ជាតិ
លោក ស៊ុត ឌីណា៖ អយុត្តិធម៌ណាស់សម្រាប់ខ្ញុំ លោក ស៊ុត ឌីណា នៅពេលបញ្ជូនទៅសាលាដំបូងរាជធានីភ្នំពេញ។ រូបថត ក្រុម SBN
× លោក ស៊ុត ឌីណា ឯកអគ្គរាជទូតកម្ពុជា ប្រចាំកូរ៉េខាងត្បូង ត្រូវបានបញ្ជូនទៅសាកសួរនៅសាលាដំបូងរាជធានីភ្នំពេញនាព្រឹកថ្ងៃ ព្រហស្បតិ៍នេះ។ លោកត្រូវបានបញ្ជូនទៅតុលាការបន្ទាប់ពីអង្គភាពប្រឆាំងអំពើពុករលួយ (ACU) រកឃើញថា លោកជាប់សង្ស័យពាក់ព័ន្ធនឹងការប្រព្រឹត្តអំពើពុករលួយ។
មុនបញ្ជូនចូលទៅក្នុងតុលាការ លោក ស៊ុត ឌីណា បានស្រែកថា៖ «អយុត្តិធម៌ណាស់សម្រាប់ខ្ញុំ»។
សូមបញ្ជាក់ថា កន្លងមកលោក ឌីណា ក៏ធ្លាប់សរសេរសារទៅកាន់ Page Facebook របស់សម្តេច ហ៊ុន សែន ផ្ទាល់ ដើម្បីឲ្យប្រមុខរដ្ឋាភិបាលជួយអន្តរាគមន៍ពីបញ្ហា ដែលលោកអះអាងថា ខ្លួនទទួលរងភាពអយុត្តិធម៌ ដោយសារការមួលបង្កាច់ និងបង្ខូចកេរ្ត៍ឈ្មោះលោក ពីមនុស្សមួយចំនួននៅក្នុងគណបក្សប្រជាជន។ ក្នុងអំឡុងពេលកាន់តួនាទីលោក ស៊ុត ឌីណា ក៏ធ្លាប់មានបញ្ហាល្អក់កករមួយចំនួន ជាមួយលោក ហោ ណាំហុង អតីតរដ្ឋមន្ត្រីក្រសួងការបរទេស ដោយលោក ហោ ណាំហុង ធ្លាប់បានផ្ញើលិខិតណែនាំទៅលោក ស៊ុត ឌីណា ជុំវិញបញ្ហាកិច្ចការងារការទូតនេះដែរ ហើយលោក ស៊ុត ឌីណា ត្រូវក្រសួងការបរទេសកម្ពុជា ហៅមកបំភ្លឺនៅទីស្តីការក្រសួងទៀតផង៕
© រក្សាសិទ្ធិដោយ thmeythmey.com