ឯកឧត្តម សម រង្ស៊ី-កឹម សុខា ដឹកនាំអង្គប្រជុំនៅហ្វីលីពីនជជែកពីស្ថានភាពនយោបាយ

ជាតិ

នយោបាយជាតិ

ឯកឧត្តម សម រង្ស៊ី-កឹម សុខា ដឹកនាំអង្គប្រជុំនៅហ្វីលីពីនជជែកពីស្ថានភាពនយោបាយ

13, Mar 2016 , 1:19 pm

រូបភាព

ឯកឧត្តម សម រង្ស៊ី នៅខាងឆ្វេង ឯឯកឧត្តម កឹម សុខា នៅខាងស្តាំ។ រូបនៅព្រលានយន្តហោះជប៉ុនកាលពីខែវិច្ឆិកា ឆ្នាំ ២០១៥

ដោយ:

ឯកឧត្តម កឹម សុខា និងសមាជិកគណៈកម្មាធិការអចិន្ត្រៃយ៍គណបក្សសង្គ្រោះជាតិប្រមាណ ២០ នាក់ផ្សេងទៀត បានចាកចេញពីប្រទេសកម្ពុជាទៅដល់ទីក្រុងម៉ានីលប្រទេសហ្វីលីពីនហើយនៅថ្ងៃអាទិត្យនេះ ដើម្បីទៅជួបប្រជុំជាមួយឯកឧត្តម សម រង្ស៊ី។

ឯកឧត្តម សម រង្ស៊ី និងភរិយា បានទៅចាំឯកឧត្តម កឹម សុខា និងមន្ត្រីជាន់ខ្ពស់គណបក្សសង្គ្រោះជាតិមុន នៅហ្វីលីពីន ដើម្បីបើកកិច្ចប្រជុំសំខាន់មួយនៅថ្ងៃទី ១៤ ខែមីនា ខាងមុខ។ លោក យ៉ែម បុញ្ញឫទ្ធិ អ្នកនាំពាក្យគណបក្សសង្គ្រោះជាតិ បានថ្លែងប្រាប់សារព័ត៌មានថ្មីៗថា កិច្ចប្រជុំដែលដឹកនាំដោយឯកឧត្តម សម រង្ស៊ី និងឯកឧត្តម កឹម សុខា ជាមួយសមាជិកគណៈកម្មាធិការអចិន្ត្រៃយ៍ប្រមាណ ២០ រូប នៅពេលខាងមុខ នឹងពិភាក្សា និងវាយតម្លៃ លើស្ថានភាពនយោបាយនៅកម្ពុជាចាប់ពីខែតុលា ឆ្នាំ ២០១៥ ដល់ពេលបច្ចុប្បន្ននេះ។ ហើយសំខាន់ជាងនេះទៀត លោក បុញ្ញឫទ្ធិ ក៏អះអាងថា កិច្ចប្រជុំខាងមុខនេះ ក៏នឹងពិភាក្សាពីការរៀបចំយុទ្ធសាស្ត្រសម្រាប់ការបោះឆ្នោតនាពេលខាងមុខ។

សមាជិកគណៈកម្មាធិការអចិន្ត្រៃយ៍បក្សគណបក្សសង្គ្រោះជាតិប្រមាណ ២០ នាក់ ដែលទៅចូលរួមកិច្ចប្រជុំនោះ មានដូចជា លោក អេង ឆៃអ៊ាង លោក ហូរ វ៉ាន់ និងលោក អ៊ូ ច័ន្ទឫទ្ធិ ជាដើម៕