភាពរួបរួម និងអភិវឌ្ឍន៍ (USDP) សុទ្ធតែបានដាក់បេក្ខភាពរៀងៗខ្លួន។
លោក Htin Kyaw សមាជិកសភាមកពីបក្សសម្ព័ន្ធជាតិដើម្បីប្រជាធិបតេយ្យ ត្រួវបានលោកស្រី ស៊ូជី ជ្រើសជាបេក្ខជនសម្រាប់តំណាងឲ្យសភាជាន់ទាប។ លោកគឺជាមនុស្សជិតស្និទ្ធរបស់លោកស្រី ស៊ូជី និងជាអតីតអ្នកបើកឡានឲ្យលោកស្រីផងដែរ។ បុរសវ័យ៦៩ឆ្នាំរូបនេះមានភាគរយខ្ពស់ក្នុងការជាប់ជាប្រធានាធិបតីជំនួសលោកស្រី ស៊ូជី ដ្បិតបក្សសម្ព័ន្ធ ជាតិដើម្បីប្រជាធិបតេយ្យមានសំឡេងលើសលប់ក្នុងសភាសម្រាប់បោះឆ្នោតជ្រើសរើសរូបលោក ។ មួយវិញទៀតគណបក្សលោកស្រី ស៊ូជី ក៏បានជ្រើសរើសលោក Henry Van Hti Yu ដែលជាជនជាតិឈិន ជាបេក្ខជនប្រធានាធិបតីសម្រាប់កូតាមកពីសភាជាន់ខ្ពស់ផងដែរ។
ជាមួយគ្នានេះដែរ គណបក្សសហភាពរួបរួមនិងអភិវឌ្ឍន៍របស់ប្រធានាធិបតីជិតផុតអាណត្តិលោក ថេន សេន ក៏បានជ្រើសរើសបេក្ខជនប្រធានាធិបតីដែរ។ គណបក្សនេះ បានជ្រើសរើសអនុប្រធានាធិបតីបច្ចុប្បន្នលោក Sai Mauk Kham ជាបេក្ខជនតំណាងឲ្យសភាជាន់ទាបបោះឆ្នោត ខណៈអតីតប្រធានសភាជាន់ខ្ពស់លោក Khin Aung Myint ជាបេក្ខជនតំណាងមកពីសភាជាន់ខ្ពស់របស់គណបក្សនេះ។
បន្ទាប់ពីការជ្រើសរើសនេះ សភាទាំងពីរជាន់នឹងបោះឆ្នោតជ្រើសរើសបេក្ខជនម្នាក់តំណាងឲ្យសភារៀងៗខ្លួន។ ហើយដំណាក់កាលបន្ទាប់ បេក្ខជនពីរនាក់ដែលជាប់ឆ្នោត រួមជាមួយនឹងបេក្ខជនរបស់ក្រុមយោធា នឹងត្រូវបញ្ជូនឈ្មោះទៅសភាសហភាពមីយ៉ាន់ម៉ា ដើម្បីបោះឆ្នោតសម្រេចចុងក្រោយ។ បេក្ខជនដែលជាប់ឆ្នោត នឹងក្លាយជាប្រធានាធិបតីថ្មីរបស់មីយ៉ាន់ម៉ា ហើយបេក្ខជនពីរនាក់ផ្សេងដែលមិនជាប់ នឹងក្លាយជាអនុប្រធានាធិបតីទី១ និងទី២ដោយស្វ័យប្រវត្តិ។
លើសពីនេះ អ្វីដែលគេដឹងច្បាស់នោះ គណបក្សសម្ព័ន្ធជាតិដើម្បីប្រជាធិបតេយ្យ ទទួលសំឡេងគ្រប់គ្រាន់សម្រាប់ជ្រើសរើសបេក្ខជនពីរនាក់ តំណាងឲ្យសភាទាំងពីរជាន់ តាមរយៈការទទួលជោគជ័យភ្លូកទឹកភ្លូកដីក្នុងការបោះឆ្នោតចុងឆ្នាំ២០១៥។ នេះមានន័យដែរថា ប្រធានាធិបតីថ្មីរបស់មីយ៉ាន់ម៉ា គឺជាបេក្ខជនមកពីបក្សលោកស្រី ស៊ូជី ព្រោះបក្សនេះមានសំឡេងគ្រប់គ្រាន់នៅសភាសហភាពហើយ។ បេក្ខជនអនុប្រធានាធិបតីម្នាក់ក្នុងចំណោមពីរនាក់ ក៏មកពីបក្ស NLD ដែរ ខណៈម្នាក់ទៀតគឺច្បាស់ណាស់ថាទៅក្រុមយោធា៕
ដំណើរការប្រជាធិបតេយ្យរបស់មីយ៉ាន់ម៉ា បានឈានមកដល់ដំណាក់កាលថ្មីមួយទៀតនៅថ្ងៃទី១០ ខែមីនានេះ ខណៈដែលសភាទាំងពីរមីយ៉ាន់ម៉ា បានជ្រើសរើសបេក្ខជនសម្រាប់ឈរជាប្រធានាធិបតីរួចហើយ។ ប៉ុន្តែក្រុមយោធាដែលមានសំឡេង២៥ភាគរយក្នុងសភាទាំងពីរជាន់នោះ នៅមិនទាន់បញ្ចេញបេក្ខជនរបស់ខ្លួននៅឡើយទេ។ គណបក្សធំៗចំនួនពីរគឺគណបក្សសម្ព័ន្ធជាតិដើម្បីប្រជាធិបតេយ្យ (NLD) របស់លោកស្រី អ៊ុងសាន ស៊ូជី និងគណបក្សសហភាពរួបរួម និងអភិវឌ្ឍន៍ (USDP) សុទ្ធតែបានដាក់បេក្ខភាពរៀងៗខ្លួន។
