ជាតិ
នយោបាយជាតិ
មន្ត្រីរាជការម្នាក់ៗត្រូវបំពេញការងារជូនរដ្ឋឲ្យបាន៤០ម៉ោងក្នុងមួយសប្តាហ៍
×![]()
ដោយ: ថ្មីៗ
សេចក្តីព្រាងអនុក្រឹត្យស្តីពី «ការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា» ត្រូវបានលើកយកមកពិភាក្សាក្នុងកិច្ចប្រជុំគណៈរដ្ឋមន្ត្រី នាព្រឹកថ្ងៃសុក្រ ទី១៨ ខែមីនា នេះ ក្រោមអធិបតីភាពសម្តេចនាយករដ្ឋមន្ត្រី ហ៊ុន សែន។
យោងតាមខ្លឹមសារដែលផ្តល់ដោយលោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី តាមរយៈគណនីហ្វេសប៊ុករបស់ខ្លួន ខ្លឹមសារនៃអនុក្រឹត្យនេះ គឺផ្តោតជាសំខាន់លើការអនុវត្តពេលវេលាធ្វើការរបស់មន្ត្រីរាជការ ហើយអង្គភាពខ្លះ អាចកំណត់ ឬបត់បែនពេលវេលាធ្វើការរបស់មន្ត្រីខ្លួន។
អនុក្រឹត្យស្តីពី «ការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា» រៀបចំឡើងក្នុងគោលដៅបង្កើនការចូលរួមឲ្យបានពេញលេញក្នុងការបំពេញការងារ ការលើកកម្ពស់ផលិតភាពការងាររបស់បុគ្គលនិងអង្គភាព ដោយអនុញ្ញាតឲ្យក្រសួង ស្ថាប័នថ្នាក់ជាតិនិងថ្នាក់ក្រោមជាតិ អាចកំណត់ពេលវេលាបម្រើការងារ រយៈពេលបម្រើការងារក្នុងមួយថ្ងៃ និងទីកន្លែងបម្រើការរងាររបស់មន្ត្រីរាជការស៊ីវិល និងមន្ត្រីជាប់កិច្ចសន្យានៃក្រសួង ស្ថាប័នរបស់ខ្លួនអោយមានលក្ខណៈបត់បែនស្របតាមស្ថានភាពជាកស្តែង។
បើតាមសំណេរនៅលើហ្វេសប៊ុករបស់លោក ផៃ ស៊ីផាន «មន្ត្រីរាជការស៊ីវិលនិងមន្ត្រីជាប់កិច្ចសន្យា អវត្តមានគ្មានការអនុញ្ញាតត្រូវប្រឈមនឹងការដាក់ទណ្ឌកម្មវិន័យ» ដោយ ការអនុវត្តទណ្ឌកម្មវិន័យចំពោះអវត្តមានទាំងនោះ មាននីតិវិធីងាយស្រួលនិងឆាប់រហ័សដោយផ្តល់សិទ្ធអំណាចនិងការទទួលខុសត្រូវដល់ប្រធានអង្គភាពគ្រប់គ្រងផ្ទាល់ក្នុងការគ្រប់គ្រងវត្តមានមន្ត្រី និងចាត់វិធានការអនុវត្តទណ្ឌកម្មវិន័យចំពោះអវត្តមានដែលចាប់ពី ការស្តីបន្ទោសរហូតដល់លុបឈ្មោះចេញពីក្របខណ្ឌដោយឆ្លងកាត់ក្រុមប្រឹក្សាវិន័យ។
ដើម្បីអនុវត្តគោលការណ៍ឲ្យមានប្រសិទ្ធភាព អង្គភាពនានានៃក្រសួង ស្ថាប័នថ្នាក់ជាតិ និងថ្នាក់ក្រោមជាតិ ត្រូវរៀបចំតារាងកំណត់ពេលវេលាបម្រើសេវាសាធារណៈរបស់ខ្លួនជូនមន្ត្រីរាជការស៊ីវិលម្នាក់ៗអោយបានច្បាស់លាស់ មានលក្ខណៈបត់បែនបាន ឆ្លើយតបនឹងនិរន្តភាពសេវាសាធារណៈរបស់អង្គភាព គិតគូរពីស្ថានភាពនៃជីវភាពរស់នៅនៃមន្ត្រីរាជការម្នាក់ៗគោលការណ៍បំពេញការងារជូនរដ្ឋអោយបាន៤០ម៉ោងក្នុងមួយសប្តាហ៍ និងលទ្ធផលការងារប្រៀបធៀបនឹងពេលវេលាជាដើម។
