ព័ត៍មានសុខភាព
×![]()
ដោយ: ថ្មីៗ
ការប្រឈមនឹងជំងឺមហារីកក្រពេញប្រូស្តាត នឹងកើនឡើងទៅតាមអាយុ។ យ៉ាងណាមិញ មានកត្តាប្រឈមមុខផ្សេងដែរ ដូចជា ការធាត់ជ្រុល មានប្រវត្តកើតមហារីក ជក់បារី និងការបង្ករោគជាដើម។ ខណៈដែលក្រពេញប្រូស្តាត កំពុងតែវិវត្តទៅជាមហារីកយ៉ាងយឺតៗនោះ មានមនុស្សជាច្រើនគិតថា ការរួមភេទញឹកញាប់អាចបណ្តាលឲ្យឆ្លងរោគ ឬកើតជំងឺកាមរោគ ដែលជាហេតុផលមួយបង្កជាមហារីកក្រពេញប្រូស្តាតទៅវិញ។ ប៉ុន្តែវាមិនមែនពិតប្រាកដនោះឡើយ។ អ្នកស្រាវជ្រាវបានអះអាងថា អ្នកដែលមានជីវិតផ្លូវភេទសកម្ម អាចជាហេតុផលមួយ នាំឲ្យកើតមហារីក នៅពេលក្រោយទៅវិញទេ។ 
ជីវិតផ្លូវភេទ និងការកើតមហារីកក្រពេញប្រូស្តាតមិនទាក់ទងគ្នាទេ
ការសិក្សាដែលចុះផ្សាយ ក្នុងសារព័ត៌មាន JAMA បានបង្ហាញថា បុរសដែលរួមភេទ បានសម្រេចចាប់ពី ២១ ដងឡើងទៅក្នុងមួយខែ ឃើញថាទំនងជាមិនងាយ កើតជំងឺមហារីកក្រពេញប្រូស្តាត នៅពេលអនាគត ច្រើនដូចបុរស ដែលមានអាយុ ២០ ទៅ ២៩ ឆ្នាំ និងរួមភេទបានសម្រេច ៤ ទៅ ៧ ដងឡើយ។ តាមពិត ការសិក្សាបង្ហាញថា ការរួមភេទញឹកញាប់ អាចកាត់បន្ថយការប្រឈមនឹង ជំងឺមហារីកក្រពេញប្រូស្តាត នៅពេលអនាគតទៀត។ អាហារសម្បូរជាតិសរសៃ ក៏អាចជួយកាត់បន្ថយការប្រឈមមុខដែរ។
សកម្មភាពផ្លូវភេទ មិនមែននាំឲ្យកើត មហារីកក្រពេញប្រូស្តាតទេ
ការសិក្សាដែលចុះផ្សាយក្នុងសារព័ត៌មាន BJU Inteational បាននិយាយថា ការរួមភេទជាមួយដៃគូស្នេហាច្រើន មិនបង្កើនការប្រឈម នឹងជំងឺមហារីកដែរ។ ដំបូងឡើយ យើងពិតជាអាចនិយាយបានថា អាចប្រឈមនឹងជំងឺឆ្លង ឬកាមរោគមែន ប៉ុន្តែ វាមិនប៉ះពាល់ដល់ក្រពេញប្រូស្តាតទេ ហើយថែមទាំងជាការអនុវត្តដ៏ល្អ សម្រាប់ក្រពេញនេះទៅវិញ៕
ត្រួតពិនិត្យដោយ www.health.com.kh
Tag:
សុខភាព
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
2 ថ្ងៃ