លោក Htin Kyaw សមាជិកសភាមកពីបក្សសម្ព័ន្ធជាតិដើម្បីប្រជាធិបតេយ្យ ត្រួវបានលោកស្រី ស៊ូជី ជ្រើសជាបេក្ខជនសម្រាប់តំណាងឲ្យសភាជាន់ទាប។ លោកគឺជាមនុស្សជិតស្និទ្ធរបស់លោកស្រី ស៊ូជី និងជាអតីតអ្នកបើកឡានឲ្យលោកស្រីផងដែរ។ បុរសវ័យ៦៩ឆ្នាំរូបនេះមានភាគរយខ្ពស់ក្នុងការជាប់ជាប្រធានាធិបតីជំនួសលោកស្រី ស៊ូជី ដ្បិតបក្សសម្ព័ន្ធ ជាតិដើម្បីប្រជាធិបតេយ្យមានសំឡេងលើសលប់ក្នុងសភាសម្រាប់បោះឆ្នោតជ្រើសរើសរូបលោក ។ មួយវិញទៀតគណបក្សលោកស្រី ស៊ូជី ក៏បានជ្រើសរើសលោក Henry Van Hti Yu ដែលជាជនជាតិឈិន ជាបេក្ខជនប្រធានាធិបតីសម្រាប់កូតាមកពីសភាជាន់ខ្ពស់ផងដែរ។
ជាមួយគ្នានេះដែរ គណបក្សសហភាពរួបរួមនិងអភិវឌ្ឍន៍របស់ប្រធានាធិបតីជិតផុតអាណត្តិលោក ថេន សេន ក៏បានជ្រើសរើសបេក្ខជនប្រធានាធិបតីដែរ។ គណបក្សនេះ បានជ្រើសរើសអនុប្រធានាធិបតីបច្ចុប្បន្នលោក Sai Mauk Kham ជាបេក្ខជនតំណាងឲ្យសភាជាន់ទាបបោះឆ្នោត ខណៈអតីតប្រធានសភាជាន់ខ្ពស់លោក Khin Aung Myint ជាបេក្ខជនតំណាងមកពីសភាជាន់ខ្ពស់របស់គណបក្សនេះ។
បន្ទាប់ពីការជ្រើសរើសនេះ សភាទាំងពីរជាន់នឹងបោះឆ្នោតជ្រើសរើសបេក្ខជនម្នាក់តំណាងឲ្យសភារៀងៗខ្លួន។ ហើយដំណាក់កាលបន្ទាប់ បេក្ខជនពីរនាក់ដែលជាប់ឆ្នោត រួមជាមួយនឹងបេក្ខជនរបស់ក្រុមយោធា នឹងត្រូវបញ្ជូនឈ្មោះទៅសភាសហភាពមីយ៉ាន់ម៉ា ដើម្បីបោះឆ្នោតសម្រេចចុងក្រោយ។ បេក្ខជនដែលជាប់ឆ្នោត នឹងក្លាយជាប្រធានាធិបតីថ្មីរបស់មីយ៉ាន់ម៉ា ហើយបេក្ខជនពីរនាក់ផ្សេងដែលមិនជាប់ នឹងក្លាយជាអនុប្រធានាធិបតីទី១ និងទី២ដោយស្វ័យប្រវត្តិ។
លើសពីនេះ អ្វីដែលគេដឹងច្បាស់នោះ គណបក្សសម្ព័ន្ធជាតិដើម្បីប្រជាធិបតេយ្យ ទទួលសំឡេងគ្រប់គ្រាន់សម្រាប់ជ្រើសរើសបេក្ខជនពីរនាក់ តំណាងឲ្យសភាទាំងពីរជាន់ តាមរយៈការទទួលជោគជ័យភ្លូកទឹកភ្លូកដីក្នុងការបោះឆ្នោតចុងឆ្នាំ២០១៥។ នេះមានន័យដែរថា ប្រធានាធិបតីថ្មីរបស់មីយ៉ាន់ម៉ា គឺជាបេក្ខជនមកពីបក្សលោកស្រី ស៊ូជី ព្រោះបក្សនេះមានសំឡេងគ្រប់គ្រាន់នៅសភាសហភាពហើយ។ បេក្ខជនអនុប្រធានាធិបតីម្នាក់ក្នុងចំណោមពីរនាក់ ក៏មកពីបក្ស NLD ដែរ ខណៈម្នាក់ទៀតគឺច្បាស់ណាស់ថាទៅក្រុមយោធា៕
Tag:
មីយ៉ាន់ម៉ា
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
5 ម៉ោង