ជាមួយគ្នានេះ សេចក្តីព្រាងអនុក្រឹត្យ បានតម្រូវឲ្យមានការរៀបចំបញ្ជីវត្តមាន និងឯកសារពាក់ព័ន្ធឲ្យបានត្រឹមត្រូវ និងបង្កើតឲ្យមានយន្តការតាមដានត្រួតពិនិត្យ ដោយមិនជូនដំណឹងជាមុនទាំងពេលវេលានិងទីកន្លែង៕
យោងតាមខ្លឹមសារដែលផ្តល់ដោយលោក ផៃ ស៊ីផាន អ្នកនាំពាក្យទីស្តីការគណៈរដ្ឋមន្ត្រី តាមរយៈគណនីហ្វេសប៊ុករបស់ខ្លួន ខ្លឹមសារនៃអនុក្រឹត្យនេះ គឺផ្តោតជាសំខាន់លើការអនុវត្តពេលវេលាធ្វើការរបស់មន្ត្រីរាជការ ហើយអង្គភាពខ្លះ អាចកំណត់ ឬបត់បែនពេលវេលាធ្វើការរបស់មន្ត្រីខ្លួន។
អនុក្រឹត្យស្តីពី «ការគ្រប់គ្រងវត្តមានមន្ត្រីរាជការស៊ីវិល និងមន្ត្រីជាប់កិច្ចសន្យា» រៀបចំឡើងក្នុងគោលដៅបង្កើនការចូលរួមឲ្យបានពេញលេញក្នុងការបំពេញការងារ ការលើកកម្ពស់ផលិតភាពការងាររបស់បុគ្គលនិងអង្គភាព ដោយអនុញ្ញាតឲ្យក្រសួង ស្ថាប័នថ្នាក់ជាតិនិងថ្នាក់ក្រោមជាតិ អាចកំណត់ពេលវេលាបម្រើការងារ រយៈពេលបម្រើការងារក្នុងមួយថ្ងៃ និងទីកន្លែងបម្រើការរងាររបស់មន្ត្រីរាជការស៊ីវិល និងមន្ត្រីជាប់កិច្ចសន្យានៃក្រសួង ស្ថាប័នរបស់ខ្លួនអោយមានលក្ខណៈបត់បែនស្របតាមស្ថានភាពជាកស្តែង។
បើតាមសំណេរនៅលើហ្វេសប៊ុករបស់លោក ផៃ ស៊ីផាន «មន្ត្រីរាជការស៊ីវិលនិងមន្ត្រីជាប់កិច្ចសន្យា អវត្តមានគ្មានការអនុញ្ញាតត្រូវប្រឈមនឹងការដាក់ទណ្ឌកម្មវិន័យ» ដោយ ការអនុវត្តទណ្ឌកម្មវិន័យចំពោះអវត្តមានទាំងនោះ មាននីតិវិធីងាយស្រួលនិងឆាប់រហ័សដោយផ្តល់សិទ្ធអំណាចនិងការទទួលខុសត្រូវដល់ប្រធានអង្គភាពគ្រប់គ្រងផ្ទាល់ក្នុងការគ្រប់គ្រងវត្តមានមន្ត្រី និងចាត់វិធានការអនុវត្តទណ្ឌកម្មវិន័យចំពោះអវត្តមានដែលចាប់ពី ការស្តីបន្ទោសរហូតដល់លុបឈ្មោះចេញពីក្របខណ្ឌដោយឆ្លងកាត់ក្រុមប្រឹក្សាវិន័យ។
ដើម្បីអនុវត្តគោលការណ៍ឲ្យមានប្រសិទ្ធភាព អង្គភាពនានានៃក្រសួង ស្ថាប័នថ្នាក់ជាតិ និងថ្នាក់ក្រោមជាតិ ត្រូវរៀបចំតារាងកំណត់ពេលវេលាបម្រើសេវាសាធារណៈរបស់ខ្លួនជូនមន្ត្រីរាជការស៊ីវិលម្នាក់ៗអោយបានច្បាស់លាស់ មានលក្ខណៈបត់បែនបាន ឆ្លើយតបនឹងនិរន្តភាពសេវាសាធារណៈរបស់អង្គភាព គិតគូរពីស្ថានភាពនៃជីវភាពរស់នៅនៃមន្ត្រីរាជការម្នាក់ៗគោលការណ៍បំពេញការងារជូនរដ្ឋអោយបាន៤០ម៉ោងក្នុងមួយសប្តាហ៍ និងលទ្ធផលការងារប្រៀបធៀបនឹងពេលវេលាជាដើម។
ជាមួយគ្នានេះ សេចក្តីព្រាងអនុក្រឹត្យ បានតម្រូវឲ្យមានការរៀបចំបញ្ជីវត្តមាន និងឯកសារពាក់ព័ន្ធឲ្យបានត្រឹមត្រូវ និងបង្កើតឲ្យមានយន្តការតាមដានត្រួតពិនិត្យ ដោយមិនជូនដំណឹងជាមុនទាំងពេលវេលានិងទីកន្លែង៕
Tag:
សម្តេច ហ៊ុន សែន
មន្ត្រីរាជការ
© រក្សាសិទ្ធិដោយ thmeythmey.com
«មជ្ឈការ»មានន័យខុសពី«វិមជ្ឈការ»ដូចម្តេច?
1 សប្តាហ៍
